યોહાન 12:42 - ગામીત નોવો કરાર

⁴² તેરુંબી આગેવાનહા માઅને બો બોદહાય ચ્યાવોય બોરહો કોઅયો, બાકી પોરૂષીયાહા લીદે ખુલ્લી રીતે નાંય બોરહો કોઅતા આતા, યા દાકે કા ચ્યાહાન સોબાયે ઠિકાણા માઅને બાઆ નાંય કાડી દેય.

યોહાન 12:42 ပူးပေါင်းရင်းမြစ်များ

માથ્થી 10:32

“જીં માઅહું લોકહા હોમ્મે માની લેહે, તો મા શિષ્ય હેય, આંયબી મા હોરગામાઅને આબહાલ આખી દિહીં કા ઓ મા શિષ્ય હેય.

લુક માર્કા લીખલી હારી ખોબાર 12:8

આંય તુમહાન આખતાહાવ, “જીં માઅહું લોકહા હોમ્મે માની લેહે તો મા શિષ્ય હેય, ચ્યાલ આંય, માઅહા પોહોબી પોરમેહેરા હોરગા દૂતહા હોમ્મે માની લિહીં.

લુક માર્કા લીખલી હારી ખોબાર 23:13

પિલાત રાજાય મુખ્ય યાજકાહાલ એને આગેવાનાહાન એને લોકહાન હાદિન આખ્યાં.

લુક માર્કા લીખલી હારી ખોબાર 6:22

ધન્ય હેય તુમા, માઅહા પોહા લેદે તુમહેઆરે દુશ્માની કોઅરી, એને સોબાયે ઠિકાણા માઅને બાઆ કાડી દેઅરી, એને નિંદા કોઅરી, એને તુમહાન ખારાબ જુઠા હોમજીન નાંવ ખોડી ટાકી.”

યોહાન 11:45

જ્યા યહૂદી લોક મરિયમ આરે યેનલા આતા, એને ઈસુવે કાય ચમત્કાર કોઅયા તી દેખ્યાં, તોવે ચ્યાહામાઅને બો બોદા માઅહાય ચ્યાવોય બોરહો કોઅયો.

યોહાન 12:11

કાહાકા ચ્યા લીદે યહૂદીયાહા માઅને બો બોદે માઅહે યહૂદી આગેવાનહાન છોડીન જાતા રોયા, એને ઈસુવોય બોરહો કોઅયો.

યોહાન 16:2

ચ્યા તુમહાન ચ્યાહા સોબાયે ઠિકાણા માઅને કાડી દી, બાકી ઓહડો સમય યી રોયહો, કા જો કાદો તુમહાન માઆઇ ટાકી, તો એહેકોય હોમજી કા આંય પોરમેહેરા સેવા કોઅતાહાંવ.

યોહાન 19:38

યે વાતહે પાછે અરીમતિયા ગાવા યોસેફ, જો ઈસુવા શિષ્ય આતો, બાકી યહૂદી આગેવાનહા દાકે યે વાતેલ ગુપ્તમાય રાખતો આતો, ચ્યાય પિલાત રાજાપાય ઈસુવા કુડી લેય જાઅના માગણી કોઅયી, કા આંય ઈસુવા કુડી લેય જાવ, પિલાત રાજાય ચ્યા વિનાંતી વોનાયને કુડી લેય જાં પરવાનગી દેની, એને યુસુફ યેયન ઈસુ કુડી લેય ગીયો.

યોહાન 3:2

તો રાતી ઈસુવાપાય યેનો, એને ચ્યાલ આખ્યાં કા, “ઓ ગુરુજી, આમહાન ખોબાર હેય કા, પોરમેહેરાય તુલ આમહાન હિકાડાંહાટી દોવાડલો હેય, કાહાકા જ્યા ચમત્કાર તું કોઅતોહો, જોવે પોરમેહેર ચ્યાઆરે નાંય રોય તોવે ચ્યા ચમત્કાર કાદાં માઅહું નાંય દેખાડી હોકે.”

યોહાન 7:13

તેરુંબી યહૂદી આગેવાનહા દાકે કાદાં માઅહું ચ્યા બારામાય ખુલ્લી રીતે નાંય બોલે.

યોહાન 7:31

એને લોકહા ગીરદ્યેમાઅને બોજ જાઅહાય ચ્યાવોય બોરહો કોઅયો, એને આખા લાગ્યા, “ખ્રિસ્ત જોવે યી તોવે યા કોઅતા વોદારી ચમત્કાર કોઇ દેખાડી કા જ્યેં યાય દેખાડયે?”

યોહાન 9:22

યો વાતો ચ્યા આયહે આબહાય યાહાટી આખ્યો, કાહાકા ચ્યાહાન યહૂદી આગેવાનહા દાક આતી, કાહાકા યહૂદી આગેવાનહાય નોક્કી કોઅયેલ કા, જીં માઅહું ઈસુવોય બોરહો કોએ કા તો ખ્રિસ્ત હેય, ચ્યાલ સોબાયે ઠિકાણા માઅને કાડી દેવામાય યેય.

યોહાન 9:34

ચ્યાહાય ચ્યાલ જાવાબ દેનો, “તું તો પેલ્લેથી પાપામાંય જોનમ્યોહો, તું આમહાન કાય હિકાડતોહો?” તોવે ચ્યાહાય ચ્યાલ સોબાયે ઠિકાણા માઅને બાઆ કાડી દેનો.

પ્રેષિતોનાં ક્રત્યો 5:41

ચ્યા યે વાતે લીદે ખુશ ઓઇન મોઠી સોબાયે હોમ્મેને જાતા રિયા, કા આપા ઈસુ લીદે અપમાનિત ઓઅના લાયકે ઠોર્યા.

રોમનોને પત્ર 10:10

કાહાકા ન્યાયી બોનાહાટી મોનામાય બોરહો કોઅવામાય યેહે, એને તારણ મિળાહાટી મુયાકોય સ્વીકાર કોઅવામાય યેહે.

1 યોહાન 4:15

જો કાદો એહેકોય માની લેહે, કા ઈસુ પોરમેહેરા પોહો હેય, પોરમેહેર ચ્યામાય એને તો પોરમેહેરામાય વોહતી કોઅહે.

1 યોહાન 4:2

પોરમેહેરા આત્માલ તુમા એહેકોયન વોળખી હોકતાહા, કા જીં આત્મા કબુલ કોઅહે કા ઈસુ ખ્રિસ્ત યોક માઅહું બોનીન યેનોહો તો પોરમેહેરાપાઅને હેય.