1 कुरिन्थि 13:3 - Garhwali

³ अर अगर मि अपणी पूरि धन-दौलत गरीब लोगु मा बांटि द्‍यूं, अर अपणा सरील तैं आग मा भि बलिदान होण खुणि दे द्‍यूं, मगर दुसरा लोगु तैं मि प्यार नि कैरुं त यों सब बातों को कुई भि फैदा नि च।

गढवली नयो नियम

³ अर जु मि अपड़ी सब धन-दौलत कंगालों तैं खिलांण मा खर्च कैरी द्यों, या यख तक की जु मि ऊं तैं मेरी देह तैं जलांणु कु दे द्या, अर दुसरो बट्टी प्रेम नि रखु त मि कु कुछ भि फैदा नि च।

1 कुरिन्थि 13:3 ပူးပေါင်းရင်းမြစ်များ

मत्ती 23:5

अर वु पवित्रशास्‍त्र का वचनों तैं चमड़े की चौड़ी पट्‍टियों पर लिखी के अपणा सरील पर बन्धदिन, अर अपणा चोळों का झालरों तैं बड़ु लम्बो करदिन, अर अपणु हरेक काम वु मनखियों तैं दिखाणु खुणि करदिन।

लूका 18:22

अर यू सुणी के यीशु न वेकू बोलि, “त्वेमा अभि भि एक बात की कमी च। इन कैर कि जु कुछ भि त्वेमा च, ऊ सब कुछ बेचि दे अर वे बटि जु कुछ भि मिललु वु सब गरीबों मा बांटि दे, अर ऐके मेरु चेला बणि जा तब त्वेतै स्वर्ग मा खजानु मिललु।”

लूका 18:28

तब चेलों मा बटि पतरस न बोलि, “गुरुजी देखा, हम त अपणु सब कुछ छोड़ि के तुमरा पिछनै ह्‍वे ग्यां।”

लूका 19:8

अर जक्‍कई न खड़ु ह्‍वेके यीशु कू बोलि, “प्रभु मि अपणी अधि धन-दौलत गरीबों तैं द्‍यूलु अर जौं बटि मिन अन्यो कैरिके लेई ऊंतैं मि चार गुणा वापिस द्‍यूलु।”

यूहन्ना 12:43

किलैकि ऊंतैं परमेस्वर की तरफा बटि मिलण वळु आदर-सम्मान से भि जादा मनखियों की तरफा बटि मिलण वळु आदर-सम्मान जादा खूब लगदु छौ।

यूहन्ना 13:37

अर पतरस न वेकू बोलि, “प्रभु मि अभि तुमरा पिछनै किलै नि ऐ सकदु? मि त तुमरा खातिर अपणी जान भि दे द्‍यूलु।”

यूहन्ना 15:13

अर कुई अपणा दगड़्यों का खातिर अपणी जान दे द्‍यो, येसे महान प्यार कुई नि कैरी सकदु।

यूहन्ना 6:63

अर जीवन देण वळु त परमेस्वर को आत्मा च, पर सरील बटि कुई फैदा नि होन्दु। अर जु बात मिन तुम मा बुलिनी, वु सब परमेस्वर की आत्मा बटि अईं छिन, अर जीवन देण वळी भि छिन।

खास चेलों 21:13

मगर पौलुस न ऊंकू बोलि, “तुम रुवे-रुवे के मेरु हौसला किलै कम कना छाँ? मेरी बात को यकीन कैरा, मि प्रभु यीशु का नौ का खातिर यरूशलेम नगर मा बन्धी बणणु खुणि ही ना, बल्किन मा मुरण खुणि भि तयार छौं।”

गलातियों 5:26

अर हमतै खुद पर बड़ु मोन नि करण चयेणु, अर ना ही कैतैं चिडौण चयेणु, अर ना ही एक-दुसरा तैं देखि के अपणा मन मा जलन रखण चयेणी।

फिलिप्पी 2:3

अर याद रखा, कि यू सब तुम अपणा फैदा अर झूठ्‍ठी बडै खुणि नि कैरा, मगर नमर बणि के एक-दुसरा तैं अफ से जादा खूब समझा।

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।