1 કરિંથીઓને 3:8 - ગામીત નોવો કરાર

⁸ માયે તુમહાન પોરમેહેરાવોય બોરહો કોઅરાહાટી પોરમેહેરા હારી ખોબાર આખી એને અપુલ્લોસાય તુમહાન બોરહામાય મજબુત કોઅરાહાટી મોદાત કોઅયી, યાહાટી બેનહયા હેતુ યોકુજ હેય. બાકી દરેક માઅહું પોતે કામહાનુસાર પોરમેહેરાપાઅને મોજરી પામી.

1 કરિંથીઓને 3:8 ပူးပေါင်းရင်းမြစ်များ

માથ્થી 16:27

આંય, માઅહા પોહો, મા હોરગા દૂતહા આરે મા આબહા મહિમામાય યીહીં, એને ચ્યે સમયે આંય બોદહાલુજ ચ્યાહા કામહા ઇસાબે ઇનામ દિહી.

લુક માર્કા લીખલી હારી ખોબાર 19:19

તોવે ચ્યે ચ્યાલબી આખ્યાં કા, તુંબી પાચ શેહેરાહાવોય ઓદિકાર ચાલાડ.

રોમનોને પત્ર 2:6

પોરમેહેર બોદહાન ચ્યાહા કામહા ઇસાબે પ્રતિફળ દેઅરી.

1 કરિંથીઓને 15:58

યાહાટી ઓ મા પ્રિય વિસ્વાસી બાહાહાય, તુમહે બોરહો કોઅનામાય મજબુત રા એને જુઠા શિક્ષણાકોય ભરમાય મા જાહા, એને પ્રભુહાટી જીં કામ તુમા કોઅતેહે ચ્યામાય સાદા બોજ હારાં પામાંહાટી કોશિશ કોઆ, કાહાકા તુમહાન ખાત્રી હેય, કા જીં કામ તુમા પ્રભુહાટી કોઅતેહે તી નોકામ્યા નાંય હેય.

1 કરિંથીઓને 3:14

જો કાદા સેવકાયે પાયાવોય જી કામ કોઅલા હેય, તી નાંય બોળે, તો ચ્યા ઇનામ મેળવી.

1 કરિંથીઓને 3:7

યાહાટી જો બિયારો પોઅહે, એને જો પાઆય દેહે તો મોહત્વા નાંય હેય, બાકી પોરમેહેર મોહત્વા હેય કાહાકા તો જાડવાહાન વોદાડેહે.

1 કરિંથીઓને 3:9

કાહાકા આમા પોરમેહેરા મોદાત્યા હેજે, તુમા પોરમેહેરા ખેતી હારકા હેય એને યોક ગોઆ હારકા હેય જી પોરમેહેર બોનાડી રિઅલો હેય.

1 કરિંથીઓને 4:15

કાહાકા ઓઅય હોકે તુમહે દોહો ઓજાર હિકાડનારા ઓઅરી બાકી આંયજ તુમહે આબહા હારકો હેય, કાહાકા આંય પેલ્લો માઅહું હેય જો તુમહેપાય ખ્રિસ્તા હારી ખોબાર લેય યેનો એને ચ્યા લીદે તુમા ઈસુવોય બોરહો કોઅતેહે.

1 કરિંથીઓને 9:7

કાદોબી સૈનિક જો સેનામાય કામ કોઅહે ચ્યા પોતાના ખોરચો કોયન કામ નાંય કોએ, કાદોબી જો દારાખા વાડી લાવહે તે તો વાડયેમાઅને દારાખેં ખાઅના આશા કોઅહે, એને યોક મેંડવાળ્યો ગેટહા દુદ પિઅના આશા કોઅહે.

ગલાતીઓને પત્ર 6:4

દરેક માઅહું પોતાના કામહા બારામાય તાપાસ કોએ કાય ચ્યે હારેં હેય, જો ચ્યાય હારાં કામ કોઅલા હેય, તે તો ચ્યા કામહાવોય ઘમંડ કોએ, બાકી ચ્યાલ ચ્યા કામા સરખામણી બિજા લોકહાઆરે નાંય કોઅરા જોજે.

ગલાતીઓને પત્ર 6:5

કાહાકા દરેક માઅહું પોતાના કામહા જિમ્મેદાર પોતેજ રોઅરી.

હિબ્રૂઓને પત્ર 6:10

જેહેકેન તુમહાય હારેં કામે કોઅયેહે, એને આમીબી તુમા પોરમેહેરા નાવામાય પોરમેહેરા લોકહાહાટી પ્રેમથી સેવાયે કામ કોઅતેહે, યાહાટી પોરમેહેર તુમહાન નાંય વિહરાયી, કાહાકા તો ન્યાયી હેય.

1 પિતરનો પત્ર 5:4

કાહાકા જોવે ઈસુ ખ્રિસ્ત, જો કા આમહે મુખ્ય ગોવાળ હેય, પાછો ફિરી યેઅરી, તોવે તુમહાન યોક કોદહીજ કરમાય નાંય જાય ઓહડો મહિમાયે મુગુટ દેઅરી.

2 યોહાન 1:8

યાહાટી તુમહાય હાચવીન રા જોજે કા કાય યા લોક તુમાહાલ ધોકો નાંય દેય, યાહાટી તુમા ટાકી નાંય દેય જ્યાલ મેળવાહાટી આમાહાય ઓલી મેહનાત કોઅયીહી. બાકી તુમા તી બોદો બોદલો મેળવાહા જ્યા વાયદો પોરમેહેરાય તુમહેઆરે કોઅયોહો.

પ્રકટીકરણ 2:23

એને આંય ચ્યા લોકહાન માઆઇ ટાકી દિહી, જ્યેં ચ્યે શિક્ષણા અનુસરણ કોઅતેહે, એને બોદી મંડળ્યેહેન ખોબાર પોડી જાય કા આંયજ હેતાંવ જો બોદા માઅહા વિચાર એને ઉદેશ્ય પારખ કોઅતાહાંવ, આંય તુમહામાઅને દરેકા તુમહેકોય કોઅલા ગીઅલા કામહાનુસાર ડૉડ દિહી.

પ્રકટીકરણ 22:12

તોવે પ્રભુ ઈસુવે આખ્યાં, “એએ, આંય માહારુજ યેનારો હેય, એને લોકહાય જીં કાય કોઅયાહાં ચ્યાનુસાર પ્રતિફળ દાંહાટી એને ડૉડ દાંહાટી યેય રિઅલો હેતાંવ.”