1 कुरिन्थि 10:16 - Garhwali

¹⁶ अर जब हम प्रभु-भोज खाणु खुणि इकट्‍ठा होनद्‍यां, त इन याद रखा कि यीशु मसीह हमरा खातिर मरे गै। अर जब हम वेका कटोरा मा बटि पिन्द्‍यां, त यीशु मसीह की तारीफ करद्‍यां कि वेको ल्वे हम खुणि बुगये गै। अर ठिक उन्‍नि जब रुट्‍टी तुड़ै जान्दी, त इन याद किये जान्दु कि वेको बदन हम खुणि तुड़ै गै। अर इनकै हम यू परगट करद्‍यां कि हम यीशु मसीह का छां।

गढवली नयो नियम

¹⁶ जब हम प्रभु भोज मा अंगूरों कु रस पिदयां, जै कु हम पिता परमेश्वर कु धन्यवाद करदां, तैं हम हक्कीकत मा मसीह का ल्वे मा एक करदां। अर जब हम प्रभु भोज की रुठी तैं तुड़दा और खंदियां, त हम हक्कीकत मा मसीह का देह मा एक हूंदा।

1 कुरिन्थि 10:16 ပူးပေါင်းရင်းမြစ်များ

लूका 22:17

अर तब वेन एक कटोरा उठे अर परमेस्वर को धन्यवाद देई अर ऊंकू बोलि, “ल्या अर येतैं आपस मा बांटि के प्या।

खास चेलों 2:42

अर सब बिस्वासी लोग यीशु का खास चेलों बटि लगातार वचन की शिक्षा पौणा रैनी। अर एक साथ संगत करण मा, प्रभु-भोज करण मा, अर प्रार्थना करण मा भि एक मन ह्‍वेके रौण लगि गैनी।

खास चेलों 2:46

अर ऊ एक मन ह्‍वेके हरेक दिन मन्दिर मा इकट्‍ठा होन्दा छा, अर प्रभु-भोज खुणि एक-दुसरा का घौर मा मिलदा छा, अर सब दिल खोली के खुशी से एक-दुसरा का दगड़ा मा खाणु खान्दा छा।

खास चेलों 20:11

तब ऊ मथि गै, अर जैके पौलुस न ऊंका दगड़ा मा रुट्‍टी तोड़ि अर खै। अर फिर उ ऊंका दगड़ा मा बात करण लगि गै, अर इथगा देर तक बात कैरी कि रात खुलण लगि गै। तब पौलुस ऊं लोगु बटि विदै लेके उख बटि चलि गै।

खास चेलों 20:7

अर जब हम त्रोआस नगर मा छा, त हप्‍ता का पैला दिन पर इन ह्‍वे कि हम बिस्वासी लोगु का दगड़ा मा प्रभु-भोज खुणि इकट्‍ठा होयां छा। अर पौलुस लोगु तैं उपदेस देण लगि गै किलैकि दुसरा दिन वेतैं उख बटि जाण छौ, इलै अधि राति तक उ उपदेस देणु रै।

1 कुरिन्थि 1:9

अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

1 कुरिन्थि 10:15

अर यू सब बात मि तुम लोगु तैं समझदार समझि के बतौणु छौं। अर ज्वा बात मि बोन्‍नु छौं, तुम खुद ही वेको फैसला कैरा कि वा बात सही च या गळत।

1 कुरिन्थि 12:13

अर हम बिस्वासी लोगु मा कुछ यहूदी जाति का छिन, अर कुछ लोग दुसरि जाति का छिन, अर कुछ लोगु गुलाम, त कुछ लोग आजाद छिन। पर हम सभ्या का सभि एक सरील ह्‍वे जां, इलै हम सभ्यों को एक ही पवित्र आत्मा का द्‍वारा बपतिस्मा ह्‍वे। अर पवित्र आत्मा वे पाणि का जन च जैतैं हम सभ्यों न एक कटोरा मा बटि पै।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।