Zakarya 9:12 - Bible en Guidar

¹² Məmndoŋ addəv zlava mərkani, məfərsəneɗ məs əɗɗum nawrəh zəga. Dəpaŋ na, nənahək na: wanəfaɗ suk wəya nok zlaɓ sula.

Zakarya 9:12 ပူးပေါင်းရင်းမြစ်များ

Ɗerewel na Yob 42:10

Gala Yob adakkam ammbet beynegiɗni, Yawe akkpaŋganək a gəlan va lahəŋka, Yawe awanək ərəh na Yob pak təl sula.

Isaya 24:22

Əkkal adakkeletin va məfərsəneɗ a vovu, wamsan met addəv tuzoŋ na gəla na fərsəna. Sədərɓaga əvoŋɗe diyɗa, kawtawni wən neti.

Isaya 38:18

Vi təki nanziya net ɗiy mimtiti, agagdakok na ɓa; əmta zək nan aɗi na kiyuk ɓa. Ɗiy en dətoŋgoŋ addəv magamas tahəŋ də əɗɗum nawga səza təstəs nok ɓa.

Isaya 40:2

Məzzayan makra Yerusalem, məprəman sən na wəza tatwãh nan agrakka, vi afaɗək mambray nani, arahək tatwãh təl sula səva Yawe aket mambrayɗe nan pakə.

Isaya 49:9

Kawnah sit məfərsəneɗ na migili gəm sit məs dəssoŋ ara guzli na: mide ara əkeɗeɗe'e. Wataɗaŋ aket tiveɗi, kiyit mossorgoɗe pak təki nawtaɗ neti.

Isaya 52:2

Attu' ologudum səzoko, asil asok tuŋgu Yerusalem apəl helege suloko is waŋ na Siyon mərməta.

Isaya 61:7

A gəlet wili, wakərəhaŋ əzaɓ təl sula. Mbək əra namet ɗiy əsan ka nokum, wakəzəmaŋ gəla aza dələv net təl sula, ənnek wasan sukum hã faɗə.

Yeremiya 14:8

Is məs Israyel aɗi əɗɗum nan akoko, is məs kəkõhgən aka pay na əzəmsahã, mbarmbar kədawsok va molhoyo aka dələv di? May va malaka məs dəmzla vi kawvoŋ di?

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Yeremiya 17:13

Yawe yi məs Israyel aɗi kiyən akani, ɗiy en dəzgokun pak wil areti! En dəzaraŋ səzok wazaŋ va iya məverin aka burɗuku. Vi azgokunko, Yawe is heret iŋkile na zeŋgile.

Yeremiya 31:17

Ərəh nok tay abe kirtuk wamilyoŋ aka dələv neti Yawe aɗiymani.

Yeremiya 31:6

Vi Pay wade məs məgaɗe adanzlaŋ vaŋvəl aket mossorgo metiŋ na Efrayim: Misil məpeŋgən a Siyon aza Yawe Maŋgəlva namə.

Yeremiya 50:28

Məprəm wəlet məs dənzoŋgu, en dəndəwəɗaŋ hã səka dələv na Babilon əpel alabara na əmpəlkiya na Yawe Maŋgəlva nam a Siyon: əmpəlkiya ammba gəla nani.

Yeremiya 51:10

Yawe arbanək təstəs nan vimə. Məndam a Siyon mərbangən an Yawe Maŋgəlva nam agəɗə.

Ezekiyel 37:11

Yaŋ aɓsu na: «Wətən ɗəfa, sleŋsleŋɗeŋki, mə Israyel dəwən netiŋgə. Yeŋ tay ənahaŋ na: “Sleŋsleŋɗe nam aklaŋka, zəga na əga nam azəka, pettepete mənani.”

Hose'a 2:15

Wanəzga' sət pay net Ba'alɗe, a təki tədawzlə sit tursan: aka təzaɓanək zət də ndama nata, dit verzleɗ nata, tənzat ammbet gəreŋgiɗta, naw ndət zəgət kiywa! Vaski Yawe aɗiymani.

Mika 4:8

Ya isi mossorgo na Yerusalem, gəla nawga, abeŋ na wakərəh gagdak nok an lahəŋka. Yerusalem wamsak əsan təki məlĩ adawsani.

Nahum 1:7

Yawe moggoni; təki nawɗam pay na tatwãhĩ. Asinik en dəɗamaŋ azani,

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

Ibriɗe 6:19

Tay azam va təbəz gagdak nawziwgin zeŋgilem gədəŋgədəŋ va nawziwgin bəlay məzutoŋ balsən məzlzlara duɗakan gədəv gəla metiŋ gəla na Maŋgəlva na disiŋ,