Zakarya 9:11 - Bible en Guidar

¹¹ Nok pak dit mbel na wənmiyna nok nəgilgit məfərsəneɗ nok sə vov məza iŋkile addəvən ɓa.

Zakarya 9:11 ပူးပေါင်းရင်းမြစ်များ

2Samiyel 13:13

Ya naw aŋga nədawka ərbet wil naw di? Is zəknok va ɗəf mətemuk kədawsok a Israyel. Kakaŋ na, kamə ɗaɗah apel sən məlyã, aɓoŋ na dəpsuwu suk ɓa.»

2Alabaraɗe Də Mabərkiziti 7:17

Ya nok na, an is tat ədaw abaw va afuk Davit adawə, də əɗɗa an nəɗi suk wən nani, an kərmek mahənziŋɗe naw dit tiveɗnanziya nawa,

Ɗerewel na Yob 33:30

Vi kawkõhgən səma əmta vi əkeɗeɗe net mederet dəkekeɓe'gəni.

Gəlyaɗe 30:3

Yawe, Maŋgəlva nawa, nəhəm sukuk nabbah suwa, yaŋ kəmbəlguwa;

Gəlyaɗe 40:2

Əga naw aka Yawe nəɗiya, aɓe'ik kəlazawa, aprəmək əhəm nawa.

Gəlyaɗe 69:33

Məɓegənən ki zit wawlanəni, wannekeŋgi. Məkayanən Maŋgəlva, ənziya nokum dəzzeki!

Əgilye 24:8

Moyis agimik mbeli, ndən kusu'kusu' sit ɗiyi, amna: «Eŋkiŋ mbel na wənmiyna məs Yawe aynə də mənokum, aka wəpel temteməŋ pakə.»

Isaya 24:22

Əkkal adakkeletin va məfərsəneɗ a vovu, wamsan met addəv tuzoŋ na gəla na fərsəna. Sədərɓaga əvoŋɗe diyɗa, kawtawni wən neti.

Isaya 42:22

Ya ɗiy məmõhẽtingə, məppətetəŋgə. Mərmetiŋ aka mazzaɗ a fərsəna beymeti, məmseti vi kawmõheti, ɗəf nawmõhit səma əzəmsahã tay ɓa, ɗəf tay nawnah na: məmndegeti ɓa.

Isaya 42:7

Wakəkol heret deŋgerɗe, kawgilgit məfərsəneɗ sə fərsəna, kawpəl ɗiy nara guzli səka əzəmsahã neti.

Isaya 49:9

Kawnah sit məfərsəneɗ na migili gəm sit məs dəssoŋ ara guzli na: mide ara əkeɗeɗe'e. Wataɗaŋ aket tiveɗi, kiyit mossorgoɗe pak təki nawtaɗ neti.

Isaya 51:14

Pay nappan ɗəf naddəv əzəmsãhã dəsangən dəman go'oy. Amtə na a fərsəna ɓa, way nawzəm akkpap na səman ɓa.

Isaya 58:12

Asna warkanən kiyməskiɗe nok en farfarə, wakərka aket gebbet gəleɗe en ɗiy farfar aɗiyaŋgə. Kawyuki na: Məzuzaɓan zə gəla məɓluni məzeɓet tiveɗ ka gəleɗe dəmpaŋgəni.

Isaya 61:1

Əmpəs na Daya Yawe tay akawa, vi Yawe awelwək nawka alabara nenek sit məssehẽŋɗe, aslənwək əgip mekret ɗiy məs mekkret aɓohu; vi kawtəl ma sit ɗiy en məsimgit aka wən nappeti gəm sit məfərsəneɗi, aka wən nawpilti vi kawkol sit heret deŋgerɗe, vi kawkõhgit məzuzəmaŋ sahã;

Yeremiya 38:6

Ndəɗaŋ gəm əgəmnən Yeremiya azganən addəv vov na Malkiya wətən məlĩ a daŋgla nawga. Dit helegeɗ aprikginən Yeremiya vani, iŋkile tahəŋ addəv vov van ɓa, ndərɓayi. Ndəni Yeremiya ambat tif addəv ndərɓa vani.

Daniyel 2:29

Gala pay kəsok ɗuffo aka zəga nafna nok na, kəɗɗumuk aka an dədazzan abe, vini məzərban an dəsan məɗamən arban suk an dədaɗɗa abe vani.

Matiye 26:28

Vi eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa, vi kavvuyeɗ mambrayɗe.

Markus 14:24

Aɓsit na: Eŋ mbel zuwəŋ, mbel na wənmiyna, məs dəggbo'oŋ viyit ɗiy diyɗa.

Luka 16:24

Aŋgəzlək vaŋvəla, amna: Afu Abraham awəl sahã akawa. Aslən Lazar dəyopgən metteɓ van aret iŋkile, dətte' su gən aka hərzlumwa, vi in tat əzəmsahã diyɗa addəv offoŋka.

Luka 22:20

Vas agəɗə'e dət huloŋguk nawsa zəga sə dərɓaga azəmən waya, amna: Huloŋkəŋkə, ndətə wənmiynan meleketeni miynan dit mbel naw məs dəggbo'oŋ vikum.

Luka 4:18

Əmpəs na Daya tay akawa, vi awelwək nəpelgən alabara nenek sit məssãhẽŋɗe, aslənwək kawtəl ma nappet ɗiy mərmeti, vi kawkol sit heret deŋgerɗe, vi kawkõhgit məzuzəmaŋ sahã.

1Korintus 11:25

Vas agəɗə'e dət huloŋguk nawsa zəga sə dərɓaga azəmən waya, amna: Huloŋkəŋkə, ndətə wənmiynan meleketeni miynan dit mbel nawa. Pay məs kədawsaŋ səddəvət pakə, məɗɗa vi kəɗɗumowəngəni.

Əmsak aka Mahenziŋ 5:31

Nok na, asok aŋ də ina; nənoh sukgən əpel na ənziya pakə, mahenziŋɗe dit tiveɗnanziya məs kədawyagan sit dəɗɗaŋgən wəza dənɗaŋ addəv dələv an nədapsitiŋka, vi dəgəməngən ka neti.»

Ibriɗe 10:2

An vaski ɓa na, kəta kappani əzaɓ-Maŋgəlva, vimi di na, ɗiy məzuɗiyən ki Maŋgəlva vas arahaŋgək ubbur təl taka wã'ə, kəta waɓapaŋ əɗɗum aka mambray a mekret əmpa sa?

Ibriɗe 10:29

Tatwãh metiŋgin awani əmpa aza əɗɗum nokum, məza arəh na ɗəf dəndappan Wətən Maŋgəlva, dərnoket mbel na wənmiyna məs arah ubbur dənɗaŋgə, gəm dəran Əmpəs na mbəlembəle ɓa di?

Ibriɗe 13:20

Kəta Maŋgəlva afən zazaya məs dəsilgin Yesu Kristu, məzutaɗa net timiŋgiɗ metiŋgin sə walaŋgit ɗiy mimtit də mbel na wənmiyna an faɗə,

Hənhən 20:3

Maslay nak azganək addəv delŋgeɗek naka, ampanək mani gəm asləratək lamba azani, vi adawmbəɗet ɗah ɗiy əmpa ɓa, hã an wəzva gabal atoŋko. Dərɓaga as əmpa na kappani pay siɗikke.