1 कुरिन्थि 14:13 - Garhwali

¹³ इलै जु मनखि दुसरि भाषा मा बुल्दु, उ पिता परमेस्वर से इन भि प्रार्थना कैरो कि उ वीं भाषा को मतलब आम बोल-चाल मा भि बतै सैको, ताकि सब लोग समझि सैका।

गढवली नयो नियम

¹³ इलै जु अन्य भाषा बुल्दींनि, त उ प्रार्थना कैरा, कि जु उ बुल्दो वेको मतलब समझण का लैके भि हो।

1 कुरिन्थि 14:13 ပူးပေါင်းရင်းမြစ်များ

मरकुस 11:24

इलै मि तुम बटि बोन्‍नु छौ कि जु कुछ भि तुम प्रार्थना मा मंगिल्या, त इन बिस्वास कैरा कि वु तुमतै मिली गै, अर सुणा, वु तुमतै मिली जालु।

खास चेलों 1:14

अर यू सभ्या का सभि हमेसा एक जगा मा मिलदा छा अर एक मन ह्‍वेके प्रार्थना करदा छा, अर ऊंका दगड़ा मा यीशु की माँ मरियम अर वेका भै अर कुछ और जनानियां भि छै।

खास चेलों 8:15

तब यू दुईया का दुईया उख गैनी। अर जब पतरस अर यूहन्‍ना सामरिया मुलक मा पौंछिनी, त उख पौंछण का बाद ऊंन लोगु खुणि प्रार्थना कैरी, ताकि ऊ लोग भि पवित्र आत्मा पा।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

1 कुरिन्थि 12:30

अर नऽ ही सब लोग बिमारों तैं खूब कैरी सकदिन, अर ना ही सब लोग अलग-अलग भाषा बोलि सकदिन। अर ना ही सब लोगु तैं इन बरदान मिल्यूं च कि वु अलग-अलग भाषा को अनुवाद कैरिके आम बोल-चाल मा वेको मतलब बतै सैका।

1 कुरिन्थि 14:12

अर तुम लोग जु कि पूरा जोस से पवित्र आत्मा का बरदान तैं पौण की मनसा करद्‍यां, यों बरदानों से भरपूर होण की पूरि कोसिस कैरा, ताकि बिस्वासी समुदाय का लोगु की तरक्‍की ह्‍वे सैको।

1 कुरिन्थि 14:14

अर इन मि इलै बोन्‍नु छौं, किलैकि अगर मि दुसरि भाषा मा प्रार्थना करदु, त ईं बात तैं जाणि ल्या कि या त केवल मेरी आत्मा च ज्वा कि पिता परमेस्वर से प्रार्थना कनि च, मगर मेरु मन वेमा सामिल नि च।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।