પ્રેષિતોનાં ક્રત્યો 17:25 - ગામીત નોવો કરાર

²⁵ નાંય કાદીબી વસ્તુહુ ગોરજેહાટી ચ્યાલ માઅહા મોદાતે ચ્યાલ ગોરાજ નાંય હેય, કાહાકા તો પોતેજ બોદહાલ જીવન એને શ્વાછ એને બોદાંજ કાય દેહે.

પ્રેષિતોનાં ક્રત્યો 17:25 ပူးပေါင်းရင်းမြစ်များ

માથ્થી 5:45

ચ્યાથી તુમા તુમહે હોરગ્યા આબહા પોહા બોનહા કાહાકા પોરમેહેર હારાં એને માઠાં લોકહાવોય દિહી દેહે, એને ન્યાયી એને અન્યાયી લોકહાહાટી પાઆઈ પાડહે.

માથ્થી 9:13

યાહાટી તુમા જાયને યા મોતલાબ હિકી લા, માન તુમહે બલિદાન નાંય જોજે, બાકી માન દયા ગોમહે, કાહાકા આંય ન્યાયી લોકહાન નાંય, બાકી પાપ્યાહાન બોચાવાં યેનોહો.”

પ્રેષિતોનાં ક્રત્યો 14:17

તેરુંબી ભલા કોઇન આકાશ માઅને પાઆઈ એને ફળ દેનારો ચોમાહા તુમહાન દેયને, એને ખાઅના એને આનાંદા કોય તુમહાન તૃપ્ત કોઇન ચ્યા પોરમેહેરે પોતાના બારામાય સાક્ષી દેની.”

પ્રેષિતોનાં ક્રત્યો 17:28

કાહાકા આમા ચ્યામાય જીવતા રોતહા, એને ચાલતાહા-ફિરતાહા, એને ચ્યામાય મજબુત રોજહે. ઠીક તેહેકોયજ જેહેકોય તુમહે કોલાહાક કવી લોકહાયબી આખ્યાહા, “આમા તે ચ્યાજ કુળા બી હેજે.”

રોમનોને પત્ર 11:35

“કાય કાદાય પેલ્લા પોરમેહેરાલ કાય દેનલા હેય, યાહાટી તો ચ્યા બોદલે કાય મિળના વિચાર કોઅય હોકે?”

1 તિમોથી 6:17

યા દુનિયા મિલકાતવાળા હેય ચ્યાહાન આદેશ દે કા ચ્યા ફુલાય નાંય જાય, એને પારવાય જાનારા પોયહાવોય આશા નાંય કોએ, બાકી પોરમેહેરાવોય આશા કોએ, જો આપહે આનંદાહાટી બોદ્યો વસ્તુ દેનલ્યો હેય.