2 કરિંથીઓને 12:13 - ગામીત નોવો કરાર

¹³ ભલે તુમા કોઅયેહે વાતમાય બિજ્યે મંડળ્યેહે કોઅતે વોસે રાહા, સિવાય યામાય કા આંય તુમાહાવોય આર્થિક વોજો નાંય બોન્યો, જો તુમા ઓહડા વિચારતેહે માયે ઓહડા કોઇન તુમહેહાતે અન્યાય કોઅયોહો, તે તુમહે ઓહડા વિચારના ગલત હેય. તુમા માન માફ કોઅય દા.

2 કરિંથીઓને 12:13 ပူးပေါင်းရင်းမြစ်များ

પ્રેષિતોનાં ક્રત્યો 18:3

પાઉલ ચ્યાહાન મિળાં ગીયો કાહાકા ચ્યે ચ્યા હારકાજ માંડવા બોનાડનારે આતેં, ચ્યાહાટી તો ચ્યાહાઆરે રોયન કામ કોઅરા લાગ્યો.

1 કરિંથીઓને 9:12

કાહાકા તુમહાય બિજા પ્રેષિતાહાન પોયહા મોદાત કોઅયી જ્યાહાય તુમહે વોચમાય સંદેશ પ્રચાર કોઅયો, તે નોક્કીજ બારનાબાસ એને આંયબી ચ્યા લાયકે હેય, કાહાકા આમા બી તુમહેહાટી પ્રેષિત હેય, બાકી આમહાય યે વાતે બારામાય કાદાવોય નાંય માગ્યાં કા જીં તુમા આમહાન દેય હોકતે, બાકી આમહાય સહન કોઅય લેદા જેથી આમા ખ્રિસ્તાવોય બોરહો કોઅરાહાટી હારી ખોબારે કાદાલ રુકાવાટ નાંય કોઅજે.

1 કરિંથીઓને 9:6

માન એને બારનાબાસાલ બી બિજા પ્રેષિતાહા હારકા પોયહા મોદાત લાંહાટી ઓદિકાર હેય, એને પોતે કામ ધંદો કોઅના ગોરાજ નાંય હેય.

2 કરિંથીઓને 12:14

આમી, આંય તીજી વોખાત તુમહેપાય યાહાટી તિયાર હેય, એને આંય પાછી તુમહાવોય વોજો નાંય બોનહી, કાહાકા આંય તુમહે મિલકાત નાંય, બાકી તુમહાન આંય વિચારતાહાવ, કાહાકા પાહાહાય આયહે આબહા હાટી મિલકાત મેળવા નાંય જોજે, બાકી આયહે આબહાય પાહાહા હાટી મિલકાત મેળવા જોજે.