1 कुरिन्थि 15:29 - Garhwali

²⁹ अर पिता परमेस्वर मुरयां लोगु तैं जरुर मुरदो मा बटि ज्यून्द करलु। अर अगर तुम लोग ईं बात पर बिस्वास नि करद्‍यां, त तुम लोगु मा बटि जु मुरयां लोगु खुणि बपतिस्मा लिणा छिन वु कैं आस की वजै से इन करणा छिन?

गढवली नयो नियम

²⁹ अब, जु मुर्दों तैं जीवित नि किये जांद, त जु लोग मौत कु बपतिस्मा लींदींनि, त उ क्य करला? जु मुर्दा ज्यून्दा ही नि हूंदींनि, त फिर किलै मुरयां लुखुं कु बपतिस्मा लिदींनि?

1 कुरिन्थि 15:29 ပူးပေါင်းရင်းမြစ်များ

1 कुरिन्थि 15:16

इलै मि तुमतै बतै देन्दु कि अगर जु मुरयां लोग ज्यून्दा नि किये जाला, त यां को मतलब च कि मसीह भि ज्यून्द नि किये गै।

मत्ती 20:22

ईं बात तैं सुणी के यीशु न बोलि, “तुम नि जणद्‍यां कि तुम मंगणा क्या छाँ। क्या तुम वे दुख तैं झेली सकद्‍यां, जु मि झिलण वळु छौं?” तब ऊं दुईयों न वेकू बोलि, “हाँ गुरुजी, हम झेली सकद्‍यां।”

1 कुरिन्थि 15:32

अर इफिसुस नगर का लोगु न मेरु बड़ु विरोध कैरी, अर ऊ मि पर जंगळि जानबर की तरौं कटणु कू ऐनी। अर अगर मुरयां लोगु तैं ज्यून्द नि किये जालु, त विरोध करण वळा लोगु का खिलाप मा जु कुछ भि मिन कैरी, वेको कुई फैदा नि ह्‍वे। तब हम भि इन बोलि सकद्‍यां कि, “अरे भोळ त हमुन भि मुरण ही च, चला, हम सब खूब खा-प्या।”

मत्ती 3:6

अर ऊं लोगु न अपणा-अपणा पापों तैं कबूल कैरिके यरदन गाड मा यूहन्‍ना बटि बपतिस्मा ले।

1 कुरिन्थि 15:28

अर पिता परमेस्वर न सब कुछ अपणा पुत्र यीशु मसीह का अधीन मा कैरियाली, तब पुत्र भि खुद तैं वे पिता परमेस्वर का अधीन कैरी द्‍यालु, ताकि पिता परमेस्वर ही सभ्यों पर राज कैरो।

1 कुरिन्थि 15:30

अर अगर पिता परमेस्वर लोगु तैं मुरदो मा बटि ज्यून्द नि करलु, त हम हरेक दिन इथगा दुख-मुसीबत किलै उठौन्दा?