યોહાન 20:29 - ગામીત નોવો કરાર

²⁹ ઈસુવે ચ્યાલ આખ્યાં, “તુયે તે માન એઅયો તે તું બોરહો કોઅતોહો? ધન્ય હેય ચ્યે માન એઅયા વોગાર બોરહો કોઅતેહે.”

યોહાન 20:29 ပူးပေါင်းရင်းမြစ်များ

માથ્થી 13:16

બાકી તુમહે ડોળા ધન્ય હેય, કાહાકા ચ્યા એઅતાહા; એને તુમહે કાન ધન્ય કાહાકા ચ્યા વોનાતાહા.

લુક માર્કા લીખલી હારી ખોબાર 1:45

તું ધન્ય હેય કાહાકા તુયે બોરહો કોઅયો કા પ્રભુવાય જીં તુલ આખ્યાં તી તો પુરાં કોઅરી.”

યોહાન 20:28

થોમાય જાવાબ દેનો, “ઓ મા પ્રભુ, ઓ મા પોરમેહેર.”

યોહાન 20:8

પાછે બિજો શિષ્ય જો કોબારેપાય પેલ્લો જાઈ પોઅચ્યેલ તોબી માજે ગીયો એને ઈ એઇન કા ઈસુ મોઅલાહામાઅને જીવતો ઓઈ ગીયહો બોરહો કોઅયો.

યોહાન 4:48

ઈસુવે ચ્યાલ આખ્યાં, “જાવ લોગુ તુમા ચમત્કાર એને ચિન્હ નાંય એઅહા તાંવ લોગુ તુમા બોરહો નાંય કોઅહા.”

2 કરિંથીઓને 5:7

કાહાકા આમા ચ્યાવોય બોરહો કોઅવાથી જીતહયા, ચ્યાલ એઅવાથી નાંય.

હિબ્રૂઓને પત્ર 11:1

બોરહો ચ્યે વાતહે પાક્કી ખાત્રી હેય, જ્યેં આમા આશા રાખજે એને ચ્યે વસ્તુહુ સાબિતી હેય, જ્યેહેલ આમા નાંય એઅજે.

હિબ્રૂઓને પત્ર 11:27

બોરહો કોઅના લીદેજ ચ્યે મિસર દેશાલ છોડી દેના એને રાજા ગુસ્સાલ નાંય બિઅયો, કાહાકા તો હુમજી ગીયો કા જો અદૃશ્ય હેય ચ્યા પોરમેહેરાલ એઅયોહો એહેકેન માની લેદો.

હિબ્રૂઓને પત્ર 11:39

ચ્યાહા બોરહો કોઅના લીદેજ યા બોદહા બારામાય હારી સાક્ષી દેનલી ગીયી, બાકી જ્યા પોરમેહેરે ચ્યાહાન વાયદો કોઅલો આતો ચ્યાહાય તી પ્રતિફળ નાંય મેળવ્યા.

1 પિતરનો પત્ર 1:8

તુમહાય ઈસુલ કોદહી નાંય દેખ્યોહો, બાકી તેરુ ચ્યાલ તુમા પ્રેમ કોઅતાહા. તુમા ચ્યાલ આમીબી નાંય એએ. બાકી તેરુંબી તુમા ચ્યાવોય બોરહો થોવતાહા. યાહાટી, તુમા આનંદ એને મહિમાથી બોજ ખુશ ઓઆ જ્યાલ શબ્દામાય વર્ણન નાંય કોઅલા જાય હોકે.