1 कुरिन्थि 1:26 - Garhwali

²⁶ इलै हे मेरा भै-बैंणो, जब पिता परमेस्वर न तुमतै बुलै, तब तुम क्या छा, जरा ईं बात का बारा मा त सोचा, नऽ त तुम ज्ञानी छा, नऽ त ताकतबर अर ना ही समाज मा तुमरो कुछ खास नौ छौ।

गढवली नयो नियम

²⁶ हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।

1 कुरिन्थि 1:26 ပူးပေါင်းရင်းမြစ်များ

लूका 1:3

श्रीमान थियुफिलुस, यों सब बातों की मिन शुरु बटि पूरि अच्छी तरौं से जाँच-पड़ताल कैरी। इलै मितैं भि यू ठिक लगि कि ऊं सब बातों तैं मि शुरु बटि लेके आखिरी तक तुम खुणि लिखु।

लूका 10:21

अर उबरि यीशु पवित्र आत्मा बटि खुश ह्‍वेके बोन्‍न लगि गै, “हे मेरा पिता, स्वर्ग अर धरती का प्रभु, मि तुमरो धन्यवाद करदु, हाँ पिता किलैकि तुमतै यू ही अच्छु लगि, कि यू सब बात समझदारों अर अकलमन्दो बटि छिपै जौ, अर ऊं लोगु पर परगट किये जौ जु बच्‍चों का जन छिन।

खास चेलों 13:12

अर जु कुछ भि उख ह्‍वे, वेतैं देखि के गवर्नर सिरगियुस न प्रभु यीशु पर बिस्वास कैरी, किलैकि उ प्रभु यीशु की शिक्षा तैं सुणी के हैरान ह्‍वे गै छौ।

खास चेलों 13:7

अर बार-यीशु की जाण-पछ्याण ये नगर का गवर्नर सिरगियुस पौलुस का दगड़ा मा भौत अच्छे से छै। अर यू गवर्नर एक समझदार मनखि छौ, अर ये गवर्नर न बरनबास अर शाऊल तैं बुलै, किलैकि उ परमेस्वर का वचन तैं सुनण चान्दु छौ।

खास चेलों 17:34

मगर कुछ लोगु न पौलुस की बातों पर बिस्वास कैरी, अर वेका दगड़ा मा मिली गैनी। अर जु लोग वेका दगड़ा मा ह्‍वे गै छा ऊंमा बटि अरियुप्गुस न्याय बैठक को एक सदस्य छौ जैको नौ दियुनिसियुस छौ, अर दमरिस नौ की एक जनानि, अर यों का अलावा और लोग भि छा।

रोमियों 11:29

अर पिता परमेस्वर ऊं लोगु खुणि अपणा विचार नि बदल्दु, जौं लोगु तैं वु दान-बरदान देके अपणा पास बुलान्दु।

1 कुरिन्थि 1:20

कख रै गैनी ये जमना का ज्ञानी लोग? अर कख रै गैनी धरम का जानकार? अर कख छिन बहस करण वळा लोग? पिता परमेस्वर न दुनियां का ज्ञान की कीमत तैं ना का बराबर कैरियाली।

1 कुरिन्थि 2:13

इलै जब हम यों सब बातों तैं बतौन्द्‍यां त मनखि का ज्ञान का मुताबिक ना, बल्किन मा पवित्र आत्मा का द्‍वारा दियां ज्ञान का मुताबिक ही परमेस्वर का राज की बातों का बारा मा बिंगौन्द्‍यां।

1 कुरिन्थि 2:8

अर ये जमना मा राज करण वळा लोगु न वे ज्ञान का बारा नि जाणि, किलैकि अगर वु जाणि जान्दा, त महान प्रभु यीशु तैं क्रूस पर नि चड़ौन्दा।

फिलिप्पी 4:22

सभि पवित्र लोगु तैं, अर खास कैरिके महाराजा का घौर का सब लोग भि तुम कू सलाम बुल्दिन

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

2 यूहन्ना 1:1

हे मेरी प्यारी बैंण, मि यूहन्‍ना जु की एक अध्यक्ष छौं, मि या चिठ्‍ठी त्वे खुणि अर तेरा बच्‍चों खुणि लिखणु छौ, तुम जु कि पिता परमेस्वर का द्‍वारा चुण्यां छा मि तुम से भौत प्यार करदु। अर केवल मि ही ना, बल्किन मा वु सब त्वेसे प्यार करदिन जु कि सच्‍चै तैं जणदिन।