2 કરિંથીઓને 1:17 - ગામીત નોવો કરાર

¹⁷ તુમા પુછતા ઓરી કા માયે પોતાની યોજના કાહા બોદલી. કાય તુમહાન લાગહે કા માયે મા યોજનાયેલ નોકામ્યી બોનાડીહી? કાય તુમહાન લાગહે કા દુનિયા ચ્યા લોકહા હારકો હેય જ્યા “હાં” આખતાહા, જોવે ચ્યા આસલીમાય મતલબ ઓઅહે “નાંય”?

2 કરિંથીઓને 1:17 ပူးပေါင်းရင်းမြစ်များ

માથ્થી 1:19

યોસેફ જો મરિયમે આરે માગણી ઓઅલી આતી, તો યોક ન્યાયી માઅહું આતો એને ચ્યેલ બોદહા હોમ્મે અપમાન કોઅરા નાંય માગતો આતો, યાહાટી ઠાવકાજ ચ્યાય ચ્યે આરે ઓઅલી માગણી તોડી દેઅના વિચાર કોઅયા (કાહાકા ચ્યે વોરાડા પેલ્લા મોયના રીયલા આતા જીં નિયમા વિરુદ આતા).

માથ્થી 5:37

બાકી તુમહે વાત હાં તે હાં નાંય તે નાંય રા જોજે; કાહાકા જીં કાય ચ્યાથી વોદારે ઓઅરી તીં જુઠા કામહાથી એટલે સૈતાનથી ઓઅહે.

યોહાન 8:15

તુમા માઅહા વિચારાકોય ન્યાય કોઅતાહા, આંય કાદા ન્યાય નાંય કોઉ.

2 કરિંથીઓને 1:12

કાહાકા આમા યોક વાતે વખાણ કોઅજેહે, કા આમહે અંતકરણ આમહાન બોરહો દેહે, કા આમહાય માઅહા આરે એને વિશેષ કોઇન તુમહે લોકહાઆરે આમહે વેવહાર પોરમેહેરાથી પવિત્ર એને હાચ્ચાયે નુસાર આતો, જો લોકહા જ્ઞાનાનુસાર નાંય બાકી પોરમેહેરા સદા મોયા હાતે આતો.

2 કરિંથીઓને 11:18

જોવેકા બોજ લોક યા દુનિયા લોકહા હારકા અભિમાન કોઅતાહા, તે આંયબી અભિમાન કોઅહી.

ગલાતીઓને પત્ર 1:16

જોવે પોરમેહેરે પોતાના પોહો, ઈસુ ખ્રિસ્તાલ મા હામ્મે પ્રગટ કોઅયો, કા આંય ગેર યહૂદી લોકહાન ખ્રિસ્તા હારી ખોબાર આખું, માયે યા બારામાય કાદાવોઅને સલાહા નાંય લેદી.

ગલાતીઓને પત્ર 2:2

આંય યેરૂસાલેમ શેહેરામાય ગીયો કાહાકા પોરમેહેરે માન તાં જાંઆહાટી આખ્યેલ, જોવે આંય તાં ગીયો તોવે આગેવાનાહાઆરે મિળ્યો, એને ચ્યાહાન ચ્યે હારી ખોબારે બારામાય આખ્યાં જીં આંય ગેર યહૂદી લોકહાવોચમાય પ્રચાર કોઅતો આતો, બાકી એકાંતમાય જ્યા મંડળી આગેવાન આતા ચ્યાહાનુજ આખ્યાં, જેથી એહેકેન નાંય ઓએ, જીં માયે પેલ્લો પ્રચાર કોઅયો એને જીં કોઅય રિઅલો આતો, તી નોકામ્યા નાંય ઓએ.

1 થેસ્સલોનિકીઓને 2:18

યાહાટી આમહાય વિશેષ કોયન આંય પાઉલ તુમહે ઈહીં યાહાટી કોલાદા કોશિશ કોઅયી, બાકી સૈતાન આમહાન તુમહેપાય ફિરી યાહાટી રુકાવાટ કોઅતો રિયો.

યાકૂબનો 5:12

બાકી ઓ મા બાહાબોઅયેહેય, બોદહાથી ઉત્તમ વાત ઈ હેય, કા કસમ નાંય ખાઅના, નાંય હોરગા કા દોરત્યે નાંય કાદ્યે બિજ્યે વસ્તુહુ, બાકી તુમહે વાત કોઅના હાં તે હાં, એને નાંય તે નાંય ઓએ, યાહાટી કા તુમા પોરમેહેરાથી ગુનેગાર નાંય ઠોરાવલા જાય.