Zakarya 9:10 - Bible en Guidar

¹⁰ Wanəzan mawta nawgay sə Efrayim, pilseŋge sə Yerusalem, kawzani bəle nalpa, wapel wən zazay sit dəlveŋge. Məlĩ nan wasil sə pehe hã gap a pehe maɓɓani, gəm sə məlpa metiŋ gap aka dələv abaymani.

Zakarya 9:10 ပူးပေါင်းရင်းမြစ်များ

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 72:3

Mossorgoɗe gugriɗ wakiyaŋ zazay sit ɗiyi, mossorgoɗe tam əzaɓ sit ɗiyi!

Gəlyaɗe 85:8

Arban səm moggon noko Yawe, apsəm əkõh noko.

Gəlyaɗe 89:26

Wanəpsən pehe ammba vani, məlpeŋɗe ammba van dəzəŋ.

Isaya 11:10

Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 2:4

Wataw wən net ɗiy-ɗarə, wasan məzətər net ɗiy diyɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 60:12

Vi ɗiy-ɗar gəm kiva na məlĩ məs dəɓoŋ dawgəɗ suk wəza, wazaŋgə; ɗiy-ɗar veti, əza adawzaŋgə.

Hose'a 1:7

Gəla na Yuda hara na, wanula sasãhni, wanəkõhgən də va Yawe Maŋgəlva nani; də bile yi nədawkõhgən ɓa, də masalam ɓa, wəlpa ɓa, dit pilseŋge ɓa, dit məŋkoroŋ pilseŋge ɓa.»

Hose'a 2:18

Yawe aɗiyman na, pay nan watəyu na «zəlwa», watəyu ɗah əmpa na Ba'al nawa ɓa.

Hose'a 2:20

Waniynan wənmiyna dəpas dit zəgeɗ nawra, biŋgeɗ na disiŋ, zəgeɗ mukroket naka dəlvafuŋ; bile, masalam gəm əlpa, viyit ɗiy nawa; wanəŋgroɓe, assoŋ na aka dələv əmpa ɓa, wanəɗɗa dəvoŋgoŋgən fedeŋge.

Mika 4:8

Ya isi mossorgo na Yerusalem, gəla nawga, abeŋ na wakərəh gagdak nok an lahəŋka. Yerusalem wamsak əsan təki məlĩ adawsani.

Mika 5:4

Ndən nawsan zazaya. An mə Asiriɗe tay əzzoŋ əgul dələv namə gəm ətoŋ addəv gəla na məlĩ namə, waməsilgit məzuteɗeŋge buhul akani dit deyeɗe dudopoɗo.

Mika 5:9

Pay nan dəpaska, Yawe aɗiyman na: wanəbey pilseŋge nok sənokda gəm wanəzet mawteŋɗe nawgay noko.

Haggay 2:22

Wanəslaŋgən mazaŋga net milyeŋge gəm wanəzan gbogboŋ net məlĩyeŋge net ɗiy-ɗarə; wanəsleŋget mawteɗ nawgay dit məzuŋkoretini; pilseŋge wamtaŋgə, ɗiy məŋkoroŋ pilseŋge wabayanən ziti.

Wəza net Masləŋɗe 10:36

Aslənək əpel sit məs Israyelɗe, də ərban sit alabara nenek na zazay də Yesu Kristu na: Ndəni Daya net ɗiy pakə.

2Korintus 5:18

Zəgeɗ pak səza Maŋgəlva azzoŋgu, ndəni dəslerem dəndə zək nan də Kristu gəm apsəm wəza nawslergit ɗiyi.

2Korintus 5:20

Maslənɗe mənan kan aka iya na Kristu, Maŋgəlva dədawyukum də mamə. Mənam tat əkkomokum də iya na Kristu, məssoŋ məslerkum də Maŋgəlva.

Əmsak aka Mahenziŋ 11:24

Təki məs gədəv təlkum aɗi pak wasan sukum; wasan təŋ sə kapta-muyã, də Liban, təŋ sə məlpa na Efrat ŋgbusl a ma pehe naddak təkiya dəmmba pay na moskoy wasan dələv nokum.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.