યોહાન 8:39 - ગામીત નોવો કરાર

³⁹ ચ્યાહાય ચ્યાલ જાવાબ દેયન આખ્યાં, “આમહે આગલ્યો ડાયો આબ્રાહામ હેય.” ઈસુવે ચ્યાહાન આખ્યાં, “જોવે તુમા આબ્રાહામા પીડી રોતા, તોવે તુમા જીં આબ્રાહામ કોઅતો આતો તી કામ કોઅતા.

યોહાન 8:39 ပူးပေါင်းရင်းမြစ်များ

માથ્થી 3:9

એને પોતે મોનામાય એહેકોય નાંય વિચાર કોઅના કા આબ્રાહામ આપહે આબહો હેય, બાકી આંય તુમહાન એહેકોય આખતાહાવ કા, પોરમેહેર આબ્રાહામાહાટી યા દોગડાહા પાયને બી પોહેં પૈદા કોઅઇ હોકહે.

માથ્થી 5:45

ચ્યાથી તુમા તુમહે હોરગ્યા આબહા પોહા બોનહા કાહાકા પોરમેહેર હારાં એને માઠાં લોકહાવોય દિહી દેહે, એને ન્યાયી એને અન્યાયી લોકહાહાટી પાઆઈ પાડહે.

યોહાન 8:33

ચ્યાહાય જાવાબ દેનો, “આમા આબ્રાહામા કુળામાઅને હેજે, એને કાદે દિહી કાદા ચાકાર નાંય બોન્યા, તું કેહેકેન આખતોહો કા તુમહે છુટકો ઓઅઇ જાય?”

યોહાન 8:37

માન ખોબાર હેય કા તુમા આબ્રાહામા કુળામાઅને હેતા, તેરુંબી તુમા મા હિકાડના નાંય પાળ્યાં, યાહાટી તુમા માન માઆઇ ટાકાં કોઅતાહા.

યોહાન 8:43

આંય જીં આખતાહાવ તી તુમહાન કાહાનાય હોમાજ પોડે? કાહાકા તુમા મા વચન પાળા નાંય માગેત.

યોહાન 8:56

તુમહે આગલ્યો ડાયો આબ્રાહામ મા યેઅના દિહી એઅરા મિળી યે આશેકોય બોજ મગન આતો, એને મા યેઅના દિહી એઇન તો ખુશ ઓઈ ગીયો.”

રોમનોને પત્ર 4:12

એને આબ્રાહામ ચ્યા સુન્નત કોઅલા યહૂદી લોકહા બી આબહો ઠોરે, જ્યેં ફક્ત સુન્નત કોઅલા હેય ઓલહાંજ નાંય, બાકી આમહે આગલ્યો ડાયો આબ્રાહામા હારકા બોરહો કોઇન જીવન જીવનારા બી હેય, જેહેકેન આબ્રાહામાય સુન્નત કોઅના પેલ્લા પોરમેહેરાવોય બોરહો કોઅયેલ.

રોમનોને પત્ર 4:16

યાહાટી લોક બોરહાકોય પોરમેહેરા વાયદો મેળવી હોક્યા. ઓહડા યાહાટી ઓઅહે કા વાયદો સદા મોયાથી મીળે, તોવે આબ્રાહામા બોદા પોહહાન તો વાયદો મિળી હોકહે, ઈ ફક્ત ચ્ચાહાહાટી નાંય હેય જ્યેં મૂસા નિયમાહાન પાળતેહે, બાકી બોદા લોકહાહાટી હેય જ્યા આબ્રાહામા હારકા બોરહાકોય જીવતાહા, જો આપે બોદહા આગલ્યો ડાયો હેય.

રોમનોને પત્ર 9:7

એને આબ્રાહામા કુળામાંય જન્મો લેયનાકોય બોદે ચ્યા હાચ્ચેજ પોહેં નાંય બોની જાય, કાહાકા પોરમેહેરાય આબ્રાહામાલ આખ્યાં, “જ્યાહા ઈસાકા કુળામાંય જન્મો જાયહો, ચ્યેજ તો કુળામાઅને માનલે જાય.”

ગલાતીઓને પત્ર 3:29

કાહાકા તુમા ખ્રિસ્તાઆરે યોક હેય, તે આમી તુમા આબ્રાહામા કુટુંબા હેતા, એને તુમા પોરમેહેરા દેનલા વાયદાનુસાર બોરકાતે વારીસ બોની ગીયહા.

ગલાતીઓને પત્ર 3:7

યાહાટી, તુમહાન ઈ જાઅના જરુરી હેય કા આબ્રાહામા હારકે જ્યેં પોરમેહેરાવોય બોરહો કોઅતેહે, ચ્યેજ આબ્રાહામા હાચ્ચે વંશજ હેય.