1 થેસ્સલોનિકીઓને 5:3 - ગામીત નોવો કરાર

³ જોવે માઅહે આખતેહે કા આમી બોદા હારાં હેય, આમી દાક નાંય, તોવે અચાનક, ચ્યે મોઠા દુઃખા અનુભવ કોઅરી, ઈ ઓલા જલદ્યાજ ઓઅરી કા જેહેકેન અચાનક મોયનાવાળી થેએયે બુકામાય દુખતા મુંડહે, એને ચ્યા લોક ચ્યા મોઠા દુઃખામાઅને બોચી નાંય હોકી.

1 થેસ્સલોનિકીઓને 5:3 ပူးပေါင်းရင်းမြစ်များ

માથ્થી 23:33

ઓ હાપડા હારખા જેરીવાળા લોક એને ચ્યાહા પોહાહાય તુમા નરકા કોળી ડોંડા કોય નાંય બોચહા.

યોહાન 16:21

જોવે થેએ પોહાલ જન્મો દેઅના સમય યેહે, તોવે તી બોજ પીડામાય રોહે, કાહાકા ચ્યે દુઃખા સમય યી ગીઅલો હેય, બાકી જોવે તી પોહાલ જન્મો દેય પાડે તો દુનિયામાય યોક માઅહું પૈદા જાયા યા ખુશીકોય તી ચ્યે પીડા વિહીરાય જાહે.

પ્રેષિતોનાં ક્રત્યો 13:41

ઓ નિંદા કોઅનારાહાય, એઆ, એને નોવાય પામા, એને મોઅઇ જાં, કાહાકા આંય તુમહે દિહીહામાય યોક કામ કોઅહી, ઓહડા કામ, કા જોવે કાદો તુમહાન આખે, તો તુમા કોદહી બોરહો નાંય કોઅહા.”

2 થેસ્સલોનિકીઓને 1:9

ચ્યે સાદામાટે પ્રભુવા પાઅને આલાગ ઓઅય જાય, ચ્યા મહિમા એને મહાન શક્તિ ભાગીદાર નાંય બોની, એને તો ચ્યાહાન અનંત વિનાશા સજા દેઅરી.

હિબ્રૂઓને પત્ર 12:23

તુમા પોરમેહેરા પેલ્લા પાહા મંડળ્યેમાય યેનહા, જ્યાહા નાંવ હોરગામાય લોખલે હેય, ચ્યે હોરગામાય ન્યાયી લોકહા આત્મે હેય જ્યાહા આમી સિદ્ધ બોનાડયેહે, એને તુમા ચ્યા પોરમેહેરા પાહાય, યેનહે, જો બોદી વસ્તુહુ ન્યાય કોઅનારો હેય.

હિબ્રૂઓને પત્ર 2:3

તે આપા ઓહડા ઉત્તમ તારણથી બેદરકાર રોયન કેહેકેન બોચી હોકજે? જ્યા ચર્ચા પેલ્લા પ્રભુ ઈસુથી કોઅલી ગીયેલ, એને જ્યા શિષ્ય પેલ્લા ચ્યા પાયને વોનાલા આતા, ચ્યાહાય આપહે હામ્મે ઈ સિદ્ધ કોઅયા કા ઓજ હાચ્ચો હેય.

2 પિતરનો પત્ર 2:4

તુમા જાંઅતેહે કા બોજ સમયા પેલ્લા જોવે કોલહાક હોરગા દૂતહાય પોરમેહેરા આગના નાંય પાળી, તે ચ્યાય ચ્યાહાન ચ્યાહા કોઅલા ગલત કામહા લીદે નાંય છોડયા. ચ્યાય ચ્યાહાન નરકામાય ટાકી દેના, એને ચ્યાહાન આંદારે જાગે ચ્યા દિહા લોગુ રાખલા ગીયા, જાંવલોગુ તો ચ્યાહા ન્યાય કોઅરી તોવેલોગુ.