1 कुरिन्थि 1:17 - Garhwali

¹⁷ किलैकि मसीह न मितैं बपतिस्मा देणु खुणि ना, बल्किन मा शुभ समाचार सुनौणु खुणि भेज्यूं च। अर ये शुभ समाचार तैं सुनौणु खुणि मि सरल भाषा को इस्तेमाल करदु, ताकि यीशु मसीह की ज्वा मौत क्रूस पर ह्‍वे वा बेकार नि जौ।

गढवली नयो नियम

¹⁷ किलैकि मसीह ल मि तैं बपतिस्मा दींणु कु न बल्कि शुभ संदेश सुणौंणु कु भेजि, जब मि शुभ सन्देश प्रचार सुणांदु, त मि बुल्ण मा अपड़ी निपुर्णता कु इस्तेमाल नि करदु। नथरी, लोग मि तैं भस मेरी निपुर्णता का कारण ही मणदा, अर उ सूली पर मसीह की मौत की सामर्थ तैं नि जणदींनि।

1 कुरिन्थि 1:17 ပူးပေါင်းရင်းမြစ်များ

यूहन्ना 4:1

फिर फरीसी दल का लोगु न सुणी, कि यीशु यूहन्‍ना से भि जादा चेला बणादु, अर ऊंतैं बपतिस्मा देन्दु च। अर या बात यीशु तैं पता चलि गै।

यूहन्ना 4:2

(जब कि यीशु खुद त बपतिस्मा नि देणु छौ, बल्किन वेका चेला देन्दा छा)।

खास चेलों 10:48

तब पतरस न ऊंतैं यीशु मसीह का नौ से बपतिस्मा लेण की आज्ञा दिनी। अर बपतिस्मा लेण का बाद कुरनेलियुस न ऊंतैं कुछ और दिनों तक उख रौण कू बोलि।

1 कुरिन्थि 2:1

हे मेरा भै-बैंणो, जब मि पैलि बार तुमरा पास ऐ छौ, त पिता परमेस्वर की योजना का मुताबिक मिन वेका राज्य की बात तुमतै अपणा ज्ञान अर चालाकी से नि बतै।

1 कुरिन्थि 2:13

इलै जब हम यों सब बातों तैं बतौन्द्‍यां त मनखि का ज्ञान का मुताबिक ना, बल्किन मा पवित्र आत्मा का द्‍वारा दियां ज्ञान का मुताबिक ही परमेस्वर का राज की बातों का बारा मा बिंगौन्द्‍यां।

2 कुरिन्थि 1:12

अर हमतै ईं बात पर गर्व च अर हमरु जमीर भि ईं बात की गवै देन्दु, कि ईं दुनियां मा खास कैरिके तुमरा बीच मा हमरु सभौ पिता परमेस्वर का लैख पवित्र अर सच्‍चु छौ। अर यू सब हमुन ईं दुनियां से मिलण वळा ज्ञान का मुताबिक नि कैरी, बल्किन मा पिता परमेस्वर की किरपा पर भरोसा रखी के कैरी।

2 कुरिन्थि 10:10

किलैकि कुछ लोग इन बुल्दिन कि, “पौलुस की चिठ्‍ठी त गम्भीर अर असरदार छिन, मगर जब उ बिस्वासी लोगु का बीच मा रौन्दु तब उ बिल्कुल कमजोर लगदु अर वेका भासण बेकार होनदिन।”

2 कुरिन्थि 11:6

अर भले ही मि बोन्‍न मा एक भलु नेता नि छौं, मगर मि पिता परमेस्वर का रैबार का बारा मा खूब अच्छे से जणदु। अर तुमरा बीच मा रै के मिन जु कुछ भि कैरी अर सिखै, वेका मुताबिक मिन हरेक बात तैं तुम खुणि साफ-साफ कैरी।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

2 पतरस 1:16

अर जब हमुन प्रभु यीशु मसीह की ताकत अर वेका वापस औण का बारा मा तुमतै शुभ समाचार सुणै, त हमुन तुमरा दगड़ा मा कुई चालाकी नि चलि। अर ना ही तुमतै झूठ्‍ठी शिक्षा सुणै के तुमरो कुई फैदा उठे, बल्किन मा हमुन त वेका सानदार आदर-सम्मान का बारा मा तुमतै बतै जु खुद हमुन अपणा आंख्यों न देखि छौ।