1 યોહાન 3:1 - ગામીત નોવો કરાર

¹ વિચાર તે કોઆ કા, પોરમેહેર આબહાય આપહાવોય કેહેકેન પ્રેમ કોઅલા હેય, કા આપા પોરમેહેરા પોહેં આખાજે, એને હાચ્ચાંજ આપા ચ્ચા પોહેં હેય બી, બાકી જ્યા લોક યા દુનિયાઆરે સબંધ રાખતાહા ચ્ચા ઈ નાંય જાંએતકા આપા પોરમેહેરા પોહેં હેય કાહાકા ચ્ચા પોરમેહેર આબહાલ નાંય જાંએત.

1 યોહાન 3:1 ပူးပေါင်းရင်းမြစ်များ

લુક માર્કા લીખલી હારી ખોબાર 20:36

ચ્યે પાછે મોઅનારે બી નાંય, બાકી હોરગામાય રોનારા હોરગા દૂતહા હારકે રોય. એને મોઅલા માઅને પાછા જીવતા ઓઅવાથી પોરમેહેરા પોહેં બી બોની.

યોહાન 1:12

બાકી જોલા લોકહાય ચ્યા સ્વીકાર કોઅયો, એટલે ચ્યાવોય બોરહો કોઅયો ચ્યાહાન ચ્યે પોરમેહેરા પોહેં બોના ઓદિકાર દેનો.

યોહાન 11:52

ઈસુ ઈસરાયેલ લોકહાહાટી ઓલાહાંજ નાંય, બાકી પોરમેહેરા બિજા લોક જ્યા બોદે દોરતીવોય વિખરાઈ ગીઅલે હેય, ચ્યાહાહાટી બી મોઅરી, કા ચ્યા બેનહ્યાન યોકઠે કોય હોકે.

યોહાન 15:21

બાકી ઈ બોદા ચ્યા લોક તુમા મા શિષ્ય હેય યા લેદે તુમહેઆરે કોઅરી, કાહાકા ચ્યા માન દોવાડનારા પોરમેહેરાલ નાંય વોળખે.

યોહાન 16:3

એને ઈ ચ્યા યાહાટી કોઅરી, કાહાકા ચ્યાહાય આબહાલ નાંય જાંઅયા એને માન બી નાંય જાંઅયા.

યોહાન 17:25

ઓ ધાર્મિક આબા, દુનિયા લોકહાય તુલ નાંય જાંઆયો, બાકી માયે તુલ જાંઆયો, એને મા શિષ્યહાય બી જાંઆયો કા તુયેજ માન દોવાડયોહો.

યોહાન 3:16

“પોરમેહેરે દુનિયા લોકહાવોય ઓહડા મહાન પ્રેમ કોઅયા, યા લીદે ચ્યા યોકને-યોક પોહાલ બલિદાન કોઇ દેનો, યાહાટી કા જીં કાદાં માઅહું ચ્ચાવોય બોરહો કોઅહે, ચ્યા નાશ નાંય ઓઅય, બાકી ચ્યાલ અનંતજીવન મીળે.

રોમનોને પત્ર 5:8

બાકી પોરમેહેર ચ્યા પ્રેમ એને ભલાઈ યે રીતેથી પ્રગટ કોઅહે કા જોવે આપા પાપી આતેં તોવે ખ્રિસ્ત આપેહાટી મોઅયો.

રોમનોને પત્ર 8:19

કાહાકા ચ્યા બોનાડલી બોદી દુનિયા મોઠી આશેકોય પોરમેહેરા પોહહા રુપામાય પ્રગટ ઓઅના વાટ જોવી રિઅલી હેય.

રોમનોને પત્ર 8:21

કા ચ્યા બોનાડલી બોદી દુનિયા ચ્યા દિહયા વાટ જોવી રિઅલી હેય જોવે તી નાશા છુટકારો મેળવીન પોરમેહેરા પોહહા આરે મહિમા સ્વતંત્રતામાય સામીલ ઓઅય જાય.

રોમનોને પત્ર 8:32

પોરમેહેરાય પોતા યોકનેયોક પોહાલ ચ્યાહાટી નાંય રાખ્યો, બાકી ચ્યાય આપહે બોદહાહાટી ચ્યા દુશ્માનાહાલ હોઅપી દેનો, તે તો આપહાન તી બોદા દી જીં ચ્યાય આપહાન વરદાન દાંહાટી વાયદો કોઅલો હેય.

2 કરિંથીઓને 6:18

આંય તુમહે આબહો બોનહી, એને તુમા મા પોહા એને પોહયો બોનહા, ઈ સર્વશક્તિમાન પ્રભુ પોરમેહેરા વચન હેય.”

ગલાતીઓને પત્ર 3:26

કાહાકા તુમા બોદહાય ઈસુ ખ્રિસ્તામાય બોરહો કોઅના લીદે પોરમેહેરા પોહેં બોની ગીઅલે હેય.

ગલાતીઓને પત્ર 3:29

કાહાકા તુમા ખ્રિસ્તાઆરે યોક હેય, તે આમી તુમા આબ્રાહામા કુટુંબા હેતા, એને તુમા પોરમેહેરા દેનલા વાયદાનુસાર બોરકાતે વારીસ બોની ગીયહા.

કલોસ્સીઓને પત્ર 3:3

કાહાકા તુમા પાપી સ્વભાવાહાટી મોઅઇ ગીઅલે હેય એને તુમહે જીવન ખ્રિસ્તાઆરે પોરમેહેરામાય ગુપ્ત હેય.

1 યોહાન 3:10

યાકોય પોરમેહેરા પોહેં, એને સૈતાના પોહેં વોળખાય જાતહેં, જ્યા લોક ધાર્મિક કામ કોઅતાહા એને જ્યા પોતે બાહહાન પ્રેમ કોઅતાહા ચ્ચા પોરમેહેરાથી હેય.

1 યોહાન 3:2

ઓ પ્રિયાહાય, આમી આપા પોરમેહેરા પોહેં હેય, એને આમી લોગુ ઈ માલુમ નાંય હેય, કા આપા કાય બોનહું, બાકી ઓલહાં જાંઅજેહે, કા જોવે ઈસુ ખ્રિસ્ત પાછો યેઅરી તોવે આપાબી ચ્ચા હારકા રોહુ, કાહાકા આપા ચ્ચાલ આસલીમાય તો જેહેકોય હેય તેહેકેન એઅહુ.

1 યોહાન 4:17

યા પરમાણે પ્રેમ આપહામાય સિદ્ધ ઓઅયા કા આમહાન ન્યાયા દિહી ઈંમાત રોય કા તો આપહાન ડોંડ નાંય દેઅરી, કાહાકા જેહેકોય તો હેય, તેહેકોનુજ દુનિયામાય આપાબી હેય.

પ્રકટીકરણ 21:7

જ્યા લોક વિજય મેળવી, ચ્યે મા પાઅને ઈ બોદી બોરકાત મેળવી, એને આંય ચ્યા પોરમેહેર રોહીં, એને તો મા પોહો રોય.