1 कुरिन्थि 1:9 - Garhwali

⁹ अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

गढवली नयो नियम

⁹ पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।

1 कुरिन्थि 1:9 ပူးပေါင်းရင်းမြစ်များ

मत्ती 24:35

आसमान अर धरती को नास ह्‍वे जालु, मगर मेरी बुलिं बात कभि नि टळळि।”

यूहन्ना 17:21

ताकि ऊ सभ्या का सभि एक ह्‍वे जा। हे मेरा पिता, जन तुम मि मा छाँ अर मि तुम मा छौं, ठिक उन्‍नि ऊ भि हम मा बणयां रा ताकि दुनियां का लोग बिस्वास कैरा, कि तुमुन ही मितैं भेजि च।

रोमियों 11:17

अर जन जैतून डाळा से कुछ फौंका तोड़ि के अलग किये जनदिन, ठिक उन्‍नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्‍वे गैनी। अर जन लोग कै दुसरा डाळा पर कलम लगौन्दिन ठिक उन्‍नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

रोमियों 8:30

अर दुनियां की शुरुवात से भि पैलि जौं लोगु तैं पिता परमेस्वर न चुण्यालि छौ, वेन ऊंतैं बुलै भि च अर ऊंको न्याय कैरिके ऊंतैं अपणी नजर मा धरमी भि ठैरैयालि। अर वेन ऊंतैं अपणी नजर मा केवल धरमी ही नि ठैरै, बल्किन मा ऊंतैं आदर-सम्मान भि दियाली।

रोमियों 9:24

अब चै वु यहूदी छिन या वु लोग जु यहूदी जाति का नि छिन, पिता परमेस्वर न हम सब लोगु मा बटि अफ खुणि लोगु तैं चुणी के रखियालि।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 कुरिन्थि 10:13

अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

1 कुरिन्थि 10:16

अर जब हम प्रभु-भोज खाणु खुणि इकट्‍ठा होनद्‍यां, त इन याद रखा कि यीशु मसीह हमरा खातिर मरे गै। अर जब हम वेका कटोरा मा बटि पिन्द्‍यां, त यीशु मसीह की तारीफ करद्‍यां कि वेको ल्वे हम खुणि बुगये गै। अर ठिक उन्‍नि जब रुट्‍टी तुड़ै जान्दी, त इन याद किये जान्दु कि वेको बदन हम खुणि तुड़ै गै। अर इनकै हम यू परगट करद्‍यां कि हम यीशु मसीह का छां।

2 कुरिन्थि 1:18

अर जन परमेस्वर पर बिस्वास किये जै सकदु, ठिक उन्‍नि तुम लोग हम पर भि बिस्वास कैरी सकद्‍यां, किलैकि जब हम “हाँ” बुल्द्‍यां, त वेको मतलब हाँ ही होन्दु, अर जब हम “ना” बुल्द्‍यां त वेको मतलब ना ही होन्दु।

गलातियों 1:15

मगर परमेस्वर न मितैं माँ का पुटगुन्द ही अफ खुणि चुणी के अलग कैरियाली छौ, अर अपणी महान किरपा का द्‍वारा वेन मितैं बुलै। अर वे परमेस्वर तैं या बात अच्छी लगि कि,

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

कुलुसी 1:24

हे मेरा भै-बैंणो, जु दुख-तकलीफ मि तुमरा खातिर सौंणु छौं, ऊं सब बातों का खातिर मितैं बड़ी खुशी होन्दी। अर हम जणदा छा कि बिस्वासी समुदाय का लोगु खुणि जु दुख-तकलीफ यीशु मसीह न झेली, वेतैं अब पूरु करणु खुणि मि भि ठिक उन्‍नि दुख-तकलीफ झिलणु छौ।

2 थिस्सलुनीकी 2:14

अर छुटकारा पौण का खातिर ही परमेस्वर न तुमतै बुलै ताकि जु आदर प्रभु यीशु मसीह तैं परमेस्वर न देई, वेका हकदार तुम भि ह्‍वे जा। अर ये शुभ समाचार का बारा मा हमुन ही तुमतै बतै, अर वे पर बिस्वास कैरिके तुम बचयै ग्यां।

2 थिस्सलुनीकी 3:3

पर परमेस्वर बिस्वास का काबिल च, इलै उ तुमतै बिस्वास मा मजबूत बणै के रखलु, अर दुष्‍ट शैतान बटि बचै के रखलु।

2 तीमुथियुस 1:9

अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्‍वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।

2 तीमुथियुस 2:13

अगर जु हम बिस्वास नि करुला, त तभि भि उ हमरा दगड़ा मा बिस्वास का लैख बणयूं रालु। किलैकि उ अपणी बात बटि मुकुरदु नि च, अर ना ही झूठ्‍ठ बुल्दु।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

इब्रानी 10:23

अर वीं आस तैं अपणा-अपणा जीवन मा बणै के रखा जिं पर हमतै पूरु यकीन च, किलैकि जु करार पिता परमेस्वर न हमरा दगड़ा मा कर्युं च वु जरुर पूरु होलु।

इब्रानी 11:11

अब्राहम अर वेकी जनानि सारा दुईया का दुई बुढ्या ह्‍वे गै छा, अर सारा बाँझ जनानि छै, मगर तभि भि बिस्वास का द्‍वारा ऊंको नौनु ह्‍वे। अर यू सब इलै ह्‍वे किलैकि जु करार परमेस्वर न कैरी छौ, वेन सारा तैं बिस्वास का लैख पै।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 यूहन्ना 1:7

हे मेरा दगड़्यों, जन पिता परमेस्वर उज्याळु मा च ठिक उन्‍नि हम भि उज्याळा मा रै के चला, त हम लोगु कि संगत एक-दुसरा का दगड़ा मा बणि राली। अर इथगा ही ना, बल्किन मा यीशु मसीह को ल्वे भि हमतै हमरा सब किसम का पापों बटि शुद्ध करलु।

1 यूहन्ना 4:13

अर यां से हमतै इन पता चलदु, कि हम पिता परमेस्वर का दगड़ा मा बणयां छां, अर उ हमरा दगड़ा मा बणयूं च, किलैकि वेन हमतै अपणु पवित्र आत्मा दियूं च।

दिब्य दरस 19:11

फिर मिन स्वर्ग तैं खुल्यूं देखि, अर एक सफेद घोड़ा छौ अर जु वेमा सवार च वेकू भरोसेमन्द अर सच्‍चु बुले जान्दु। अर वेको न्याय सच्‍चु च अर वेको युद्ध करण को तरीके सही च।