Zuda 1:3 - Bible en Guidar

³ Bayneŋgiɗwa, nəgayək də wən na əver sukum ɗerewel aka wən na əkõh məs məsap akani, nulaka ətər wəray nawver sukum, vi kasɓokum addəv əgay ammba ətaf mərban sit ɗiy salala təl taka kaka'ə.

Nouveau Testament en Guidar

³ Bayneŋgiɗwa, nəgayək də wənna əver sukum ɗerewel aka wənna əkoh məs məsap akani, amma nulaka nəsokuk zu əver sukum kakaŋka, vi kasɓokum adəv əgay məs mədawgay vi ətaf məs Maŋgəlva apsəm təl taka məkki viyit ɗii nan pakə.

Bible en Guidar

³ Bayneŋgiɗwa, nəgayək də wən na əver sukum ɗerewel aka wən na əkõh məs məsap akani, nulaka ətər wəray nawver sukum, vi kasɓokum addəv əgay ammba ətaf mərban sit ɗiy salala təl taka kaka'ə.

Zuda 1:3 ပူးပေါင်းရင်းမြစ်များ

Nehemi 13:25

Nəhẽyẽtike, nəɗɗak mefɗeke aketi; hã nərgək ɗiy meɓɓeti, may nəmzohuk muhur kiyti. Nəswaygitik də iya na Maŋgəlva na, kədapsitin kirtukum muguluŋgit sit kirtit ɓa, may əgim kirtit sit kirtukum mezeŋgleket may ka nokum ɓa.

Isaya 45:17

Yawe wakõhgit ɗiy na Israyel əkõh an faɗə. Wil adenin na ɓa, warbaŋ wil ɓa faɗ hã ndolu.

Isaya 45:22

Ɗiy naket meŋge na dəlva, məkkpaŋ azawa, wakəkõhoŋgu, vi intə Maŋgəlva, tay maɓɓan əmpa ɓa.

Yeremiya 9:3

Naway pak dəsla zən səza baynani! Kəɗiyən əɗɗum nokum aka məlmukum ɓa, vi məlma pak wambəɗokum; baynokum zlaŋ wazəm kikum.

Wəza net Masləŋɗe 17:3

Tay əkol sit maɗɗulet də ərban sit na, aslək Kristu dəzəmgən sahã, gəm dəsilgən sə səret ɗiy mimtiti. Yesu məs naw nədarban sukuməŋka, ndəni Kristu.

Wəza net Masləŋɗe 18:28

Vi arbanək əzlzlaɓ net mə Yudeɗi appaka ta', də ərban də an Məverin na Yesu ndəni Kristu.

Wəza net Masləŋɗe 20:27

Vi tay məs nəɗaman ɓa, nərban sukumək əŋgla na Maŋgəlva pakə.

Wəza net Masləŋɗe 28:28

Məsən kan na, əkõh na Maŋgəlva əŋ na, məslənni sit ɗiy-ɗarə, net na waprəməni! [

Wəza net Masləŋɗe 4:12

Əkõh tay aza ɗəf maɓɓan ɓa, vi iya maɓɓan tay məpsa ammba disiŋ a walaŋgit ɗiy məs mədawkõh dəndən ɓa.

Wəza net Masləŋɗe 6:7

Əpel na Maŋgəlva tay əɓaya. Əŋɗa net məzutafaŋ tay ənzləra diyɗa diyɗa a Yerusalem, məsdəlveŋge diyɗa appanənək zit sən ətafa.

Wəza net Masləŋɗe 9:13

Ananiyas azlanəka: Daya, nəprəmək əpel diyɗa səmet ɗiy aka wən na ɗəfəska, mbərayən agəɗ sit ɗiy salala nok gbaŋ a Yerusalem əŋka.

Wəza net Masləŋɗe 9:22

Ya Sawlu asokuk zən əmbat abe abe, agəɗ sitik gərəŋ sit mə Yudeɗ məs dəssoŋ də gəla a Damas də ərban sit na, Yesu ndəni Kristu.

1Korintus 15:3

Vi an in sən kiyu nərah nəgorgən sukumuk daabəŋ na: Kristu amtək vi mambray namə va Əverɗe anahaŋgə.

Galatiyen 2:5

Məppan zəm əɓe' sit pay siɗikke ɓa, vi gesiŋ na Alabara Nenek dəsan sukumgəni.

Galatiyen 3:28

Tay əmpa na, aŋ mə Yudayi aŋ mə Gəreki ɓa, aŋ balami aŋ ɗəf na kini ɓa, aŋ ɗəf mizilni aŋkəŋ gulku ɓa, vi mənokum pak taka kənanaŋ addəv Yesu Kristu.

