રોમનોને પત્ર 4:5 - ગામીત નોવો કરાર

⁵ બાકી જો ન્યાયી ઠોરાહાટી કામ નાંય કોએ બાકી પાપી માઅહાન ન્યાયી ઠોરાવનારાવોય બોરહો કોઅહે, ચ્યા બોરહો ચ્યાલ ન્યાયી બોનાડેહે.

રોમનોને પત્ર 4:5 ပူးပေါင်းရင်းမြစ်များ

માર્ક 9:23

ઈસુવે પાહા આબહાલ આખ્યાં, “તુમહાન સંદેહ નાંય ઓરા જોજે આંય એહેકેન કોઅઇ હોકતાહાવ જો કાદાં માઅહું માયેવોય બોરહો થોવહે તી બોદાંજ કાય કોઅઇ હોકહે”.

યોહાન 5:24

આંય તુમહાન હાચ્ચાં-હાચ્ચાં આખતાહાવ, જીં માઅહું મા વચન વોનાયેહે એને માન દોવાડયોહો ચ્યા પોરમેહેરાવોય બોરહો કોઅહે, અનંતજીવન ચ્યાલ મિળી ગીયહા, ચ્યાલ ડોંડ નાંય દી, બાકી અનંતકાળના મોરણા માઅને બોચી ગીયહો એને પેલ્લો અનંતજીવનામાય જાય હોકહયો.”

યોહાન 6:29

ઈસુવે ચ્યાહાન જાવાબ દેનો, પોરમેહેરા મોરજી ઈ હેય, કા “પોરમેહેરાય જ્યાલ દોવાડયોહો, ચ્યાવોય તુમહાય બોરહો કોઅરા જોજે.”

રોમનોને પત્ર 10:3

કાહાકા ચ્યે પોરમેહેરાવોય બોરહો કોઅનાકોય ન્યાયી બોનાડયેહે યે વાતથી ઓજાણ્યા ઓઇન, પોતે ન્યાયી બોનાહાટી કોશિશ કોઅય રીઅલા આતા, યાહાટી ચ્યા પોરમેહેરાકોય ન્યાયી નાંય બોન્યા.

રોમનોને પત્ર 3:22

એટલે, આપા પોરમેહેરાકોય ન્યાયી બોનજેહે જોવે આપા ઈસુ ખ્રિસ્તાવોય બોરહો કોઅજેહે, કાહાકા બોદે માઅહે યોક હારકે હેય.

રોમનોને પત્ર 4:24

બાકી જો આપાબી પોરમેહેરાવોય બોરહો કોઅજેહે, કા ચ્યાય આપહે પ્રભુ ઈસુ ખ્રિસ્તાલ મોઅલામાયને પાછો જીવતો કોઅયો, તે આપાબી બોરહો કોઅલા લીદે ન્યાયી ઠોરહું.

રોમનોને પત્ર 4:3

કાહાકા પવિત્રશાસ્ત્રમાય આબ્રાહામા બારામાય લોખલાં હેય કા, “આબ્રાહામાલ પોરમેહેરાય જીં આખ્યાં ચ્યાવોય ચ્ચે બોરહો કોઅયો એને ચ્યાહાટી પોરમેહેરાય ચ્યાલ ન્યાયી ઠોરવ્યો.”

રોમનોને પત્ર 4:6

યેજ રીતે દાઉદ રાજા ઓહડા માઅહાલ ધન્ય આખહે, જ્યાલ હારેં કામે કોઅયા વોગાર પોરમેહેર ન્યાયી ઠોરવેહે.

ફિલિપ્પીઓને પત્ર 3:9

એને આંય ચ્ચાઆરે એકતામાય રોય હોકુ, મા ન્યાયપણા મૂસા નિયમાહા પાળના આધારાવોય નાંય બાકી ઈ તી ન્યાયપણા હેય જીં કેવળ ખ્રિસ્તાવોય બોરહો કોઅલા લીદે. ઈ ન્યાયપણા પોરમેહેર પાઅને બોરહો કોઅના લીદે મેળહે.