1 કરિંથીઓને 6:3 - ગામીત નોવો કરાર

³ તુમા નોક્કી જાંઅતેહે કા આપા હોરગ્યા દૂતહા ન્યાય કોઅહુ, તે તુમા દુનિયામાય જીવના વાતહેબારામાય ન્યાય કોઅય હોકતેહેં.

1 કરિંથીઓને 6:3 ပူးပေါင်းရင်းမြစ်များ

માથ્થી 25:41

“તોવે તો ડાબી બાજુ વાળાહાલ આખરી, ઓ હારાપી લોક, મા હામ્મેથી ચ્યે નરકા કોળ્યેમાય જાતે રા, જો સૈતાન એને ચ્યા દૂતહાહાટી પોરમેહેરાય તિયાર કોઅયીહી.

લુક માર્કા લીખલી હારી ખોબાર 21:34

યાહાટી હાચવીન રા, એહેકોય નાંય બોને કા તુમહે મોન હોદથી વદારે ખાઅના પિઅના એને સાકટ્યા, એને યા જીવના ચિંતાકોય દાબાય જાહા, એને તો ન્યાયા દિહી તુમહાવોય ફાંદા હારકો અચાનક યેય પોડી.

લુક માર્કા લીખલી હારી ખોબાર 8:14

જો કાટાહા જેખરાહામાય પોડયો, ચ્યે યે હેય, જ્યેં વચન વોનાતેહે, બાકી આગાડ્યા જીવનામાય ચિંતા, પોયહા લોબ, એને મોજ્યા કોઅનામાય ફસાય જાતહેં, એને નોકામ્યા જીવન જીવતેહે.

રોમનોને પત્ર 6:16

તુમા જાંઅતેહે કા જોવે તુમા કાદા ગુલામ બોની જાતહેં તોવે તી માઅહું તુમહે દોણી બોની જાહે, ઓઅય હોકે તુમા પાપા ગુલામ ઓઅય હોકતેહેં જીં મોરણા એછે લેય જાહે, યા તુમા પોરમેહેરા આગના પાળી હોકતેહેં જીં ન્યાયી જીવના એછે લેય જાહે.

1 કરિંથીઓને 6:15

તુમા નોક્કીજ જાંઅતેહે, કા તુમહે શરીર ખ્રિસ્તા અવયવ હેય, તે તુમા ખ્રિસ્તા અવયવ લેઈને ચ્યાહાન વેશ્યાયે અવયવા આરે બિલકુલ નાંય જોડના.

1 કરિંથીઓને 6:16

તુમા નોક્કીજ જાંઅતેહે, કા જો કાદો વેશ્યાઆરે શારીરિક સબંધ બોનાડેહે, તે તો ચ્યે આરે યોક શરીરા ઓઅય જાહે, જેહેકેન પવિત્રશાસ્ત્રમાય લોખલાં હેય, “ચ્યે બેની યોક શરીર બોની.”

1 કરિંથીઓને 6:19

તુમા નોક્કીજ જાંઅતેહે કા તુમહે શરીર દેવાળા હેય જ્યામાય પવિત્ર આત્મા રોહે, એને પવિત્ર આત્મા જીં તુમહાન પોરમેહેરા પાયને મિળલા હેય, તી તુમહામાય વોહતી કોઅહે, એને તુમા પોરમેહેરા હેય.

1 કરિંથીઓને 6:4

બાકી તુમહેમાય જીવના વાતહેબારામાય જોગડો ઓઅહે, તે તુમહાય ઓહડા લોકહાન ન્યાય નાંય કોઆડના જ્યા મંડળીમાય કાયજ કામા નાંય હેય.

2 તિમોથી 2:4

યોક લોડાઈ કોઅનારો સૈનિક જો સૈનીકામાય ભરતી હેય, યોકાજ સમાયામાય બિજા કામ નાંય કોએ, કાહાકા તો ચ્યા ઓદિકાર્યાલ ખુશ કોઅરા માગહે.

2 તિમોથી 4:10

કાહાકા દેમાસ દુનિયા વસ્તુહુવોય પ્રેમ કોઅરા લાગલો હેય, એને માન છોડીન થેસ્સાલોનિકા શેહેરામાય જાતો રિઅલો હેય, ક્રેસકેસ વિસ્વાસી બાહા ગલાતીયા વિસ્તારમાય ગીઅલો હેય, એને તીતુસ દાલમતીયા વિસ્તારમાય ગીઅલો હેય.

2 પિતરનો પત્ર 2:4

તુમા જાંઅતેહે કા બોજ સમયા પેલ્લા જોવે કોલહાક હોરગા દૂતહાય પોરમેહેરા આગના નાંય પાળી, તે ચ્યાય ચ્યાહાન ચ્યાહા કોઅલા ગલત કામહા લીદે નાંય છોડયા. ચ્યાય ચ્યાહાન નરકામાય ટાકી દેના, એને ચ્યાહાન આંદારે જાગે ચ્યા દિહા લોગુ રાખલા ગીયા, જાંવલોગુ તો ચ્યાહા ન્યાય કોઅરી તોવેલોગુ.

યહૂદાનો પત્ર 1:6

તુમહાય ચ્યા હોરગા દૂતહા બારામાય બી વિચારા જોજે, જ્યેં ચ્યા ઓદિકારથી સંતુષ્ટ નાંય આતા, જીં પોરમેહેરાય ચ્યાહાન દેનલા આતાં, બાકી હોરગામાય પોતાના ગોઆલ નાકારી દેના, બાકી પોરમેહેરાય ચ્યાહાન નિચે અંધકારમાય કાયામહાટી હાકળાથી બાંદી દેના, જાં તો ચ્યાહાન ચ્યા ન્યાયા દિહા હાટી રાખી થોવ્યાહા.