1 कुरिन्थि 1:5 - Garhwali

⁵ अर अब जब तुम वेका पास ऐ ग्यां, त पिता परमेस्वर न यीशु मसीह का द्‍वारा तुमतै हरेक बात मा काबिल बणैयालि, याने कि अब वेन तुमतै वचन सिखौण की पूरि ताकत, अर वेतैं बिंगणु खुणि ज्ञान भि दियाली।

गढवली नयो नियम

⁵ किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।

1 कुरिन्थि 1:5 ပူးပေါင်းရင်းမြစ်များ

खास चेलों 2:4

अर ऊ सभ्या का सभि पवित्र आत्मा से भरपूर ह्‍वे गैनी। अर पवित्र आत्मा न अपणा मुताबिक ऊंतैं बोन्‍न की ताकत दिनी, अर वु बन्‍नि-बन्‍नि किसम की भाषा बोन्‍न लगि गैनी।

रोमियों 11:12

अर यहूदी लोगु का गळत चलण की वजै से दुसरि जाति का लोगु तैं पिता परमेस्वर की भौत सि आसीस मिली गैनी। अर अगर जु इस्राएली लोग यीशु मसीह पर बिस्वास करला, त पिता परमेस्वर ऊंतैं जरुर आसीस द्‍यालु अर वु भि पैलि से भि जादा।

रोमियों 15:14

हे मेरा प्यारा भै-बैंणो, मितैं पूरु यकीन च कि तुम लोग दुसरो की भलै करण जणदा छाँ, इख तक कि तुमतै पूरु ज्ञान च अर यू सब कनकै किये जाण यू भि तुम जणदा ही छाँ। इलै तुम दुसरा लोगु तैं शिक्षा दे सकद्‍यां।

रोमियों 15:4

अर जु कुछ भि पुरणा जमना मा पवित्रशास्‍त्र मा लिखे गै, उ सब हमतै सिखौणु खुणि ही लिखे गै। अर पवित्रशास्‍त्र हमतै सबर रखण अर अपणु हौसला बणै के रखण का बारा मा ही बतौन्दु, ताकि हमरि आस बणि रौ।

1 कुरिन्थि 12:10

अर कुछ लोग तैं चमत्कार का काम करण की ताकत मिली च, त कुछ लोगु तैं भविष्यबाणी करण की ताकत, अर कुछ लोगु तैं आत्माओं तैं परखण कि सामर्थ मिली च, अर कुछ लोगु तैं अलग-अलग भाषा मा बुलण को बरदान मिल्यूं च। अर जु लोग अलग-अलग भाषा मा बुल्दिन, कुछ लोगु तैं वीं भाषा तैं आम बोल-चाल मा समझौण को बरदान मिल्यूं च।

1 कुरिन्थि 12:8

जन कि कुछ लोगु तैं पवित्र आत्मा का द्‍वारा ज्ञान कि बात करण को बरदान मिल्यूं च, त कुछ लोगु तैं पवित्र आत्मा बटि समझौणु खुणि अकल मिली च।

1 कुरिन्थि 13:2

अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

1 कुरिन्थि 14:26

इलै हे मेरा भै-बैंणो, तुमतै क्या-क्या कन चयेणु उ अब मि तुमतै बतौन्दु, जब तुम परमेस्वर की भक्‍ति करणु खुणि एक जगा इकट्‍ठा होनद्‍यां, त पवित्र आत्मा का द्‍वारा तुम मा बटि कई लोग पिता परमेस्वर का भजन गन्दिन, अर कुछ शिक्षा देन्दिन। अर अगर कै मनखि पर कुछ परगट किये गै, त उ वीं बात का बारा मा बतौन्दु। अर कुछ लोग पवित्र आत्मा का द्‍वारा अलग-अलग भाषा मा बात करदिन, त कुछ वीं भाषा को मतलब आम बोल-चाल मा बतौन्दिन। अर यू सब कुछ पिता परमेस्वर का द्‍वारा किये जान्दु, ताकि एक-दुसरे की तरक्‍की हो अर सब लोग आत्मिक रुप से मजबूत होन्दी जा।

