Zakarya 8:3 - Bible en Guidar

³ Vaŋ Yawe anahə: Nəmndawək a Siyon, in tat də gəla a Yerusalem. Kawyani Yerusalem na «walaŋgəla gegesiŋ», mossorgo metiŋ na Yawe Məzuɓappak na, «mossorgo metiŋ Salala».

Zakarya 8:3 ပူးပေါင်းရင်းမြစ်များ

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 48:1

Gəlya. Gəlyanalva net kirtin Kore.

Əgilye 29:45

Wanəsaw də gəla a weleŋgit mə Israyelɗe, wanəsaw ka Maŋgəlva neti.

Isaya 1:21

Mbarmbar walaŋgəla-metiŋ an təstəs akkpaŋ məpolkoyo di? Təstəs gəm ədaw sarara tahəŋ addəvən lahəŋka; ya kakaŋ na, məbayaŋ gəbayəŋgə.

Isaya 1:26

Wanəkkpeŋget mətawaŋwən nok va lahəŋka, gəm məzəsəɓ sukun aka ədaw nok va aka ətəŋga. Asna kawyuki Walaŋgəla-metiŋgin na təstəsə gəm Marba Walaŋgəla-metiŋ moggoni.»

Isaya 11:9

Aɗɗaŋ na mambray ɓa, tay məs adawraygənən səka mossorgo metiŋ salala naw ɓa, vi dəlvafuŋ waknah də wəsən gagdak na Yawe va iŋkile adaknahənən pehe.

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Isaya 32:16

Asna ədaw təstəs wasan a kapta-muyã təstəs wampə addəv guli net wəleŋɗe nawzəma.

Isaya 60:14

Ɗiy en dəzəmgukunən sahã wazzoŋ azok də əmpa kiyit afuŋgu, ɗiy dəzelokun pak wappu'oŋ ammba təlko. Wayukun na: Walaŋgəla-metiŋ na Yawe, Siyon na Salala na Israyel.

Isaya 65:25

Kəramuyã də wət time wataɗaŋ a təki taka. Ɓoolu də wasliya kevile adawzəmaŋgə. Burɗuk wasan zəga nawzəm na dohõ. Mambray də əza wassoŋ aka mossorgo salala naw ɓa Yawe anahə.

Isaya 66:20

Wakinin milmiŋgiɗkum səweleŋgit ɗiy-ɗar pak va əvəl sən Yawe, aket pilseŋge, mawteŋɗe net pilseŋge gəm mawteŋɗe nawgaya, aket koropilseŋge gəm zlogomeɗ a Yerusalem aka mossorgo salala nawa, va mə Israyelɗe adawkiyaŋ əvəl na zəga nawzəm addəv gəla na Yawe dit hiliŋgiɗ salala, Yawe anahə.

Isaya 8:18

In yakəŋ dit kirin məs Yawe avayə, migilik va zəga narba gəm va sekene nazzan səza Yawe Məzuɓappak a Israyel, ndən məs dəsan aka mossorgo metiŋ na Siyon.

Yeremiya 14:9

Mbarmbar kədawsok va ɗəf məfayani va gurom nalpa məs aɓap na əkõhgit ɗiy ɓa di? Yawe adan is tat a walaŋgəmə, iya nok tay a mamə kəppam əskot ɓa.

Yeremiya 26:18

Aka pay na Hizkiya məlĩ na Yuda, Mika, ɗəf na Moreset məgəɗ kəleŋ apel sitik ɗiy na Yuda baymet də wənah na: An Yawe Məzuɓappak anah yaŋka: Siyon wakkpaŋ guli minseni, Yerusalem kiməskiya, gəla nakkam məɓayən wakkpaŋ wəleŋɗe kpəŋgə.

Yeremiya 31:23

An Yawe Məzuɓappak Maŋgəlva na Israyel anah yaŋka: Pay nədawzaɓan əssa neti, wapelin əpeləŋ aka dələv na Yuda gəm addivit walaŋgəleɗe gugriɗ nan əmpa na: Kəta Yawe dəzoɓoko, Təki na təstəsə mossorgo metiŋ na salala.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Ezekiyel 48:35

Tərwəsl pakə: kilo metər vaytakə. «Təŋ səza dəpaska, iya na walaŋgəla-metiŋ van dəsangən na: Yawe tay aŋka.»

