Zakarya 9:9 - Bible en Guidar

⁹ Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Zakarya 9:9 ပူးပေါင်းရင်းမြစ်များ

1Milyeŋge 1:38

Məsdələv Sadok, məskəleŋ Natan, Benaya wətən Yoyada, gəm mə Keretɗe dit mə Peletɗe, ndəɗaŋ pirik dəndəni: Apeŋginənək Salomoŋ aka koropələs mugolun na məlĩ Davit, mah əkanən a Gihon.

Gəlyaɗe 149:2

Ɗiy na Israyel dənnek də məs dəzəməɗe, ɗiy na Siyon dənneken də məlĩ neti.

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 45:1

Səza daya net məyaŋgəlya. Gəlya net kirtin Kore miyan də gəzləŋtəndəŋ. Əpel-məmyã'ən; gəlya naŋgla.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 30:6

Wəpel aket zəgeɗ memeyẽɗ na Negev. Aka dələv na tatwãha gəm nawzəm sahã, na ɓoolu mugolun də məzilin, na barway də bomtoro məzuveŋge. Tahəŋ əka aryeɗ gəm əzaɓ net aket korɗe gəm aket zlogomeɗ sit ɗiy məs tahəŋ də ətərwəray ɓa.

Isaya 33:22

Vi Yawe yi mətawwən namə, Yawe yi akamə. Yawe yi məlĩ namə, ndəni məzəkõhgəmə.

Isaya 40:9

Nok apeŋ aka mossorgo metiŋ məɓayən is Siyon, mərbə alabara neneke. Aslan wəlok dayadaya, is Yerusalem, mərbə alabara neneke, aslan wəloko, geslne aduk ɓa. Anah sit walaŋgəleɗe gugriɗ na Yuda na: Maŋgəlva nokum yaŋka.

Isaya 43:11

Naw intə Yawe, məzukõhgən ɗəf tay abbəru ɓa.

Isaya 43:3

Vi intə Yawe, Maŋgəlva noko, Maŋgəlva Salala na Israyel, məzukõhguko. Nəppanək Eziptə nawmok dəndəni, Etiyopi gəm Seba a guloko.

Isaya 45:21

Məpele, mərban əɗɗum nokum məsapə, məpeleni! Naway dəpel dafsən aka an dədaɗɗa kəkaŋ van arban aka dəpas di? In Yawe tə ɓa sa? Dabərkiwa, Maŋgəlva tay maɓɓan əmpa ɓa. Maŋgəlva təstəsə, məkõhgən ɗəf tay mbərən abbəruk ɓa.

Isaya 52:7

Miyə lalaw aket mossorgoɗe gugriɗe va təl mərbə alabara nenek di? Tay əprəman wən na zazaya, tay ərban alabara neneke na moggon məzuki əkõho. Tay ənah sən Siyon na: Maŋgəlva nok tay əzəm məlyã.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 62:11

An Yawe aprəman hã təki dələv abay man yaŋka: Mənah sət waŋ na Siyon na: «Məzukõhguk yaŋ əzzani, də əfaɗ na hanza avani, əfet abani.»

Yeremiya 30:9

Waɗɗaŋ wəza sən Yawe Maŋgəlva neti. Davit nədawɗi sit ka məlĩ neti.

Ezekiyel 21:32

Kiməskiya! Kiməskiya! Kiyməski nədakkpaŋgani! Məs dəgəɗ ɗah ɓa hã gap pay nazza na ɗəf məs ətawwən asan avani, an məs nədapsəni.»

Hose'a 1:7

Gəla na Yuda hara na, wanula sasãhni, wanəkõhgən də va Yawe Maŋgəlva nani; də bile yi nədawkõhgən ɓa, də masalam ɓa, wəlpa ɓa, dit pilseŋge ɓa, dit məŋkoroŋ pilseŋge ɓa.»

Mika 4:8

Ya isi mossorgo na Yerusalem, gəla nawga, abeŋ na wakərəh gagdak nok an lahəŋka. Yerusalem wamsak əsan təki məlĩ adawsani.

Mika 5:2

Vini kana, wappet hã gap ɗak nawa təwəgəni. Asna madambirgit milmiŋgiɗ wamndoŋ azet ɗiy na Israyel.

Zakarya 2:10

Haya! Haya! Mənzoŋ səka dələv na kəla disiŋ, Yawe aɗiymani, vi də tapaslay pay poɗo nətəraygukum, Yawe aɗiymani.

Matiye 1:21

watəwə wiyna, wakəlvan na Yesu. Vi wakõhgit ɗiy nan səka mbərayən neti.

Matiye 11:29

Məslan zuk naw akokum, məyak azawa, vi zay nani, makraw barə, wakərahaŋ əffet na zeŋgilokum.

Matiye 2:2

Assohoŋ na: Aŋgay wiyən muwan nawsan məlĩ net mə Yudeɗiŋ di? Mulak ngərzla nan ambra pay nampum vini məde kawgagdakani.

Markus 11:7

Akinək wət koro nak sən Yesu, abesin lukutɗe net akani, Yesu asan aketi.

Luka 24:27

Yaŋ aboton sit zəgeɗ en naɗɗa akan səddivit ɗerewelɗe pakə, təŋ səza Moyis hã gap azet məskəleŋɗe pakə.

Yohanna 1:49

Yaŋ Natanayel azlan sən na: Mərbəzəga, istə Wətən Maŋgəlva, istə məlĩ na Israyel.

Yohanna 19:15

Anzlaŋgək vaŋvəl na: Dəmtə, dəmtə, akkpa' aka məzliwrihe. Pilat aɓsit na: Nəkkpa' məlĩ nokum sa? Deyeɗe net məsdəlveŋge azlanənka: Məlĩ nam tay maɓɓan abbər Kaysara ɓa.

Mətawaŋwəna 10:4

Tay dit kirtin mezeŋgleket kaklaw hoku məpeŋgeŋ aket korɗe kaklaw hoku, dit walaŋgəleɗe net gugriɗ kaklaw hoku adawyaŋ hã pay dəpaŋ na, walaŋgəleɗe na Ya'ir, aka dələv na Galad.