1 कुरिन्थि 8:11

अर इनकै तेरा ज्ञान की वजै से उ आदिम जु बिस्वास मा मजबूत नि च बरबाद हो जालु, हाँ, तेरु उ भै जैका खातिर मसीह न अपणी जान देई।

2 कुरिन्थि 4:6

इलै पिता परमेस्वर ही च जैन इन बोलि कि, “ये अन्धेरा मा उज्याळु हो।” अर उई च जैन हमरा अन्धेरा मनों मा जीवन को उज्याळा तैं चमकै, ताकि जु लोग अन्धेरा मा छिन हम ऊंतैं वे जीवन का उज्याळा का बारा मा बतै सैका। अर परमेस्वर का ज्ञान को यू उज्याळु यीशु मसीह का द्‍वारा चमकदु।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

2 कुरिन्थि 8:7

अर हम जणदा छां कि तुम हरेक बात मा बढदी जाणा छाँ, जन कि यीशु मसीह पर तुमरो बिस्वास और भि जादा मजबूत होन्दी जाणु च, अर शुभ समाचार तैं बतौण मा, हरेक बात तैं जनण मा, अर हम जणदा छां कि तुम लोग दुसरा की मदद करण चाणा छाँ, अर सबसे प्यार करद्‍यां। इलै मि चान्दु, जु दान तुमुन तयार कैरिके रख्युं च वेतैं दिल खोली के द्‍या।

2 कुरिन्थि 9:11

अर पिता परमेस्वर तुमतै आसीस देके भरपूर कैरी द्‍यो, ताकि तुम दुसरो खुणि दाता बणि सैका। अर इन कैरिके तुमरा द्‍वारा दुसरा लोगु की मदद होलि, अर ये काम की वजै से वु लोग पिता परमेस्वर को धन्यवाद करला।

इफिसुस 1:17

हमरा प्रभु यीशु मसीह को पिता परमेस्वर जु कि सबसे महान च, उ तुमतै ऊं बातों तैं समझणे की अकल द्‍यो जु कि उ परगट करदु, ताकि तुमतै वेका भेदों तैं बिंगण को सच्‍चु ज्ञान मिली सैको।

इफिसुस 2:7

अर यीशु मसीह का द्‍वारा ज्वा दया वेन हम पर कैरी वा वेन इलै कैरी, ताकि औण वळा जमना मा सब लोग देखि सैका कि पिता परमेस्वर की किरपा कथगा बड़ी च।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

इफिसुस 6:19

हे मेरा भै-बैंणो, मि पौलुस खुणि भि प्रार्थना कर्यां, ताकि मितैं वचन बोन्‍न का बगत मा इन्द्रयो वचन दिये जौ, जैतैं मि हिम्मत से बोलि सैकु अर शुभ समाचार को पवित्र राज लोगु तैं बतै सैकु,

फिलिप्पी 1:9

अर मि प्रार्थना करदु, कि तुमरो प्यार और भि जादा बढदी जौ, अर ज्ञान अर समझ मा भि तुम और जादा बढदी जा,

कुलुसी 2:3

किलैकि वेमा ही अकल अर ज्ञान का सब खजाना छिप्यां छिन।

कुलुसी 3:10

अर तुमुन नयू जीवन जीण शुरु कैरियाली, जु कि तुमतै नयू बणौन्दि जाणु च अर यू तुमतै वेका जन बणौन्दु जै परमेस्वर न तुमतै बणै। अर यू नयू जीवन ही तुमतै पिता परमेस्वर को सच्‍चु ज्ञान देन्दु।

याकूब 3:13

तुम मा बटि ज्ञानी अर समझदार कु च? अर अगर कुई छैई च, त उ अपणा अच्छा चाल-चलन अर ज्ञान से भलु बणु अर अपणु काम पूरु कैरिके दिखौ।

2 पतरस 3:18

इलै तुम हमरा प्रभु अर बचौण वळा यीशु मसीह की दया अर वेका ज्ञान मा बढदी जा, अर वेको आदर-सम्मान अब बटि लेके हमेसा-हमेसा तक होन्दी रौ। आमीन।