1 कुरिन्थि 15:53 - Garhwali

⁵³ किलैकि हम नास होण वळा ये सरील तैं लेके स्वर्ग मा नि जै सकद्‍यां, इलै ये सरील को नास होण जरुरी च, ताकि हमतै वु सरील मिली सैको जु कि अजर-अमर च।

गढवली नयो नियम

⁵³ किलैकि हमारो यु देह जु बड़ा आसानी ल मोरि जांद अर सैड़ी जांद, वे तैं एक इन देह मा बदली जांद जु न कभी मुरद अर न कभी सडद।

1 कुरिन्थि 15:53 ပူးပေါင်းရင်းမြစ်များ

रोमियों 1:23

अर ऊं लोगु न सदनि तक रौण वळा पिता परमेस्वर की बडै नि कैरी, बल्किन मा ऊंन त नास ह्‍वे जाण वळा मनखियों, पंछियों, अर चार खुटा वळा जानबरों की पूजा कैरी, अर वेका दगड़ा-दगड़ि ऊंन रिंगण वळा जीव अर जानबरों की मूरत बणैनी, अर ऊंकी पूजा करण लगि गैनी।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

गलातियों 3:27

अर तुम मा बटि जथगा लोगु न यीशु का नौ से पाणि मा डुबकी लेके बपतिस्मा लिनी, ऊंन यीशु मसीह तैं कपड़ों का जन पैनयालि।

इफिसुस 4:24

अर अपणा ये नया सभौ का मुताबिक परमेस्वर की नजर मा एक सच्‍चु धरमी अर पवित्र जीवन जीण वळु बणा।

1 यूहन्ना 3:2

हे मेरा प्यारा लोगु, अब हम परमेस्वर की औलाद छां, अर औण वळा बगत मा क्या जि होला वेका बारा मा परगट नि किये गै। मगर हम त बस इथगा ही जणद्‍यां, कि जब यीशु मसीह परगट होलु त हम भि वेका जन बणि जौला, किलैकि हम वेतैं ठिक उन्‍नि दिखुला जन उ छैई च।