1 कुरिन्थि 11:27 - Garhwali

²⁷ इलै अगर जु तुम मा बटि कुई भि मनखि पैलि अपणा मन की जाँच-पड़ताल नि कैरो अर प्रभु-भोज की रुट्‍टी अर वेका कटोरा मा बटि खान्दु-पीन्दु हो, त इन्द्रयो मनखि प्रभु यीशु का सरील अर वेका ल्वे को अपमान कैरिके पाप का इळजाम तैं अपणा मथि लेके औन्दु।

गढवली नयो नियम

²⁷ इलै जु कुई भि यु ढंग से जु मसीह तैं निरादर करद प्रभु की रुठी खौ, या वेका कटोरा मा बट्टी प्यो, उ प्रभु की देह अर ल्वे का विरुद्ध पापी ठैरद।

1 कुरिन्थि 11:27 ပူးပေါင်းရင်းမြစ်များ

मत्ती 22:11

“अर जब राजा मैमानों तैं मिलणु कू भितर ऐ, त वेकी नजर एक आदिम पर पोड़ि, जैका ब्यौ का कपड़ा नि पैरयां छा।

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

1 कुरिन्थि 10:21

हे मेरा भै-बैंणो, जु खाणुक शैतान का दूतों खुणि चड़ये जान्दु, तुम वेमा सामिल नि ह्‍वा, किलैकि इन करण से हम प्रभु यीशु तैं गुस्सा दिलौणा छां। अर क्या हम अपणा प्रभु से जादा ताकतबर छां? इलै तुम सिरफ वे ही कटोरा मा सामिल ह्‍वा, जु कि हमतै प्रभु यीशु की याद दिलान्दु।

1 कुरिन्थि 11:29

इलै जु कुई खान्दु-पीन्दु च, अगर उ प्रभु का सरील की पछ्याण नि रखदु, अर बिना जाँच-पड़ताल कियां खान्दु-पीन्दु, त इन कैरिके उ खुद पर दण्ड लेके औन्दु।

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।