1 कुरिन्थि 11:17 - Garhwali

¹⁷ हे मेरा भै-बैंणो, येसे पैलि कि मि तुमतै और आज्ञा द्‍यूं, ईं बात मा मि तुमरि जरा भि तारीफ नि करदु, किलैकि जब तुम इकट्‍ठा होनद्‍यां, त भलै की जगा बुरै ही होन्दी।

गढवली नयो नियम

¹⁷ पर यूं आदेशों का बारा मा जु मि बुल्णु छों, मि तुम्हरी बड़ै नि कैरी सकदु, इलै कि तुम्हरा कठ्ठा हूंण ल भलै न, पर बुरै ही हूंदी।

1 कुरिन्थि 11:17 ပူးပေါင်းရင်းမြစ်များ

रोमियों 13:3

अर जु लोग सही छिन ऊंतैं अधिकारी लोगु से डऽरण की जरुरत नि च, बल्किन मा अधिकारी लोगु से त वु लोग डऽरदिन जु की गळत काम करदिन। अर अगर जु तुम लोग भि बिन डऽरयां रौण चाणा छाँ, त सिरफ उई काम कैरा जु कि अच्छा छिन, ताकि ऊंका द्‍वारा तुमरि तारीफ हो।

1 कुरिन्थि 11:2

दगड़्यों, तुम मेरी हर बात तैं याद रखद्‍यां, अर ज्वा शिक्षा अर जु-जु नियम मिन तुमतै बतैनि, तुम ऊंको पालन करद्‍यां, इलै ईं बात मा मि तुमरि तारीफ करदु।

1 कुरिन्थि 11:20

अर जब तुम एक जगा मा इकट्‍ठा होनद्‍यां कि प्रभु-भोज तैं खौला, मगर यू इथगा भि लैख नि च कि ये कू प्रभु-भोज बुले जौ।

1 कुरिन्थि 11:22

अरे, क्या खाण-पीणु खुणि तुमरा घौर-बार नि छिन या तुम परमेस्वर का समुदाय को अपमान करण चन्द्‍यां? अर क्या तुम ऊं गरीबों पर इन जतौण चन्द्‍यां कि ऊंको समुदाय मा कुई आदर-सम्मान नि च? अर तुम इन चन्द्‍यां कि मि फिर भि तुमरि तारीफ कैरुं? नऽ रे ना, ईं बात मा मिन तुमरि जरा भि तारीफ नि करण।

1 कुरिन्थि 11:34

अर अगर कैतैं जादा ही भूक लगि च, त वु अपणा घौर मा पैलि ही खै ल्यो, ताकि इकट्‍ठा होण का बगत पर तुम दण्ड पौण की वजा नि बणा। अर जु-जु बात अभि भि रै गैनी ऊं सब बातों तैं मि फिर से तुमरा पास ऐके खुद ही सुधारी द्‍यूलु।

1 कुरिन्थि 14:23

इलै अगर जु बिस्वासी समुदाय का सब लोग एक जगा इकट्‍ठा हो, अर ऊ सभ्या का सभि अलग-अलग भाषा मा बोन्‍ना हो, अर अगर कुई मनखि तुमरा बीच मा ऐ जौ जु कि बिस्वास नि हो, त क्या उ इन नि बोललु कि यू लोग बौल्या ह्‍वे गैनी?

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

इब्रानी 10:25

अर एक-दुसरा का दगड़ा बिस्वासी समुदाय मा औण-जाण की संगती तैं नि छोड़ा, किलैकि तुम मा बटि कुछ लोग इन कना छिन, पर तुमतै एक-दुसरे की हिम्मत बढौण चयेणी। अर या बात मि इलै बोन्‍नु छौं किलैकि तुम जणदा छाँ कि प्रभु को वापस औण को दिन नजदीक ऐ गै, इलै इन करण मा लग्यां रा।

1 पतरस 2:14

अर सासन करण वळो का भि किलैकि वु बुरा काम करण वळो तैं दण्ड देण खुणि, अर अच्छा काम करण वळो की तारीफ करणु खुणि ठैरयां छिन।