Daniyel 9:16

Daya, ammba wəza təstəs noko, kamə appan ədagədəv dit herɗe nok səka walaŋgəla-metiŋ na Yerusalem vi mossorgo salala noki. Vi mambray namə gəm heslepe net efiŋgiɗmə, Yerusalem dit ɗiy nok akkpaŋgək zəga nawra net ɗiy en dəssoŋ kiyəm tərwəsl pakə.

Mika 4:1

Addivit əvoŋɗe nabe na mossorgo metiŋ na gəla na Yawe waday kiyit mossorgoɗe gugriɗe meɓɓeti, gəm waday kiyit təki ɗagarraɗi. Asna ɗiy naka dələv dəwənnet pak wazzoŋ ɗakɗak akani.

Sefanya 3:13

Madambirgit mə Israyelɗe aɗɗaŋ na ɗarɗar ɓa; awaŋ na wən əmpa ɓa, akolnən na met nawwa wən ɓa; waɓap əzəmaŋgə, waffeteŋ məza ɗəf əgeslne'git ɓa.

Zakarya 1:16

Vini Yawe anah na: Wanəmndaw aza Yerusalem də ula sasãhni, Karkani Gəla naw adak əmpa, Yawe Məzuɓappak aɗiymani. Kawpakni helege aka Yerusalem.»

Zakarya 12:6

Pay nan dəpas na, wanəkkpeŋget ɗiy na Yuda va kasli noffo məsɗan addəvit wəleŋɗe ŋgərəɓə, vit va offo mətalən addəvit maŋgavɗe. Wazimnin ɗiy dətərwəslaŋ kiyiti, dəka dəzəŋ gəm dəka zlaɓay pakə. Ɗiy wassoŋ a Yerusalem əmpa a gəlet va lahəŋka.

Zakarya 14:10

Dələv pak wakkpaŋ mukuro, təŋ sə Geba hã gap a Rimmon, a dohoŋ na Yerusalem. Yerusalem wasili, ɗiy wassoŋ də gəla a gəleti, təŋ sə maddamba na Benyamin hã gap a maddamba məzvani, gap aza maddamba na bezler, təŋ səza gəla na zəray na Hananeyel gap aza təki nawɗot megezlembirkeɗ na məlyã.

Zakarya 8:16

Wən an kədaɗɗaŋ yaŋka: ɗəf pak dəpel wən gesiŋ sən galani; addəvit gəleɗe nawtawwən nokum, a memeŋgleɗe net walaŋgəleɗe gugriɗ nokum, mətawwən təstəs nawki zazaya;

Zakarya 8:19

Vaŋ an Yawe Məzuɓappak anahə, amna: Wəɗɗa meme na təla mapoɗoni, na təla masle'eni, na təla mabuhuloni gəm na təla makəlawan wassoŋ ka pay na hĩyã hĩyã də nanneke gəm wəzləra nannek viyit ɗiy na Yuda. Məŋglu gegesiŋ də zazaya.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Yohanna 14:23

Yesu azlanka, aɓsən na: An ɗəf aŋgluwəka, warma əpel nawa, Əbba waŋgluwa. Waməde azani, waməzaɓ təki nassa nam azani.

2Korintus 6:16

Mi dəsapan Gəla na Maŋgəlva dit zəgeɗkamaŋgəlva di? Vi nam Gəla na Maŋgəlva madaran mənani, va Maŋgəlva anah na: Wanəsaw də gəla a waleŋti, wanəbbal a waleŋti Wanəsaw Maŋgəlva neti, wassoŋ ka ɗiy nawa.

Kolosi 2:9

Vi addəv gəɓa zə Kristu gərak na Maŋgəlva asani.

Hənhən 21:10

Əmpəs na Maŋgəlva adek akawa, maslay nak akuwək aka gərəm məɓayən diyɗa. Arban suwək Yerusalem walaŋgəla-metiŋ, məs salala dəde səza Maŋgəlva ana disiŋ.

Hənhən 21:27

Ya zəga an na mahenziŋ atoŋ na a walaŋgəla nan ɓa, ɗəf məzəppan kizən vi zəga mambray pak də məwə tepelke pak atoŋ na adak ɓa. Ɗiy məs nawtoŋgoŋ adak na, abbər ɗiy məs məver iya net addəv ɗerewel na zeŋgile nava ndargayã nak dədawtoŋgoŋ a walaŋgəla nani.

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.