1 कुरिन्थि 16:18 - Garhwali

¹⁸ अर ऊं लोगु न तुमरा अर मेरा मन तैं बड़ी खुशी देई, इलै इन्द्रया लोगु की कदर कैरा।

गढवली नयो नियम

¹⁸ अर ऊंल मि तैं प्रोत्साहित कैरी, जन उ तुम कु भि करला, जब उ तुम मा वापिस आला, इलै तुम तैं ऊंका जन लुखुं कु सामना कन चयणु च।

1 कुरिन्थि 16:18 ပူးပေါင်းရင်းမြစ်များ

रोमियों 15:32

अगर पिता परमेस्वर की इच्छा इन्‍नि होलि, त मि तुमरा पास बड़ी खुशी से औलु, अर तुमरा पास ऐके कुछ आराम करलु अर नयू जोस पौलु।

2 कुरिन्थि 7:13

अर ज्वा तारीफ मिन तुमरि तीतुस भै का पास कैरी वां खुणि मितैं सरमिन्दा नि होण पोड़ि, किलैकि ऊ सब बात सच्‍च छै। अर जु कुछ भि तीतुस तैं बतये गै उ सब कुछ तुमुन साबित कैरिके दिखै। अर जब उ तुमरा इख बटि ऐ, त तीतुस का द्‍वारा हमतै बड़ी दिलासा मिली। अर ना केवल दिलासा ही दिलासा, बल्किन मा हमतै बड़ी खुशी ह्‍वे किलैकि तीतुस भौत खुश छौ। अर ईं बात की वजा तुम लोग छाँ, किलैकि तुमुन वेतैं भौत अच्छे से स्वीकार कैरी।

कुलुसी 4:8

अर मि वेतैं तुमरा पास इलै भेजणु छौं, ताकि वेका द्‍वारा तुमतै हमरि हालत का बारा मा पता चलि जौ, अर जब उ तुमरा पास पौंछी जालु त उ तुमरा दिलों की हिम्मत तैं भि बढालु।

1 थिस्सलुनीकी 5:12

हे मेरा भै-बैंणो, हम तुम से बिन्ती करद्‍यां, कि तुम ऊं लोगु की कदर कैरा, जु तुमरा बीच तुमतै सच्‍चै की शिक्षा देके वेको बाटु बतौन्दिन। अर ऊंकी या शिक्षा इलै च, ताकि तुम लोग प्रभु मा और अगनै बैढी सैका।

फिलेमोन 1:20

हे मेरा भै, सच्‍चि मा हम दुईया का दुई प्रभु यीशु मसीह का छां, इलै फैदे की बात या च कि तू उनेसिमुस तैं स्वीकार कैर। अर अगर तू वेतैं स्वीकार करली, त इन कैरिके तू मेरी जिकुड़ी तैं खुश कैरी दिली।

फिलेमोन 1:7

हे मेरा दगड़्या, तेरा प्यार का सभौ तैं देखि के मितैं बड़ी तसली अर खुशी मिलदी। किलैकि तेरा द्‍वारा बिस्वासी लोगु का मन भौत खुश ह्‍वेनि।

इब्रानी 13:7

अर जौन तुमतै परमेस्वर को वचन सुणै, तुम ऊं शिक्षा देण वळो तैं याद रखा। अर तुम ऊंका अच्छा चाल-चलन पर ध्यान द्‍या अर वेका मुताबिक ऊंका बिस्वास तैं देखि के तुम ऊंका जन जीवन भि ज्या।

3 यूहन्ना 1:4

अर जब मि इन सुणदु, कि मेरा बच्‍चा सच्‍चै का बाटा पर चलणा छिन, त मितैं ईं बात से जादा खुशी और कैं दुसरि बात मा नि मिलदी।