1 कुरिन्थि 16:19 - Garhwali

¹⁹ अर इख आसिया मुलक का बिस्वासी लोग तुमकु सलाम बोन्‍ना छिन। अर अक्‍किला अर वेकी घरवळी प्रिस्का बैंण, अर ऊंका घौर मा इकट्‍ठा होण वळा बिस्वासी समुदाय का लोग भि तुमकु दिल से सलाम बुलणा छिन।

गढवली नयो नियम

¹⁹ एशिया प्रान्त की मंडलियों का विश्वासी लुखुं तुम तैं प्रणाम; अक्विला अर वेकी जनन प्रिस्किल्ला अर मण्डलि ज्वा ऊंका घौर मा कठ्ठा हूंदी ऊंका तरपां बट्टी भि तुम तैं प्रभु मा प्रणाम।

1 कुरिन्थि 16:19 ပူးပေါင်းရင်းမြစ်များ

खास चेलों 16:6

अर येका बाद पौलुस अर वेका दगड़्या फ्रूगिया अर गलाति का मुलक बटि ह्‍वेके गैनी, किलैकि पवित्र आत्मा न ऊंतैं आसिया मुलक मा वचन सुनौणु खुणि मना कर्युं छौ।

खास चेलों 18:18

अर येका बाद भौत दिनों तक पौलुस कुरिन्थि नगर मा रै। अर वेका बाद बिस्वासी भै-बैंणो बटि विदै लेके पाणि का जाज से सीरिया मुलक कू चलि गै, अर वेका दगड़ा मा प्रिस्किल्‍ला बैंण अर अक्‍किला भै भि छौ। अर किंख्रिया नगर मा ऐके पौलुस न अपणु मुण्ड़ मुण्ड़वै, किलैकि वेन प्रभु बटि एक मन्‍नत मंगी छै।

खास चेलों 18:2

कुरिन्थि नगर मा अक्‍किला नौ को एक यहूदी मनखि छौ, जु कि पुन्तुस मुलक को मूल निवासी छौ। अर वु हाल ही मा अपणी घरवळी प्रिस्किल्‍ला का दगड़ा मा इटली मुलक बटि अयूं छौ। अर ऊंन इटली इलै छोड़ि, किलैकि महाराजा क्लौदियुस न सब यहूदियों तैं रोम नगर बटि निकळण की आज्ञा दियाली छै। अर जब पौलुस कुरिन्थि नगर मा पौंछी, त वेकी मुलाकात येका दगड़ा मा ह्‍वे, तब पौलुस ऊंका घौर गै।

खास चेलों 18:26

अर यू प्रार्थना भवन मा बेधड़क ह्‍वेके बुलण लगि गै। अर जब प्रिस्किल्‍ला बैंण अर अक्‍किला भै न येकी बातों तैं सुणी, त वु येतैं अपणा घौर लि गैनी, अर येतैं परमेस्वर का बाटा का बारा मा और अच्छा तरीके से बतै।

खास चेलों 19:10

अर दुई साल तक इन्‍नि चलणु रै, ताकि आसिया मुलक का लोग, यहूदी लोग, अर यूनानी जाति का लोग प्रभु का वचन तैं सुणी सैका।

खास चेलों 2:9

जब की हम मा बटि कुछ लोग त पारथी अर मादी मुलक का छिन, अर कुछ त मेसोपोटामिया मुलक बटि अयां छिन, अर कुछ लोग एलामी निवासी छिन। इख तक की हमरा बीच मा यहूदिया, कप्पदूकिया, पुन्तुस, अर आसिया मुलकों का रौण वळा लोग भि इख अयां छिन।

रोमियों 16:15

फिलुलुगुस भै अर यूलिया बैंण अर नेर्युस अर वेकी बैंण, अर उलुम्पास भै तैं, अर ऊंका दगड़ा-दगड़ि सब बिस्वासी लोगु तैं भि मेरु सलाम।

कुलुसी 4:15

अर लौदीकिया का बिस्वासी भै-बैंणो तैं हमरु सलाम बुलयां, अर हमरि बैंण नुमफास का घौर मा इकट्‍ठा होण वळी समुदाय का लोगु खुणि भि सलाम बुलयां।

2 तीमुथियुस 4:19

अर बैंण प्रिस्का, अर भै अक्‍किला, अर उनेसिफुरुस का घौर मा रौण वळा सब लोगु तैं मेरु सलाम।

फिलेमोन 1:2

अर मि या चिठ्‍ठी हमरि बिस्वासी बैंण अफफिया, अर हमरा दगड़ा मा सिपै की तरौं काम करण वळा अरखिप्पुस भै खुणि भि लिखणु छौं। हे मेरा भै, या चिठ्‍ठी तुमरा घौर मा जमा होण वळा बिस्वासी समुदाय का लोगु खुणि भि च।

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”