1 कुरिन्थि 14:31 - Garhwali

^31-32 अर एक रैबर्या अपणी आत्मा तैं काबू मा रखी सकदु च, किलैकि तुम सब एक-एक कैरिके भविष्यबाणी कैरी सकद्‍यां, ताकि सब लोग सिखी सैका अर सभ्यों तैं हिम्मत मिलु।

गढवली नयो नियम

³¹ तुम सभि पिता परमेश्वर का संदेश कु प्रचार कैरी सकदियां, पर एक का बाद एक कैरी कै, कि हर कुई सिखौ अर प्रोत्साहित हो।

1 कुरिन्थि 14:31 ပူးပေါင်းရင်းမြစ်များ

1 थिस्सलुनीकी 5:14

अर सभ्यों का दगड़ा मा सबर रखण वळा बणयां रा। हे मेरा भै-बैंणो, हम तुमतै उपदेस देके बुल्द्‍यां, कि जु लोग अळकसि छिन, ऊंतैं तुम चितै के समझा, अर जु डऽरपोक छिन ऊंतैं हिम्मत द्‍या, अर जु कमजोर छिन ऊंकी मदद कैरा।

1 थिस्सलुनीकी 5:11

इलै जन की तुम करदी औणा छाँ एक-दुसरा तैं दिलासा दिणा रा, अर एक-दुसरा की हिम्मत बढा।

1 थिस्सलुनीकी 4:18

इलै यों बातों से एक-दुसरे की हिम्मत बढणा रा।

2 कुरिन्थि 1:4

अर जब दुख-तकलीफ हमरा जीवन मा औन्दिन, त प्रभु हमतै दिलासा देन्दु। अर इन उ इलै करदु, ताकि हम भि ऊंतैं दिलासा दे सैका जु लोग दुख-तकलीफो मा छिन।

1 कुरिन्थि 14:35

अर अगर वु कुछ सिखण चाणि छिन, त अपणा-अपणा घौर मा जैके अपणा पति बटि पूछा, किलैकि बिस्वासी समुदाय का बीच मा सवाल-जबाब कैरिके कखि वा सभा तैं ही भंग नि कैरी द्‍यो।

1 कुरिन्थि 14:19

इलै मि बिस्वासी समुदाय मा ऊं भाषाओं को इस्तेमाल नि करदु, किलैकि मि खुणि या बात जादा फैदे की च कि मि अपणा ज्ञान मा बटि जण चर-एक बात ही कैरुं, ताकि सब बिस्वासी लोग समझि सैका अर मजबूत ह्‍वे जा। अर अगर जु मि भौत सरी बात बोललु, अर कै की समझ मा कुछ भि नि अऽ, त फिर क्या फैदा ह्‍वे अर इन करण से कुछ भि नि होण।

1 कुरिन्थि 14:3

पर जु मनखि भविष्यबाणी करदु, उ अपणी बातों का द्‍वारा बिस्वासी समुदाय का लोगु का दगड़ा मा बात करदु, अर ऊंका बिस्वास तैं मजबूत करदु। अर ऊंकी हिम्मत बढै के ऊंका दिलों तैं दिलासा देन्दु।

रोमियों 1:12

अर जब मि तुम लोगु का बीच मा रौलु, त वे बगत हम आपस मा एक-दुसरा तैं बिस्वास मा और जादा बढौला।

1 कुरिन्थि 14:30

अर अगर समुदाय का बीच बैठयां लोगु मा बटि कै का द्‍वारा राज की कुई बात परगट किये जाणि हो, त जु पैलि बुलण छौ वेतैं चुप ह्‍वे जाण चयेणु।

कुलुसी 2:2

अर या मेनत मि इलै करदु, ताकि तुम सभ्या का सभि एक-दुसरे कि हिम्मत बढै सैका, अर अपणा आपस मा बड़ा प्यार से मिली-जुली के रा। अर पिता परमेस्वर का ज्ञान का खजाना तैं तुम जाणि सैका ज्यां से की सच्‍चै की समझ मिलदी, अर तुम परमेस्वर का वे राज तैं भि पछ्याणी सैका, जु की यीशु मसीह का द्‍वारा परगट ह्‍वे।

1 थिस्सलुनीकी 5:20

अर जु भविष्यबाणियाँ दुसरा बिस्वासी करदिन, ऊंतैं बेकार नि समझा।