લુક માર્કા લીખલી હારી ખોબાર 11:29 - ગામીત નોવો કરાર

²⁹ જોવે લોકહા મોઠી ગીરદી બેગી ઓઅતી જાતી આતી તોવે તો ચ્યાહાન આખતો લાગ્યો, “યે પીડી લોક ખારાબ હેય, ચ્યે ચિન્હ હોદતેહેં, બાકી યોના ભવિષ્યવક્તા ચિન્હ છોડીન બીજી કાય ચિન્હ નાંય દેવાય.

લુક માર્કા લીખલી હારી ખોબાર 11:29 ပူးပေါင်းရင်းမြစ်များ

માથ્થી 3:7

જોવે યોહાને દેખ્યા પોરૂષી એને સાદૂકી લોક ચ્યાપાય બાપતિસ્મા લાંહાટી યેય રીયહા, તે ચ્યાય આખ્યાં, તુમા જેરીવાળા હાપડા હારખા ખારાબ હેય, તુમહાન કુંયે પોરમેહેરા ન્યાયામાઅને નાહના ચેતાવણી દેની જો યેનારો હેય?

માર્ક 8:38

જોવે તુમહેમાઅને કાદો માન ચ્યા પોરમેહેરા હારકો એને મા વાતહે પાળાહાટી મોનાઈ કોઅહે કાહાકા પોતે બિઅતાહા કા યા સોમાયા પાપી લોક તુમહે નુકસાન કોઅરી, પાછે આંય, માઅહા પોહાલ મોનાઈ કોઅઇ દિહી કા તુમા મા શિષ્ય હેય, જોવે આંય પવિત્ર દૂતહા આરે દોરતીવોય પાછો યીહીં, તોવે બોદા મા મહિમા પ્રતાપ દેખી જો મા આબહા હારકો હેય.

લુક માર્કા લીખલી હારી ખોબાર 11:16

એને ચ્યા ઈસુલ ફોસવા હાટી ઈ માગણી કોઇ રીયલા આતા, કા આમહાન હોરગા એહેરે મોઠે ચિન્હ દેખાડ.

લુક માર્કા લીખલી હારી ખોબાર 11:50

યાહાટી આકાશ દોરતી બોનાવીહી ચ્યાપાઅને જોલા ભવિષ્યવક્તાહાન માઆઇ ટાકહયા, ચ્યાહા બોદો ઇસાબ, યે પીડી લોકહાપાઅને લેદલો જાય.

લુક માર્કા લીખલી હારી ખોબાર 12:1

જોવે હજારો લોક ટોળો વોળીન ઈસુવાપાય યેને, ઓલે બોદે કા યોકબિજાલ બીચડી દેત, તોવે ઈસુ પેલ્લા ચ્યા શિષ્યહાન આખતો લાગ્યો, “પોરૂષી લોકહા ડોંગ્યા હારકા ખમીરથી હાચવીન રોજા.

લુક માર્કા લીખલી હારી ખોબાર 9:41

ઈસુવે ચ્યાહાન જાવાબ દેનો કા “ઓ બોરહો નાંય થોવનારા લોકહાય એને લુચ્ચી પીડી, તુમહેઆરે કોલાહા લોગુ રોઉં? કોલાહા લોગુ તુમહાન વેઠું? ચ્યાલ તુમા માયેપાંય લેય યા.”

યોહાન 2:18

તોવે યહૂદીયાહા આગેવાનહાય ચ્યાલ આખ્યાં, “તું આમહાન કોઅહા ચિન્હ દેખાડી હોકતોહો, જ્યેકોય આમા ઈ જાઈ હોકજે કા તુલ એહેકેન કોઅના ઓદિકાર હેય?”

યોહાન 6:30

તોવે ચ્યાહાય ઈસુલ પુછ્યાં, “તું કાય ચિન્હ દેખાડતોહો કા તી એઇન તોવોય આમા બોરહો કોઅજે? તું કોઅહા કામ દેખાડતોહો?

યોહાન 8:44

તુમા તુમહે આબહો સૈતાનાપાઅને હેતા, એને તુમા તુમહે આબહા ઉસ પુરી કોઅરા માગતાહા, તો તે પેલ્લેથી ખૂની હેય, એને હાચ્ચાયેવોય મજબુત નાંય રોય કાહાકા ચ્યામાય હાચ્ચાં હેયેજ નાંય. જોવે તો ઠોગીન વાત કોઅહે, તોવે તો પોતા મોના વિચાર કોઇન આખહે, કાહાકા તો ઠોગ હેય, એને ઠોગનારાહા આબહો હેય.

1 કરિંથીઓને 1:22

ઈ યહૂદી લોકહાન મૂર્ખતા લાગહે, કાહાકા ચ્ચા ઈ સાબિત કોઅરાહાટી હોરગામાઅને યોક ચિન્હ હોદતાહા કા ઈ હાચ્ચાં હેય, એને ગેર યહૂદી લોકહાહાટીબી હેય જ્યે માઅહે જ્ઞાન હોદતેહેં