1 कुरिन्थि 10:31 - Garhwali

³¹ इलै चै तुम खा या प्या, जु कुछ भि कैरा वां से पिता परमेस्वर की बडै हो।

गढवली नयो नियम

³¹ आखिर मा, मि तुम बट्टी यु बुल्ण चांदु, कि तुम चै खावा, चै प्यावा, चै जु कुछ भि कैरा, सब कुछ पिता परमेश्वर की महिमा कु कैरा।

1 कुरिन्थि 10:31 ပူးပေါင်းရင်းမြစ်များ

लूका 11:41

अगर जु तुम पवित्र मन से दान दिल्या त सुणा, तब तुम खुणि सब कुछ शुद्ध ह्‍वे जालु।

1 कुरिन्थि 7:34

इलै एक पति हमेसा इन सोचदु कि कनकै पिता परमेस्वर तैं खुश किये जौ, अर कनकै घरवळी तैं खुश किये जौ। अर ठिक इन्‍नि एक अणविवाक नौनि सिरफ पिता परमेस्वर का काम का बारा मा सोचदी, कि वा कनकै पिता परमेस्वर तैं खुश कैरो, अर वा खुद तैं पिता परमेस्वर का सुपुर्द कैरी देन्दी, अर इन वा इलै करदी ताकि वींको बदन अर आत्मा दुई पवित्र रा। मगर जिं जनानि को ब्यौ होयुं रौन्दु, वा अपणा परिवार अर अपणा कामों की चिन्ता मा ही रौन्दी, ताकि वा कनि ना कनकै अपणा पति तैं खुश रखो।

कुलुसी 3:17

अर जु कुछ भि तुम बोला या कैरा उ सब कुछ प्रभु यीशु मसीह का नौ से हो, अर वेका द्‍वारा ही तुम पिता परमेस्वर को धन्यवाद कना रा।

कुलुसी 3:23

अर जु कुछ भि तुम करद्‍यां उ सब अपणा पूरा मन से कैरा, अर उ सब तुम इन समझि के कैरा जन कि तुम अपणा मालिकों खुणि ना, बल्किन मा प्रभु खुणि कना हो।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।