પ્રકટીકરણ 1:20 - ગામીત નોવો કરાર

²⁰ આમી આંય આખહી કા મા જમણા આથામાઅને હાત ચાંદાલાહા મતલબ કાય હેય, એને હોના હાત દિવહા મતલબ કાય હેય: હાત ચાંદાલેં ચ્યા હોરગા દૂતહાન દર્શાવતેહે, જ્યા હાત મંડળ્યેહે રાખવાળી કોઅતાહા, એને હાત દિવા હાત મંડળ્યો હેય.

પ્રકટીકરણ 1:20 ပူးပေါင်းရင်းမြစ်များ

માથ્થી 13:11

ઈસુવે જાવાબ દેનો, “તુમા તે પોરમેહેરા રાજ્યા દોબલી વાતો જાંઅતાહા, બાકી જ્યા માયેવોય બોરહો નાંય કોએત ચ્યા નાંય જાંએ.”

લુક માર્કા લીખલી હારી ખોબાર 8:10

ઈસુવે આખ્યાં, “તુમા તે પોરમેહેરા રાજ્યા દોબલી વાતો જાંઅતાહા, બાકી જ્યા માયેવોય બોરહો નાંય કોએત ચ્યાહાન તે દાખલાજ દેયને હિકાડાં પોડહે, કાહાકા ચ્યા એએયા કોઅતાહા બાકી જાઅએ નાંય, એને વોનાતાહા બાકી હોમજેત નાંય.”

રોમનોને પત્ર 11:25

ઓ વિસ્વાસી બાહાહાય, એહેકોય નાંય ઓઅઇ કા તુમા પોતાનાલ બુદ્ધિમાન હોમજી લા, યાહાટી આંય તુમહાવોય ઓ ભેદ પ્રગટ કોઅરા માગહુ, કા જાવ લોગુ બોદા ગેર યહૂદી લોક પોરમેહેરા પાહે ફિરી યેય, તાંવ લોગુ કોલહાક ઈસરાયેલ લોકહા મોન કોઠાણ બોની રોય.

પ્રકટીકરણ 1:11

ચ્યે આખ્યાં, “તુલ જીં દેખાય, તીં ચોપડયેમાય લોખીન એફેસુસ, સ્મુરના, પિરગમુન, થુવાતીરા, સારદીસ, ફિલાદેલફિયા, એને લાવદિકિયા, યા સાત શેહેરા મંડળ્યેહેપાય દોવાડી દે.”

પ્રકટીકરણ 1:16

તો ચ્યા જમણા આથામાય હાત ચાંદાલાહાન દોઅઇ રોઅલો આતો, ચ્યા મુયામાઅને યોક બેન દાઅયેવાળી ચીંદળી તારવાય નિંગી રોઅલી આતી, ભોર બોપરેહે દિહા હારકા ચ્યા મુંય ચોમકી રીઅલા આતા.

પ્રકટીકરણ 1:4

આંય, યોહાન, ઈ પત્ર હાત મંડળ્યેહેલ લોખી રિઅલો હેય, જ્યો આસિયા વિસ્તારમાય હેય. આંય પ્રાર્થના કોઅતાહાંવ કા પોરમેહેર જો હેય, એને જો કાયામ આતો, એને જો યેનારો હેય, એને ચ્ચા હાત આત્માહા પાઅને, જો પોરમેહેર રાજગાદી હામ્મે હેય, તુમહાન સદા મોયા એને શાંતી મીળે.

પ્રકટીકરણ 17:5

ચ્યે નિંડાળાલ યોક નાંવ લોખલાં, જ્યા ગુપ્ત મોતલાબ આતો, “આંય મોઠા શેહેર બાબેલ હેત્યાંવ, આંય બોદી વેશ્યાહા એને દુનિયામાઅને બોદી ખારાબ વસ્તુહુ આયહો હેત્યાંવ.”

પ્રકટીકરણ 17:7

ચ્યા હોરગા દૂતાય માન આખ્યાં, “હેરાન મા ઓઅહે, આંય યે થેએયે, એને ચ્યા જંગલી જોનાવર, જ્યાવોય તી બોઠલી હેય, એને જ્યા હાત ટોલપે એને દોહો હિંગે હેય, આંય તુલ ચ્યા ગુપ્ત મતલબ આખતાહાવ.

