1 कुरिन्थि 14:11 - Garhwali

¹¹ अगर कुई मनखि हमरा पास ऐके इन्दरि भाषा मा बात कैरो, ज्वा हमतै नि औन्दी हो, त हमरि नजर मा वु मनखि परदेसी च, अर ठिक उन्‍नि हम वे मनखि खुणि परदेसी छां।

गढवली नयो नियम

¹¹ जु हम वे भाषा तैं नि समझदा जु दुसरा बुल्णा छिनी, त उ इन होला माना कि उ हम कु विदेशी छिनी, अर हम ऊंकु विदेशी होला।

1 कुरिन्थि 14:11 ပူးပေါင်းရင်းမြစ်များ

खास चेलों 28:2

अर उखा लोगु न हम पर बड़ी दया दिखै, किलैकि बरखा लगीं छै अर भौत जादा ठण्ड लगणि छै, इलै ऊंन हम खुणि आग जगै अर हमरु स्वागत भि कैरी।

खास चेलों 28:4

अर जु लोग उखा छा ऊंन देखि कि गुरौ पौलुस का हाथ पर लटक्युं च, त वु आपस मा बोन्‍न लगि गैनी कि, “पक्‍की बात यू मनखि खूनि च, भले ही यू समुन्दर बटि बचि के ऐ गै, मगर अब न्याय की देवी वेतैं ज्यून्दु नि छुड़ण चाणि।”

रोमियों 1:14

अर मेरु यू फरज बणदु कि मि सब लोगु तैं शुभ समाचार का बारा मा बतौ, अब चै वु सब यहूदी जाति का छिन या कै दुसरि जाति का, अब चै वु अकलमन्द छिन या फिर नासमझ मि पर यों सब बातों को कुई फर्क नि पोड़दु।

1 कुरिन्थि 14:10

हे मेरा दगड़्यों, ईं दुनियां मा कई किसम की भाषा छिन, मगर हरेक भाषा को कुई ना कुई मतलब जरुर होन्दु।

1 कुरिन्थि 14:21

किलैकि पवित्रशास्‍त्र मा भि लिख्यूं च, अर वीं बात तैं खुद प्रभु बुल्दु ज्वा कि इन च कि, “मि अपणा लोगु का दगड़ा मा दुसरि जाति का लोगु का द्‍वारा अलग-अलग भाषा मा बात करलु, पर फिर भि मेरा लोग मेरी बात पर ध्यान नि द्‍याला।”

कुलुसी 3:11

अर अब ये नया जीवन मा सब बिस्वासी लोग एक ही जन छिन, अब चै ऊ यहूदी जाति का छिन या वु लोग जु यहूदी जाति का नि छिन, अब चै वु जंगळि लोग छिन या कुई गवाँर, अब चै वु नौकर छिन या आजाद, कुई फर्क नि पोड़दु किलैकि सब कुछ यीशु मसीह मा च अर वे खुणि ही च।