1 कुरिन्थि 16:6 - Garhwali

⁶ अर कुछ दिनों तक तुमरा ही पास रौ, अर क्या पता मि ह्‍यूँद का पूरा मैना उखि काटु। अर वेका बाद जख मि जौलु तब तुम चा त मेरा यात्रा खुणि मेरी मदद कैरी सकद्‍यां।

गढवली नयो नियम

⁶ पर हवे सकद कि मि तुम दगड़ी जादा बगत कु रौ, या हवे सकद कि ह्यूंद तक, अर फिर जख भि मि जौलु, तुम मि तैं मेरी यात्रा पर भेजि सकदां।

1 कुरिन्थि 16:6 ပူးပေါင်းရင်းမြစ်များ

खास चेलों 15:3

तब समुदाय का कुछ लोग ऊंतैं छुड़णु खुणि कुछ दूर तक गैनी। अर यू लोग फीनीके अर सामरिया मुलकों बटि ह्‍वेके गैनी, अर उखा बिस्वासी भै-बैंणो तैं ऊं लोगु का बारा मा बतै जु यहूदी जाति का नि छा कि ऊंन प्रभु यीशु तैं कनकै अपणा जीवन मा स्वीकार कैरी, अर ईं बात का बाना सब लोग खुश ह्‍वे गैनी।

खास चेलों 17:15

अर कुछ लोग पौलुस का दगड़ा मा एथेन्स नगर तक वेतैं पौंछाणु खुणि गैनी। तब पौलुस न ऊंमा सीलास अर तीमुथियुस खुणि इन रैबार दिनी, कि ऊंकू बुलयां की जथगा जल्दी ह्‍वे सैको मेरा पास ऐ जयां।

खास चेलों 21:5

अर उख सात दिन रौण का बाद हम उख बटि जाण लगि ग्यां, तब उखा सब बिस्वासी लोग, अपणी जनानियों अर बच्‍चों समेत हमतै छुड़णु कू नगर का भैर तक ऐनी, अर वे समुन्दर का छाला पर हमुन घुंडा टेकी के प्रार्थना कैरी।

खास चेलों 27:12

अर ह्‍यूँद का दिन होण की वजै से जादातर लोगु न इन सला देई अगर ह्‍वे सैको, त हम कनकै भि जाज को सफर शुरु कैरिके बस फीनिक्स नगर तक पौंछी जां, ताकि हम ह्‍यूँद को मैना उखि काटा। अर फीनिक्स नगर त क्रेते टापू को एक बंदरगाह च, जु की दक्छिण-पच्छिम और उत्तर-पच्छिम दिसा मा च।

खास चेलों 28:11

अर तीन मैना का बाद हम सिकन्दरिया नगर कू जाण वळा पाणि का एक जाज मा बैठ ग्यां, अर हमुन जाज को सफर शुरु कैरी अर यू जाज पूरा ह्‍यूँद बटि माल्टा टापू पर ही रुक्युं छौ। अर ये जाज पर दुई जौंळ्या भैयों को चिन्‍न बणयूं छौ, जु कि द्‍यबता छा।

रोमियों 15:24

अभि मि स्पेन देस जाण की योजना बणौणु छौं, अर जब मि इन करलु त वे बगत पर मि तुमरा पास रोम मा रुकी जौलु। अर कुछ बगत तक तुमरि संगत मा रै के बड़ु आनन्द मणौलु। अर वेका बाद तुम मेरा अगनै का सफर खुणि मेरी मदद भि कैरी सकद्‍यां।

1 कुरिन्थि 16:11

इलै कुई भि मनखि वेको तिरिस्कार नि कैरो। अर तुम वेकी यात्रा मा वेकी पूरि मदद कर्यां, ताकि उ ठिक ढंगल मेरा पास पौंछी सैको, किलैकि मि वेको इंतजार कनु छौं, कि उ दुसरा बिस्वासी भैयों का दगड़ा मेरा पास ऐ जौ।

2 कुरिन्थि 1:16

अर मिन इन योजना बणईं छै कि मकिदुनिया मुलक जान्द दौं मि तुमरा पास से ह्‍वेके जौं। अर उख बटि यहूदिया मुलक कू जाण दौं भि मि तुमरा पास ह्‍वेके जौं, अर जब मि यहूदिया मुलक कू जाणु रौलु त तुम लोग मेरी मदद कर्यां, मगर मेरी या योजना सफल नि ह्‍वे सैकी।

तीतुस 3:12

अर तीतुस, जब मि तेरा पास अरतिमास या तुखिकुस भै तैं भेजलु, तब तू निकुपुलिस नगर मा औण की कोसिस कैरी। किलैकि अबरि दौं मेरी ह्‍यूँद कटण की इखि सोची च।