2 થેસ્સલોનિકીઓને 3:15 - ગામીત નોવો કરાર

¹⁵ તેરુંબી ચ્યાઆરે એહેકેન વ્યવહાર મા કોઅહા કા તો તુમહે દુશ્માન હેય, બાકી પોતે વિસ્વાસી બાહા માનીન હુમજાડા.

2 થેસ્સલોનિકીઓને 3:15 ပူးပေါင်းရင်းမြစ်များ

માથ્થી 18:15

જોવે તુમહેઆરે કાદો હાંગાત્યો વિસ્વાસી તો વિરુદ પાપ કોઅહે, તોવે જાયન યોખલામાંય ચ્યા બુલ હોમજાડી દે, જોવે તો તુમહે આખલ્યા પાળે, તો તુયે ચ્યાલ જીતી લેદહો.

1 કરિંથીઓને 4:14

આંય તુમહાન શરમિંદા કોઅરાહાટી યો વાતો નાંય લોખું, બાકી મા હેતુ તુમહાન ચેતાવણી દેઅના હેય, કાહાકા તુમા મા પોહહા હારકે હેય જ્યાહાલ આંય હાચ્ચાંજ પ્રેમ કોઅતાહાંવ.

1 કરિંથીઓને 5:5

ચ્યા માઅહા શરીર સૈતાના તાબામાંય કોઅય દેજે, જેથી ચ્યા શરીરા નાશ ઓએ બાકી પ્રભુ પાછા યેઅના દિહે ચ્યા આત્મા તારણ પામે.

2 કરિંથીઓને 10:8

જો આંય ચ્યા ઓદિકારા બારામાય કાય વોદારે વાહવા કોઅતાહાંવ, જીં પ્રભુય માન તુમહે બોરહાલ મજબુત કોઅરાહાટી દેનહા નાંય કા તુમહે બોરહાલ નાશ કોઅરાહાટી, તે માન યે વાતે કાય લાજ નાંય હેય.

2 કરિંથીઓને 13:10

યાહાટી આંય તુમહેપાય યેઅના પેલ્લા યો વાતો લોખતાહાવ, એટલે માન પોતાના ઓદિકારાલ ઉપયોગ કોઅના કાય જરુર નાંય પોડે, જીં પ્રભુય માન દેનહા. કાહાકા આંય મા પોતાના ઓદિકારા ઉપયોગ તુમહે બોરહાલ મજબુત કોઅરાહાટી કોઅરા માગતાહાવ નાંય કા નાશ કોઅરાહાટી.

ગલાતીઓને પત્ર 6:1

ઓ વિસ્વાસી બાહાહાય, જો કાદાં પાપ કોઅતા દેખાયેહે, તે તુમા જ્યેં પવિત્ર આત્માનુસાર જીવન જીવતેહે, નમ્રતાકોય ચ્યાલ હુદરાવા, એને તુમાબી હાચવીન રા, કા કાય તુમાબી પાપ કોઅરા નાંય લાગી જાય.

1 થેસ્સલોનિકીઓને 5:14

ઓ વિસ્વાસી બાહાહાય, આમા તુમહાન વિનાંતી કોઅજેહે, કા જ્યેં આળહયે હેય ચ્યાહાન ચેતાવણી દા, જ્યેં બીખર્યે હેય ચ્યાહાન ઈંમાત દા, જ્યેં નોબળે હેય ચ્યાહાન મોદાત કોઆ, એને બોદહાઆરે ધીરજથી રા.

2 થેસ્સલોનિકીઓને 3:13

ઓ વિસ્વાસી બાહાહાય, તુમા ભોલાં કામ કોઅરાહાટી થાકી નાંય જાતા.

2 થેસ્સલોનિકીઓને 3:6

ઓ વિસ્વાસી બાહાહાય, ચ્યા ઓદિકારાકોય આમા આગના દેતહા જો પ્રભુ ઈસુ ખ્રિસ્તાય આમહાન દેનલો હેય, ઓહડા કાદાબી વિસ્વાસી બાહા કા બોઅહી આરે આલાગ રા, જો કામ કોઅરા આળહાય કોઅહે એને જો ચ્યો વાતો નાંય માને જ્યો આમહાય હિકાડલ્યો હેય.

તિતસનં પત્ર 3:10

બાકી કાદો વિસ્વાસી લોકહા મંડળીમાય ફુટ પાડે, ચ્યાલ યોકદા કા બેનદા હોમજાડ, તેરુંબી નાંય માને તે ચ્યાઆરે કાય વેવહાર નાંય કોઅના.