માર્ક 12:33 - ગામીત નોવો કરાર

³³ એને ચ્યાલ બોદા રુદાયા કોઇન, એને બોદે મોના કોઅઈન, બોદા જીવા કોઇન, એને બોદયે ગોત્યે કોઇન પ્રેમ રાખના, એને પોતાવોય જેહે પ્રેમ કોઅતાહા તેહેકોય બીજહાવોય પ્રેમ રાખના, એને બોદા જોનાવરહા બલિદાનહા એને બિજા બલિદાનહા જ્યેં આપા પોરમેહેરા વેદ્યેવોય ચોડાવજેહે ચ્યાહા કોઅતા હારાં હેય.”

માર્ક 12:33 ပူးပေါင်းရင်းမြစ်များ

માથ્થી 12:7

તુમા નાંય જાંએ કા પવિત્રશાસ્ત્રમાય યા શબ્દાહા કાય મોતલાબ હેય, જો તુમા જાઅતા તે મા નિર્દોષ શિષ્યહા નિંદા નાંય કોઅતા. મા હાટી બેટ ચોડાવના કોઅતા, મા ઇચ્છા હેય કા તુમા બીજહાવોય દયા કોઆ.

માથ્થી 9:13

યાહાટી તુમા જાયને યા મોતલાબ હિકી લા, માન તુમહે બલિદાન નાંય જોજે, બાકી માન દયા ગોમહે, કાહાકા આંય ન્યાયી લોકહાન નાંય, બાકી પાપ્યાહાન બોચાવાં યેનોહો.”

હિબ્રૂઓને પત્ર 10:8

ઉચલ્યા દાખલામાય ઈસુ ખ્રિસ્ત આખહે, તું નાંય તે બલિદાન એને બેટ હોદતોહો, એને નાંય તી બેટ જ્યેમાય જોનાવરહાલ પુરીરીતે બાળી દેનલે જાતહેં એને જીં બેટ જીં પાપહા માફ્યે હાટી ચોડાવલા જાહાય, કાહાકા તી બલિદાન તુલ ખુશ નાંય કોઅય. (ઈ બલિદાન તે નિયમાનુસાર ચોડાવલેં જાતહેં.)