1 कुरिन्थि 14:23 - Garhwali

²³ इलै अगर जु बिस्वासी समुदाय का सब लोग एक जगा इकट्‍ठा हो, अर ऊ सभ्या का सभि अलग-अलग भाषा मा बोन्‍ना हो, अर अगर कुई मनखि तुमरा बीच मा ऐ जौ जु कि बिस्वास नि हो, त क्या उ इन नि बोललु कि यू लोग बौल्या ह्‍वे गैनी?

गढवली नयो नियम

²³ त जु मण्डलि एक ही जगा कठ्ठा हो, अर सभि का सभि अन्य भाषा बोला, अर सीधा लोग या अविश्वासी लोग भितर ए जा त उ जरूर सुचला की तुम पागल छा।

1 कुरिन्थि 14:23 ပူးပေါင်းရင်းမြစ်များ

लूका 12:46

तब वे नौकर को मालिक एक इन्द्रया दिन पर आलु जै दिन कि वेतैं आस भि नि होलि, बल्किन मा इन्द्रया बगत पर आलु जैका बारा मा उ जणदु भि नि होलु। तब वेको मालिक वेतैं कड़क से कड़क सजा दयालु, अर वेतैं ऊंका दगड़ा मा भेजि द्‍यालु जु आज्ञा नि मणदिन।

यूहन्ना 10:20

अर ऊं मदि भौत सरा मनखि बुलण लगि गैनी कि, “वे पर त खबेस लग्यूं च, अर उ त बौल्या च, तुम वेकी छुईंयों तैं किलै सुणद्‍यां?”

खास चेलों 2:13

पर दुसरा लोगु न बिस्वासी लोगु को मजाक बणै के बोलि, “अरे यू त नयी दारु पी के टूंन होयां छिन।”

खास चेलों 26:24

अर जब पौलुस अपणा बचाव मा यों बातों तैं बोन्‍नु छौ, कि तबरि तक गवर्नर फेस्तुस न चिल्‍लै के बोलि, “हे पौलुस, तेरु दिमाग खराब ह्‍वे गै, जादा पैढी-लिखी के तू बौल्या ह्‍वे गै।”

1 कुरिन्थि 11:18

किलैकि सबसे पैलि बात त या च, कि मिन तुमरा बारा मा इन सुणी कि जब बिस्वासी लोगु को समुदाय इकट्‍ठा होन्दु, त लोग अपणा आपस मा दल बणौणा छिन। अर जु कुछ भि मितैं पता चलि वामा बटि कुछ-कुछ बातों पर मितैं यकीन च।