માથ્થી 10:41 - ગામીત નોવો કરાર

⁴¹ જીં માઅહું ભવિષ્યવક્તાલ ભવિષ્યવક્તા જાંઆઈન માનહે, ચ્યાલ ભવિષ્યવક્તા હારખો ઇનામ મિળી; જીં હારાં માઅહું હોમજીન હારાં માઅહાન માનહે, ચ્યાલ હારાં માઅહા હારખા ઇનામ મિળી.

માથ્થી 10:41 ပူးပေါင်းရင်းမြစ်များ

માથ્થી 16:27

આંય, માઅહા પોહો, મા હોરગા દૂતહા આરે મા આબહા મહિમામાય યીહીં, એને ચ્યે સમયે આંય બોદહાલુજ ચ્યાહા કામહા ઇસાબે ઇનામ દિહી.

માથ્થી 25:44

“તોવે ચ્યા જાવાબ દેઅરી, ‘ઓ પ્રભુ આમાહાય તુલ કોવે બુખો, એને તરસ્યો, કા પારકો, કા ઉગાડો, કા બિમાર, કા જેલેમાય દેખ્યો, એને તો સેવા નાંય કોઅયી?’

માથ્થી 25:45

તોવે આંય જાવાબ દિહી, આંય તુમહાન હાચ્ચાં આખહુ કા તુમાહાય યા વાહનામાય વાહના યોકા બી શિષ્યા આરે નાંય કોઅયા, તી મા આરેબી નાંય કોઅયા.

માથ્થી 6:1

“હાચવીન રા! તુમા લોકહાન દેખાડાહાટી હારેં કામે મા કોઅહા, નાંય તે હોરગામાઅને પોરમેહેરા પાયને કાયબી પ્રતિફળ નાંય મિળી.”

માથ્થી 6:18

યાહાટી કા લોક તુમહે ઉપહા નાંય જાંએ, બાકી તુમહે આબહો જો ગુપ્તમાય હેય, તુમહાન ઉપહા કોઅનારો જાંએ, તોવે તો આબહો જો ગુપ્તમાય એઅહે, તો તુમહાન પ્રતિફળ દેઅરી.”

માથ્થી 6:4

યાહાટી કા તો જીં દેનલા દાન દુબલાં રોય, તોવે પોરમેહેર તો આબહો જો ગુપ્તમાય એઅહે તો તુલ પ્રતિફળ દી.”

માથ્થી 6:6

બાકી તું જોવે પ્રાર્થના કોએ, તોવે તો ખોલ્યેમાય જો, એને બાઅણા બંદ કોઇન તો આબહો જો ગુપ્તમાય હેય ચ્યાલ પ્રાર્થના કોઓ, તોવે તો આબહો તુલ ગુપ્તમાયને એઅહે, તુલ પ્રતિફળ દેઅરી.”

માથ્થી 7:8

કાહાકા જો કાદો માગહે, ચ્યાલ મિળહે, એને જો કાદો હોદહે, ચ્યાલ જોડહે, એને જો કાદો ઠોકહે, ચ્યાહાટી ઉગાડી દેવામ યેહે.

પ્રેષિતોનાં ક્રત્યો 16:15

એને જોવે ચ્યેય ચ્યે કુટુંબ હાતે બાપતિસ્મા લેદા, તોવે ચ્યેય વિનાંતી કોઅયી, “જો તું માન પ્રભુવા વિસ્વાસીની હોમાજતોહો, તે ચાલીન મા ગોઆમાય રા,” એને તી આમહાન માનાડી લેય ગીયી.

રોમનોને પત્ર 16:23

ગાયસબી તુમહાન સલામ આખી રિઅલો હેય, આંય ચ્યા ગોઅમે રોતહાવ જાં મંડળી બેગી ઓઅહે, એને ઇરાસ્તસ, જો શેહેરાહાટી પોયહા વ્યવહાર એએહે, એને ચ્ચા બાહા કવાર્તુસા તુમહાન સલામ.

1 કરિંથીઓને 9:17

જો આંય મા ઇચ્છા કોઇન હારી ખોબાર આખના કામ કોઅહુ, તે માન ચ્યા ઇનામ મિળી, એને જો ઈ હારી ખોબાર આખના કામ મા ઇચ્છાકોય નાંય બી કોઅતો, તેબી પોરમેહેરાય માન જવાબદારી હોપલી હેય.

હિબ્રૂઓને પત્ર 6:10

જેહેકેન તુમહાય હારેં કામે કોઅયેહે, એને આમીબી તુમા પોરમેહેરા નાવામાય પોરમેહેરા લોકહાહાટી પ્રેમથી સેવાયે કામ કોઅતેહે, યાહાટી પોરમેહેર તુમહાન નાંય વિહરાયી, કાહાકા તો ન્યાયી હેય.

2 યોહાન 1:8

યાહાટી તુમહાય હાચવીન રા જોજે કા કાય યા લોક તુમાહાલ ધોકો નાંય દેય, યાહાટી તુમા ટાકી નાંય દેય જ્યાલ મેળવાહાટી આમાહાય ઓલી મેહનાત કોઅયીહી. બાકી તુમા તી બોદો બોદલો મેળવાહા જ્યા વાયદો પોરમેહેરાય તુમહેઆરે કોઅયોહો.