પ્રકટીકરણ 2:1

ચ્યાય માન એહેકેન આખ્યાં, એફેસુસ શેહેરા મંડળી દૂતાલ ઓ સંદેશ લોખ. આંય તોજ હેતાંવ જો જમણા આથામાય હાત ચાંદાલાહાન દોઓય રિયહો, એને આંય તોજ હેતાંવ, જો હોના હાત દિવહા વોચમાય ફિરતાહાવ, આંય તુમહાન એહેકોય આખતાહાવ.

પ્રકટીકરણ 2:12

“પિરગમુન શેહેરા મંડળી દૂતાલ ઓ સંદેશ લોખ. આંય તોજ હેતાંવ, જ્યાપાંય ચીંદળી બેન-દાઅયેવાળી તારવાય હેય, આંય તુમહાન એહેકોય આખતાહાવ.

પ્રકટીકરણ 2:18

“થુવાતીરા શેહેરામાયને મંડળી દૂતાલ ઓ સંદેશ લોખ. પોરમેહેરા પોહાપાઅને ઓ સંદેશ હેય, એને ચ્યા ડોળા આગડા જાળે હારકા ચોમકી રીઅલા હેય ચ્યા પાગ પિતળા હારકા જેહેકેન તાતા આગડામાય ચોમકેહે, તેહેકેન ચોમકેહે, તો એહેકેન આખહે.

પ્રકટીકરણ 2:5

યાહાટી વિચાર કોઓ, કા તું પેલ્લા માન કેહેકેન પ્રેમ કોઅતો આતો એને આમી તું માન તેહેકેન પ્રેમ નાંય કોએ, યે વાતેકોય પોસ્તાવો કોઓ એને માન તેહેકેનુજ પ્રેમ કોઓ જેહેકેન તું પેલ્લા કોઅતો આતો. જો તું પોસ્તાવો નાંય કોઅહે તે આંય તુયેપાય યેયન જાં તો દિવો થોવલો હેય, ચ્યાલ તાઅને ઓટાડી દિહી.

પ્રકટીકરણ 2:8

સ્મુરના શેહેરા મંડળી દૂતાલ ઓ સંદેશ લોખ. આંય પેલ્લો એને છેલ્લો હેતાંવ, આંય યોકદા મોઅઇ ગીઅલો, બાકી આમી જીવતો હેતાંવ, એને સાદામાટે જીવતો રોહીં, આંય તુમહાન ઈ આખતાહાવ.

પ્રકટીકરણ 3:1

“સારદીસ શેહેરા મંડળી દૂતાલ ઓ સંદેશ લોખ. આંય તોજ હેતાંવ જો હાત ચાંદાલાહાન આથામાય લી રિઅલો હેય, એને પોરમેહેરા હાત આત્માહાન લી રિઅલો હેય, આંય તુમહાન આખતાહાવ. આંય જાંઅતાહાંવ કા તું કાય કામ કોઅતોહો, તું માયેવોય બોરહો કોઅતોહો એહેકેન તે દેખાડતોહો, બાકી આસલીમાય તું મા અનુસરણ નાંય કોએ.

પ્રકટીકરણ 3:14

“લાવદિકિયા શેહેરા મંડળી દૂતાલ ઓ સંદેશ લોખ. આંય આમેન આખતાહાવ, કાહાકા આંય બોરહાલાયક હેતાંવ, એને આંય જીં પોરમેહેરાબારામાય સાબિત કોઅતાહાંવ તી હાચ્ચાં હેય. એને જ્યેકોય પોરમેહેરાય બોદી વસ્તુહુ રચના કોઅલી હેય, આંય એહેકેન આખતાહાવ,

પ્રકટીકરણ 3:7

“ફિલાદેલફિયા શેહેરા મંડળી દૂતાલ ઓ સંદેશ લોખ. આંય તોજ હેય, જો પવિત્ર એને હાચ્ચાં હેતાંવ, માયેપાંય ચ્યો કુચ્યો હેય જ્યો દાઉદ રાજા હેય, જોવે આંય ચ્યે કુચ્યેકોય યોક બાઅણા ઉગાડતાહાવ તે કાદાબી ચ્યાલ બંદ નાંય કોઅય હોકે, એને જોવે આંય ચ્યે કુચ્યેકોય યોક બાઅણા બંદ કોઅતાહાંવ તે ચ્યાલ કાદાબી ઉગાડી નાંય હોકે. આંય એહેકેન આખતાહાવ,