Zakarya 9:13 - Bible en Guidar

¹³ Nənslinək Yuda ka bəle nawa, Efrayim wasan herɗe. Siyon, wanəhheɗet kirtuk aket mə Yawanɗe; wanəɓlok va masalam ava məs makrani.

Zakarya 9:13 ပူးပေါင်းရင်းမြစ်များ

Gəlyaɗe 144:1

Səza Davit. Soko sən Yawe milɓe nawa, ndəni dədawyagan su əgaya, gəm əkkpaŋgaw petpet nalpa.

Gəlyaɗe 149:6

dətibirenən Maŋgəlva wəlet kolkolu. Də masalam məs man sula aveti.

Gəlyaɗe 45:3

Kədayək kiyit ɗiy pak də lelewe, mok neki aza əpele. Vini Maŋgəlva azaɓok hã faɗə.

Isaya 49:2

Aɗɗak maw va masalam hoɓhoɓu aɗamawək də əɗup van akawa. Akkpaŋgawək va har mətakaɗ mani, aɗɗamawək addəv gulom nani.

Yeremiya 51:20

Istə gədəma avawa, gulom nawgaya. Nəgəmuk avawa, nətiɓ ɗiy dənduko gəm nəzet milyeŋge.

Əɓuhma 4:2

Kirin na Siyon ndəɗaŋ məs dəssoŋ na sləma va meleŋge saksak neki. Haya! Tay uletin va mesteɓe na dələv mərkan də va ɗəfa!

Amos 2:11

Nəsɗuwik məskəleŋɗe sə waleŋgit kirtukum, gəm məwele də əsway ammban sən Yawe sə weleŋgit gewleɗ nokum, gesiŋgi ɓa sa mə Israyelɗe? Yawe aɗiymani.

Obadya 1:21

Məmetiŋ ɗiyi, wapeŋgeŋ aka mossorgo metiŋ na Siyon, sədaki adarbanən məlĩ net aka Esaw. Yawe wasan məlyã!

Efesus 6:17

Məɗup əkõh ka kulpup na təbza, gəm Əmpəs ka masalam, ndəni əpel na Maŋgəlva.

2Timote 4:7

Nəgayək əgay moggoni, nəgrakək ənza nawa, nərmak ətafa.

Ibriɗe 4:12

Wəpel na Maŋgəlva madarani, tay əɗɗa wəza, man hoɓhoɓ dayki masalam məs man sula pakə. Tay ətoŋ hã a walaŋ megenege gəm əmpəs na ɗəfa, a walaŋ mesleŋsleŋ də ofunufunu na ɗəfa. Va wənah na Zeŋgille də Əmpəsa. Tay əpəkat an makra ɗəf adaɗɗa gəm an adaɗɗumo.

Hənhən 1:16

Ngərzleɗ tahəŋ buhul dəka van dəzəŋ kãwwã, masalam məs man sula agilik səmani. Haran əwiɗ va pay aka tataŋpaya.

Hənhən 17:14

Walpaŋ dət Ndargayãkə, Ndargayãk watəska wəleti. Vi ndəttə Daya aket deyeɗe, gəm Məlĩ aket məlyeŋge, dəndəta, ɗiy nat məs məyeti, məwelti dəɗiyən kiyit akat waskaŋ wəla'e.

Hənhən 19:15

Masalam məs man hoɓhoɓ tay əgilyen sə man kawzet ɗiy-ɗarə. Wazəm məlĩ aket də zleŋge na təbəza, waɗot uwa net wəleŋɗe na mbazla a təki nawɗotti, ndəni wədagədəv na Maŋgəlva məs dəsan məlĩ aka zəga pakə.

Hənhən 19:21

Masalam məs dədawgilyen səma ɗəf məs dəpeŋ aka pələs nak abeyik məzəlpaŋ net pakə. Biŋgeɗ pak abaŋgək də sluwit sawɓa.

Hənhən 2:12

Aver sən maslay na gəla na Maŋgəlva na Pergame: Aŋki məs dəptu masalam məs man sulagən hoɓhoɓ adawpele: