1 कुरिन्थि 10:32 - Garhwali

³² हे मेरा दगड़्यों, तुम इन्द्रयो कुई भि काम नि कैरा ज्या से की लोग अपणा-अपणा बिस्वास से भटकी जा, अब चै वु यहूदी जाति का छिन या फिर ना, अर ना ही तुम बिस्वासी समुदाय का लोगु खुणि इन्दरि वजा बणा।

गढवली नयो नियम

^32-33 मि सभियूं तैं खुश कने की कोशिश करदु, मि अपड़ी भलै का बारा मा नि सुचणु छो, बल्कि सभियूं का भलै का बारा मा सुचणु छो, कि उ बची के उद्धार पै साका। उन ही के तुम भि इन के रा कि यहूदियों या यूनानी अन्यजाति या पिता परमेश्वर का विश्वासियों की मण्डलि कु कुई परेशानी या कुई ठेस पैदा नि हो।

1 कुरिन्थि 10:32 ပူးပေါင်းရင်းမြစ်များ

खास चेलों 20:28

इलै अपणी अर अपणा बिस्वासी समुदाय की देख-रेख ढंगल कैरा, किलैकि पवित्र आत्मा न तुमतै यां खुणि ही ठैर्युं च, ताकि तुम परमेस्वर का समुदाय की देख-रेख अच्छे से कैरी सैका, जै समुदाय तैं प्रभु न अपणु बलिदान देके खरीदयाली।

खास चेलों 24:16

इलै मेरी पूरि कोसिस रौन्दी कि मि परमेस्वर, अर मनखियों खुणि अच्छा सोच-विचार रखूं।

रोमियों 14:13

इलै अब से एक-दुसरा की गळती निकळण छोड़ि द्‍या, अर ना ही हमतै कुई इन्द्रयो फैसला लेण चयेणु, ज्यां से कि कै बिस्वासी भै या बैंण तैं अपणा जीवन मा उतेडु़ लगु या उ पाप मा पोड़ि जौ।

1 कुरिन्थि 10:33

अर ठिक जन मि सब बातों मा सब लोगु तैं खुश रखदु, अर मि अपणु ही फैदा कि ना, बल्किन मा भौत सा लोगु की चिन्ता करदु, ठिक इन्‍नि तुम भि कैरा ताकि भौत सा लोगु तैं बचयै जौ।

1 कुरिन्थि 11:22

अरे, क्या खाण-पीणु खुणि तुमरा घौर-बार नि छिन या तुम परमेस्वर का समुदाय को अपमान करण चन्द्‍यां? अर क्या तुम ऊं गरीबों पर इन जतौण चन्द्‍यां कि ऊंको समुदाय मा कुई आदर-सम्मान नि च? अर तुम इन चन्द्‍यां कि मि फिर भि तुमरि तारीफ कैरुं? नऽ रे ना, ईं बात मा मिन तुमरि जरा भि तारीफ नि करण।

1 कुरिन्थि 12:28

हे मेरा भै-बैंणो, तुम जु मसीह का अंग छाँ, तुम बिस्वासी समुदाय का लोगु तैं पिता परमेस्वर न चुणी, पैलि त खास चेला का रुप मा, दुसरा रैबर्या का रुप मा, तिसरा शिक्षा देण वळा। अर वेका बाद वेन ऊं लोगु तैं भि चुणी जौं का द्‍वारा वु चमत्कार का काम करदु, बिमारों तैं खूब करदु, अर वेन ऊंतैं भि चुणी जौं का द्‍वारा उ दुसरो की मदद करदु, अर ऊंतैं भि जु कि हर चीज को इंतजाम करौन्दिन, अर अलग-अलग भाषा बुलण वळा सब लोगु तैं वेन ही चुणी।

1 कुरिन्थि 15:9

अर खास चेलों मा मि सबसे छुटो छौं, मि त इथगा लैख भि नि छौ कि मिकू खास चेला बुले जौ। किलैकि मिन ज्यून्दा परमेस्वर का समुदाय तैं सतै, जु की यीशु मसीह पर बिस्वास करदिन।

1 कुरिन्थि 7:17

हे मेरा दगड़्यों, साधारण सि बात च कि पिता परमेस्वर न हरेक मनखि तैं एक अलग हिस्सा दियूं च। अर जै मनखि तैं वेन जिं दसा मा बुलै, वेतैं वीं दसा मा ही चलण चयेणु। अर मि बिस्वासी समुदाय का सब लोगु तैं इन ही आज्ञा देन्दु।

1 कुरिन्थि 8:13

इलै अगर मेरु खाणुक खाण मेरा बिस्वासी भै-बैंण खुणि उतेडु़ बणण की वजा बणणु च, त इन्दरि दसा मा मि कभि भि मांस नि खौलु। अर बिस्वासी भै-बैंणो खुणि मि कभि भि उतेडु़ नि बणलु।

2 कुरिन्थि 1:1

हे मेरा भै-बैंणो, मि पौलुस पिता परमेस्वर की मनसा से यीशु मसीह को खास चेला होणु खुणि बुलये ग्यों। अर मि या चिठ्‍ठी हमरा बिस्वासी भै तीमुथियुस का दगड़ा मा कुरिन्थि नगर का लोगु खुणि लिखणु छौं, हाँ तुम खुणि ही तुम जु कि परमेस्वर का समुदाय छाँ। अर या चिठ्‍ठी ऊं सब पवित्र मनखियों खुणि भि च जु कि पूरा अखया मुलक मा छिन।

2 कुरिन्थि 6:3

हे मेरा भै-बैंणो, मि अर मेरा दगड़्या इन्द्रयो कुई भि काम नि करद्‍यां, ज्यां से कि परमेस्वर को रैबार ही बदनाम ह्‍वे जौ।

गलातियों 1:13

अर मि पौलुस, जनमजात यहूदी छौ, अर वे बगत मि यीशु पर बिस्वास नि करदु छौ इलै मेरु चाल-चलन कन छौ, वेका बारा मा भि तुमुन भौत सा लोगु का द्‍वारा सुणयूं च। दगड़्यों, वे बगत मि परमेस्वर का समुदाय का लोगु तैं भौत सतौन्दु छौ, अर ऊंतैं नास करणु खुणि मिन भौत जतन भि कैरी।

फिलिप्पी 1:10

ताकि तुम भलै अर बुरै की बातों मा बटि भलै की बातों तैं जादा से जादा स्वीकार कैरी सैका, अर यीशु मसीह का वापस औण का दिन तक एक खरु अर निरदोष मनखि बणि के रै सैका।

फिलिप्पी 3:6

अर जख तक जोस की बात की जौ, त मि बिस्वासी समुदाय का लोगु तैं सतौणु वळु छौ। अर मूसा का द्‍वारा दियां नियम-कानूनों की बात किये जौ त मि निरदोष छौ, किलैकि मि नियम-कानूनों को पूरु पालन भौत अच्छे करण वळु मनखि छौ।

1 थिस्सलुनीकी 2:14

हे मेरा भै-बैंणो, यहूदिया मुलक मा यीशु मसीह पर बिस्वास करण वळा समुदाय का बीच मा जु कुछ भि ह्‍वे, उन्‍नि तुमरा दगड़ा मा भि ह्‍वे। हाँ, जन ऊं लोगु न यहूदी लोगु का द्‍वारा दुख झेली, ठिक उन्‍नि तुमतै भि अपणा लोगु बटि दुख मिली।

1 तीमुथियुस 3:15

किलैकि अगर जु मेरा औण मा देर ह्‍वे जालि त त्वेतै इन पता होण चयेणु, कि परमेस्वर का परिवार मा एक मनखि तैं कनकै रौण चयेणु। किलैकि यू त ज्यून्दा परमेस्वर को बिस्वासी समुदाय च अर यू बिस्वासी लोग शुभ समाचार की सच्‍चै को एक खम्बा अर बुनियाद का जन छिन।

1 तीमुथियुस 3:5

अगर कुई अपणा घौर को पालन-पोसण करण ही नि जणदु हो, त उ परमेस्वर का लोगु की देख-रेख कनकै करलु?