Galatiyen 6:11

Mula gugriɗ net əverɗe məs nəver sukum də vawa.

Efesus 1:1

Pol maslən na Yesu Kristu dəka əŋgla na Maŋgəlva, sit ɗiy en salala gəm dəppanən kiyit sən Yesu Kristu na Efesus.

Əmsak aka Mahenziŋ 21:9

Vasna, wən net mbel na ɗəf də mezlibezlibe na man dəziyaŋgəŋka, wakəzargən səkok də wəɗɗa zəga an dəslə a mahara Yawe.

Əmsak aka Mahenziŋ 9:10

Yawe apsuwik kalaɓɗe sula na gərma, əpel an Yawe apel sukum pak səka gərəm səddəv offo pay əkkal agəɗə, məverni aket də pərəm va Maŋgəlva.

Filipi 1:1

Pol də Timote belemɗe na Yesu Kristu, azet məweleɗe na Maŋgəlva addəv Yesu Kristu en na Filipi dit məzuteɗeŋɗe gəm məzəbbahaŋgə.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Kolosi 1:2

Sit ɗiy salala na Kolosi, milmiŋgiɗəm en dəssoŋ təstəs addəv Kristu. Mbəlembəle də zazay na Maŋgəlva Afəm dəsan də mənokum.

1Tesaloniki 2:2

Kəsənənka, tak əgap nam anokumda na, məzəmgəmi sahã gəm mərami a Filipi. Ya Maŋgəlva asɓaməka vi məpel sukumgən Alabara Nenek nani, də wən ɗarɗar asil zlaŋ.

1Timote 1:18

Timote wətuwa, aŋki wən məɗiyən məs nəppan avoko, məs dəslə də əpel na kəleŋ məs məpel akok lahəŋka. Vi kəmpagən tuluk akani, kəlpəgən əlpa moggoni,

1Timote 6:12

Agay əgay moggon vi ətafa, arma zeŋgile nassa faɗ məs məyuk akani məs kərban də əpel moggon karet ɗiy pakə.

2Timote 1:13

Zəga narban suk tive, ndəni əpel salala məs kəprəm səmaw addəv ətafa gəm əŋgla addəv Kristu Yesu.

Titus 1:4

Sən Titus, wətu an gesiŋ addəv ətaf məs dəsapamə. Mbəlembəle də zazay na Maŋgəlva Afəni gəm na Kristu Yesu məzukõhgəmə dəssoŋ akoko.

Ibriɗe 13:22

Milmiŋgiɗwa, in tat əkkamokum kəɓəsnəngən wən nawəŋka! Əpel siɗikke yi nəslən sukum lahə.

Ibriɗe 6:9

Ya nokum na bayneŋgiɗu na makrawa, məsənək gesiŋ də mədawpel vas pak na, aka tive moggon kənanaŋgə, an nawkõhõ.

1Piyer 5:12

Nəver sukumək wən siɗikkes də əbbah na Silas, məs nədawɗi ka məlmu məziw aka təstəsə, vi dəsɓokumgəni, dərban sukumgən na addəv mbəlembəle na Maŋgəlva kpak kəziweŋgi.

2Piyer 1:1

Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

2Piyer 2:21

Ɗəɗah sit va dəsənən tive an təstəs ɓa, ki asənəni, amzlahaŋ səka mahenziŋ an salala məpsiti.

Zuda 1:1

Yuda maslən na Yesu Kristu məlmən Yakob, sit ɗiy en Maŋgəlva Afən aŋgələ, məs Yesu Kristu adawtaɗa.

Zuda 1:17

Nokum na, bayneŋgiɗwa, məɗɗumon əpel məs maslənɗe na Daya nam Yesu Kristu apeleŋ sukumən lahəŋka.

Zuda 1:20

Ya nokum, bayneŋgiɗwa, məziwgin zengilokum aka ətaf nokum salala, də əkkam də Zeŋgile Salala.

Hənhən 12:11

Ya milmiŋgiɗəm veti, askanənək wəlan dit mbel nat Ndagayãkə gəm də əpel məs apeleŋ akani. Dəŋgluwən ənziya egge net hã gala ndəɗaŋ nawgeslne' sən əmta ɓa.

Hənhən 2:10

Kədawgeslne' vi wakəzəmsãhã ɓa. Yaŋ na, Satan wazgə ɗiy nokum a fərsəna, vi kawla an nazokum, kawsərni mokum əvoŋ kəlawə. Aziw ɓəlɓəl hã is zamə, asna wanəpsuk mətərkiya na zeŋgile.