1 कुरिन्थि 1:11 - Garhwali

¹¹ अर इन मि इलै बोन्‍नु छौं, किलैकि हे मेरा दगड़्यों, हमरि बिस्वासी बैंण खलोए का घौर का लोगु न मितैं तुमरा बारा मा बतै, कि तुमरा बीच मा झगड़ा होणा छिन।

गढवली नयो नियम

¹¹ किलैकि हे मेरा विश्वासी भयों, खलोए का परिवार का लुखुं ल मि तैं तुम्हरा बारा मा बतै, कि तुम मा लड़ै-झगड़ा हूंणा छिनी।

1 कुरिन्थि 1:11 ပူးပေါင်းရင်းမြစ်များ

1 कुरिन्थि 1:10

हे मेरा भै-बैंणो, अब मि तुम से प्रभु यीशु मसीह को नौ लेके बिन्ती करदु, कि तुम सब एकमत ह्‍वेके रा, अर तुमरा बीच मा फूट नि पोड़ो, बल्किन मा तुम सब एक मन ह्‍वेके रा, अर तुम सभ्यों को एक ही मकसद हो।

1 कुरिन्थि 1:12

अर मिन इन सुणी कि तुम लोगु मा बटि कुछ इन बुल्दिन कि, “मि पौलुस को चेला छौं,” अर कुई इन बुल्दु कि, “मि त अपुल्‍लोस को चेला छौं,” अर कुई इन बुल्दु कि, “मि त पतरस को चेला छौ” अर कुछ लोग त इन बुल्दिन कि, “हम त मसीह का छां यीशु मसीह का।”

1 कुरिन्थि 11:18

किलैकि सबसे पैलि बात त या च, कि मिन तुमरा बारा मा इन सुणी कि जब बिस्वासी लोगु को समुदाय इकट्‍ठा होन्दु, त लोग अपणा आपस मा दल बणौणा छिन। अर जु कुछ भि मितैं पता चलि वामा बटि कुछ-कुछ बातों पर मितैं यकीन च।

1 कुरिन्थि 3:3

किलैकि तुम अभि भि दुनियां की बातों का मुताबिक ही चलद्‍यां। अर या बात मि इलै बोन्‍नु छौं, किलैकि तुम लोग एक-दुसरा तैं देखि के खार खन्द्‍यां अर तुमरा बीच मा झगड़ा भि होनदिन। त अब तुम मितैं इन बता क्या फिर तुम दुनियां का लोगु का जन नि छाँ? अरे, तुम त ऊंका जन ही चाल चलणा छाँ।

2 कुरिन्थि 12:20

अर मितैं ईं बात की डौऽर च कि कखि इन नि हो कि जब मि तुमरा बीच मा औंऽऽ, त जन मि चान्दु तुमतै उन नि पौं, अर जन तुम मिसे चन्द्‍यां उन तुम मितैं नि पा। अर मितैं इन भि डौऽर च कि तुमरा बीच मा झगड़ा करण वळा, खार खाण वळा, जल्दी नाराज होण वळा, अपणु ही भलु चाणा वळा, बदनाम करण वळा, झूठ्‍ठी बात फैलाण वळा, बड़ु मोन करण वळा, अर दंगा करण वळा लोग मौजूद छिन।

गलातियों 5:15

अर अगर जु तुम लोग दुसरो तैं एक जानबर की तरौं काटी फाड़ी के खाणु खुणि तयार छाँ, त ध्यान रखा कखि इन नि हो कि तुम एक-दुसरो को नास कैरी द्‍या।

गलातियों 5:20

अर मूरत पूजा करण, जादु-टोंणा करण, एक-दुसरा का दगड़ा मा दुसमनै रखण, लड़ै-झगड़ा करण, एक-दुसरा तैं देखि के जलत्यौण, गुस्सा करण, हर बात मा अपणु ही फैदा दिखण, फूट डलण, अर दल बणौण,

गलातियों 5:26

अर हमतै खुद पर बड़ु मोन नि करण चयेणु, अर ना ही कैतैं चिडौण चयेणु, अर ना ही एक-दुसरा तैं देखि के अपणा मन मा जलन रखण चयेणी।

फिलिप्पी 2:14

अर जथगा भि काम तुम कना छाँ वु सब बिना सिकैत कियां, अर बिना वाद-विवाद कियां कैरा,

1 तीमुथियुस 6:4

त उ हर बात मा बड़ु मोन करण वळु च, अर वेतैं कुछ भि पता नि च। अर वु एक शब्द की वजै से की वेको मतलब क्या च भौत बहसबाजी करदु हो, अर इन कैरिके उ जलन रखदु, लड़ै-झगड़ा करदु, अर दुसरा लोगु का बारा मा गळत बुल्दु, अर सक करदु।

तीतुस 3:9

मगर फालतु की बकवास, अर पितरों का वंश का बारा मा, अर नियम-कानूनों का बारा मा घपरोळ करण वळो, अर झगड़ा करण वळो से दूर रौ, किलैकि वु बेकार अर कै काम का नि छिन।