1 कुरिन्थि 11:16 - Garhwali

¹⁶ अर अगर कुई आदिम ईं बात की वजै से बहस कन चान्दु हो, त उ इन जाणि ल्यो कि नऽ त हमरा इख इन्द्रयो दस्तूर च, अर ना ही कै दुसरा बिस्वासी समुदाय मा, कि जनानियां परमेस्वर की भक्‍ति का दौरान प्रार्थना या फिर वचन सुनौण का बगत मा अपणा मुण्ड़ पर कपड़ा नि रखदी हो।

गढवली नयो नियम

¹⁶ पर जु कुई सुचद कि जु कुछ मि बुल्णु छों उ गलत च, त यु जांणो कि न हमारी अर न पिता परमेश्वर की मण्डलि मा कुई रिवाज नि च।

1 कुरिन्थि 11:16 ပူးပေါင်းရင်းမြစ်များ

खास चेलों 21:21

अर ऊंतैं तेरा बारा मा इन बतये गै, कि जु यहूदी लोग ऊं लोगु का बीच मा रौनदिन जु यहूदी जाति का नि छिन तू ऊंतैं इन सिखौन्दी, कि तुम लोग मूसा का दियां नियम-कानूनों तैं नि माणा। अर ना ही खतना का रिवाज तैं अपणा-अपणा नौनो खुणि पूरा कैरा, अर ना ही अपणा रीति-रिवाजों तैं माणा।

खास चेलों 21:24

अर यों लोगु तैं अपणा दगड़ा मन्दिर मा लि जा, अर ऊंका दगड़ा मा शुद्धिकरण का रीति-रिवाजों तैं पूरु कैर, अर ऊंको मुण्ड़न करौण को खर्च-पाणि भि तू ही उठे। अर इन देखि के सब लोग जाणि जाला, कि जु बात तेरा बारा मा बतये गैनी, वु सब झूठ्‍ठी छै। अर इन करण से ऊंतैं इन पता चलि जालु, कि तू भि नियम-कानूनों का मुताबिक चलदि।

1 कुरिन्थि 11:15

अर अगर एक जनानि बाळ लम्बा रखदी, त वा और भि जादा सुन्दर दिख्योन्दि, किलैकि लम्बा बाळ रखण एक जनानि खुणि मुण्ड़ ढकौण खुणि ही छिन।

1 कुरिन्थि 16:1

हे मेरा भै-बैंणो, तुमुन चिठ्‍ठी मा यरूशलेम नगर का गरीब बिस्वासी लोगु का बारा मा मि बटि पूछी छौ। अर जन मिन गलाति मुलक का बिस्वासी समुदाय खुणि बोलि ठिक उन्‍नि मि तुम खुणि भि बुल्दु कि,

1 कुरिन्थि 4:5

इलै जबरि तक न्याय को बगत नि ऐ जान्दु, तबरि तक कै का दगड़ा मा कुई गळत काम नि कैरा। अर जब हमरु प्रभु यीशु आलु, त उई ईं बात को न्याय करलु, अर लोगु तैं ऊंका भला-बुरा कामों का बारा मा बतालु, जु ऊंन लुकि-छिपी के करिनी। अर उ इन भि बतालु, कि ऊंका मनों मा क्या च। तब पिता परमेस्वर ऊं लोगु की तारीफ करलु, जु वेका काम खुणि वफादार छिन।

1 कुरिन्थि 7:17

हे मेरा दगड़्यों, साधारण सि बात च कि पिता परमेस्वर न हरेक मनखि तैं एक अलग हिस्सा दियूं च। अर जै मनखि तैं वेन जिं दसा मा बुलै, वेतैं वीं दसा मा ही चलण चयेणु। अर मि बिस्वासी समुदाय का सब लोगु तैं इन ही आज्ञा देन्दु।

1 कुरिन्थि 9:1

हे मेरा भै-बैंणो, मेरी बात पर ध्यान द्‍या मि एक आजाद मनखि छौं, अर प्रभु यीशु को खास चेला भि, अर हमरा प्रभु यीशु तैं मिन अपणा समणि देखि छौ। अर मेरा काम को नतीजा तुम लोग ही छाँ, जौन यीशु पर बिस्वास कैरी।

1 कुरिन्थि 9:6

अर क्या हम मा यू हक नि च कि हम अपणा गुजर-बसर खुणि कमै कैरा?

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।