1 कुरिन्थि 15:8 - Garhwali

⁸ अर ऊं सभ्यों का बाद मि पौलुस न भि वेतैं देखि, अर वे पर बिस्वास कैरी। अर वे बगत मेरी हालत वे बच्‍चा का जन छै जु कि बगत से पैलि ही जनम ले देन्दु।

गढवली नयो नियम

⁸ अर सभियूं का बाद मि तैं भि दिखै, अर मि अचानक ही प्रभु यीशु कु प्रेरित बणु, ज्यां कि कुई उम्मीद भि नि छै, एक इन बच्चा का जन जु बगत पूरो हूंण से पैली ही पैदा हवे।

1 कुरिन्थि 15:8 ပူးပေါင်းရင်းမြစ်များ

खास चेलों 18:9

अर एक राति इन ह्‍वे, कि प्रभु न पौलुस तैं एक दरसन मा बोलि, “पौलुस डौऽर ना, बोन्‍नु रौ, चुप नि हो,

खास चेलों 22:14

वेन मिकू बोलि, ‘हमरा पितरों का परमेस्वर न त्वेतै पैलि बटि चुण्यालि छौ, ताकि तू वेकी मनसा अर बातों तैं जाणि सैकी, अर वे धरमी मनखि तैं देखि सैकी,

खास चेलों 22:18

तब मिन प्रभु की दिब्य चमक देखि अर वेतैं इन बुल्द सुणी, ‘हे शाऊल, तू यरूशलेम नगर बटि निकळि के जल्दी चलि जा, किलैकि यों लोगु न मेरा बारा मा तेरी गवै तैं स्वीकार नि करण।’

खास चेलों 22:6

अर जब मि दमिश्क नगर का नजदीक पौंछु, त वे दुफरा मा अचानक आसमान बटि एक उज्याळु मेरा चौतरफि चमकण लगि गै,

खास चेलों 26:12

“मगर साब, एक दिन इन ह्‍वे, कि मि मुख्य पुरोहितों बटि अधिकार अर इजाजत पत्र पैके दमिश्क नगर कू जाणु छौ,

खास चेलों 26:16

पर अब उठ अर खड़ु ह्‍वे जा, मिन त्वेतै अपणु दरसन इलै दिखै, ताकि मि त्वेतै अपणु एक सेवक अर गवा बणौ, अर जु कुछ तिन देखि, अर जु कुछ भि अब मि त्वेतै दिखौलु तू ऊं सब बातों को गवा ह्‍वेलि।

खास चेलों 9:17

तब हनन्याह उख बटि उठी अर वे घौर जनै गै। अर जब हनन्याह वे घौर मा पौंछी, त वेन अपणु हाथ शाऊल पर रखी के बोलि, “शाऊल भै, जै प्रभु यीशु न त्वेतै वे बाटा मा दरसन दे छौ वेन ही मितैं इख तेरा पास भेजि, ताकि तू फिर से दिखण लगि जै अर पवित्र आत्मा से भरपूर ह्‍वे जै।”

1 कुरिन्थि 9:1

हे मेरा भै-बैंणो, मेरी बात पर ध्यान द्‍या मि एक आजाद मनखि छौं, अर प्रभु यीशु को खास चेला भि, अर हमरा प्रभु यीशु तैं मिन अपणा समणि देखि छौ। अर मेरा काम को नतीजा तुम लोग ही छाँ, जौन यीशु पर बिस्वास कैरी।