યોહાન 19:35 - ગામીત નોવો કરાર

³⁵ જ્યા માટડાય ઈ બોદા દેખ્યા, ચ્યાય સાક્ષી દેનહી, કા તુમાબી ઈસુવોય બોરહો કોએ. એને ચ્યા સાક્ષી હાચ્ચી હેય, એને તો જાંઅહે કા તો હાચ્ચાં બોલહે.

યોહાન 19:35 ပူးပေါင်းရင်းမြစ်များ

યોહાન 11:15

એને આંય તાં નાંય આતો, ચ્યાહાટી તુમહે ફાયદાહાટી ખુશ હેતાઉ કા આંય તાં નાંય આતો, જેથી તુમા બોરહો કોઆ. બાકી આમી યા, આપા ચ્યાપાય જાતા.”

યોહાન 11:42

એને આંય જાંઅતાહાંવ કા સાદા મા વોનાતોહો, બાકી જીં ગીરદી આજુ-બાજુ ઉબલી હેય, ચ્યાહા લીદે માયે મોઠેરે બોંબલીન આખ્યાં, જ્યાથી ચ્યા બોરહો કોએ, કા તુયે માન દોવાડયોહો.”

યોહાન 14:29

એને આમીંજ યો વાતો બોને ચ્યા પેલ્લા તુમહાન માયે આખી દેના, યાહાટી કા જોવે ઈ બોને તોવે તુમા માયેવોય બોરહો કોઆ.

યોહાન 15:27

એને તુમા મા બારામાય દુનિયા લોકહાન આખહા, કાહાકા સુરુવાતપાઅને તુમા મા આરે રીયહા.

યોહાન 19:26

ઈસુવે ચ્યા આયહેલ, એને ચ્યા શિષ્યાલ જ્યાલ તો પ્રેમ કોઅતો આતો પાહી ઉબલે દેખીન, ઈસુવે ચ્યા આયહેલ આખ્યાં; “આયા, એએ, ઓજ તો પોહો હેય.”

યોહાન 20:31

બાકી યે યાહાટી લોખલે હેય, કા તુમા બોરહો કોએ, કા ઈસુજ પોરમેહેરા પોહો ખ્રિસ્ત હેય, એને ચ્યાવોય બોરહો કોઇન ચ્યા નાવાકોય અનંતજીવન મિળવા.

યોહાન 21:24

ઓ તોજ શિષ્ય હેય, જો યે વાતહેબારામાય સાક્ષી દેહે, એને જ્યાંય યે વાતહેબારામાય લોખલાં હેય, એને આમહાન ખોબાર હેય કા ચ્યા સાક્ષી હાચ્ચી હેય.

પ્રેષિતોનાં ક્રત્યો 10:39

એને આમા ચ્યા બોદા કામહા સાક્ષી હેજે, જીં ચ્યાય યહૂદી લોકહા બોદા વિસ્તારમાય એને યેરૂસાલેમ શેહેરામાયબી કોઅયે, એને યેરૂસાલેમ શેહેરામાય ચ્યાહાય ચ્યા ઈસુલ હુળીખાંબાવોય ટાંઅગીન માઆઇ ટાક્યો.

રોમનોને પત્ર 15:4

જોલ્યહો વાતો પેલ્લાનેજ પવિત્રશાસ્ત્રમાય લોખવામાય યેન્યો, ચ્યો આપહે શિક્ષણાહાટી લોખવામાય યેન્યહો, યાહાટી આપા ચ્ચાથી ધીરજ એને પ્રોત્સાહન મિળતા રોય એને યા પ્રકાર આપા આપહે આશા બોનાડી રાખી હોકજે.

1 પિતરનો પત્ર 5:1

કોલ્યોહોક ઓહડયો વાતો હેય જ્યો આંય તાઅને વડીલાહાન આખા કોઅતાહાંવ, કાહાકા આંયબી તુમહે હારકો યોક આગેવાન હેતાંવ. માયે પોતે ચ્યા દુઃખહાલ દેખ્યાહા, જીં બોજ પેલ્લા ખ્રિસ્તાય વેઠયાં. જોવે તો પાછો ફિરી યેઅરી, તોવે આંયબી ચ્યા મહિમામાય ભાગીદાર ઓઅહીં.

1 યોહાન 5:13

આંય ઈ પત્ર તુમહાન લોખી રિયહો, જ્યેં પોરમેહેરા પોહા નાંવા વોય બોરહો કોઅતેહે, યાહાટી કા તુમા જાંઆય લા કા તુમહેપાય અનંતજીવન હેય.

3 યોહાન 1:12

મંડળીમાય બોદા-બોદા ઈ આખતાહા કા દિમેત્રિયુસ હારો માઅહું હેય, કાહાકા તો હાચ્ચાયેકોય જીવહે, આમા બી આખજેહે કા તો હારો માઅહું હેય એને તું જાંઅતહો કા આમહે સાક્ષી હાચ્ચી હેય.