Zakarya 8:22 - Bible en Guidar

²² Ɗiy diyɗa wazzoŋgu, gəm dəlveŋge gbogboŋɗe wazzoŋ a Yerusalem kawkayan Yawe Məzuɓappakə, gəm kazzayan makra Yawe.

Zakarya 8:22 ပူးပေါင်းရင်းမြစ်များ

Gəlyaɗe 68:30

Səddəv gəla nok dəsan aka Yerusalem, a təki milyeŋge adawkiyaŋ sukun əvəla,

Isaya 2:2

Addivit əvoŋɗe nabe na mossorgo metiŋ naddəv gəla na Yawe wasan aket mossorgoɗe gugriɗe, waday kiyit mossorgoɗe. Asna ɗiy naket dilveŋge pak wazzoŋ sapsap akani.

Isaya 2:3

Ɗiy diyɗa wambataŋ adaka; wanahaŋ na məndam əpeŋ aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon gi mahenziŋ na Yawe adazzani əpel nan tam sə Yerusalem.

Isaya 25:7

Aka mossorgo metiŋ vanəska wator zəga na gəlabaya məs ɗiy aguloŋ pakə, waggbuk lukutɗe na gəlabay məs dəssoŋ azet ɗiy-ɗarə.

Isaya 49:22

Aŋki an Daya Yawe anahə: in tat yaŋ əslan vaw aket ɗiy-ɗarə wanəmpa gabaga naw narban gagdak na dələv sit ɗiyi, wamndegetinin kirtuk mezeŋgleket a persleket sləkə wasletinin kirtuk muguluŋgit a ma wəleti.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Isaya 55:5

Wakəye ɗiy məs kəsin ɓa, ɗiy məs dəsənkun ɓa wanzoŋ azok aka wən na Yawe Maŋgəlva noko, gəm aka wən na Salala na Israyel, vi aɗiyək kiyko.

Isaya 66:23

Vas adawsan təlaper pak gəm aza va pay naffet agəɗ pakə, ɗiy pak wappu'oŋ abawa, Yawe anahə.

Yeremiya 4:2

an kəswayək na, Yawe madarani addəv gegesiŋ, addəv ətawwəna gəm addəv təstəsə, asna ɗiy-ɗar pak warahaŋ əzaɓ də iya nani gəm wakaɓaŋ addəvən.

Mika 4:2

Ɗiy diyɗa wambataŋ adaka; wanahaŋ na mide məpeŋgin aka mossorgo metiŋ na Yawe addəv gəla na Maŋgəlva na Yakob. Warbet sim tiveɗ nani, mədawgən aket tiveɗ nani vi sə Siyon əyak adawgilyeni, əpel na Yawe tamə sə Yerusalem adazzani.

Mika 4:3

Wataw wən a walaŋgit ɗiy diyɗa, wasan məzətər net ɗiy en gbogboŋɗe na faraɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Haggay 2:7

Wanəɓlet ɗiy-ɗar pakə, arya net ɗiy-ɗar pakə wade, wanəknah gəlaŋ də lalawa, Yawe Məzuɓappak aɗimani.

Zakarya 14:16

En dəppaŋ mederet səret ɗiy en dəzzoŋ əgay də Yerusalem waddoŋ əppu' va aza əzva agəɗ pak aba məlĩ Yawe Məzuɓappakə, gəm kaɗɗa wəzləra net guɗukɗe.

Zakarya 8:21

Ɗiy na walaŋgəla-metiŋ maɓɓan waddoŋ ənahaŋ sitin ɗiy naddəv maɓɓan na: «Məmbatgən əzzayan makra Yawe, kawkayan Yawe Məzuɓappakə. Naw pak wanəmbat tamə.»

Galatiyen 3:8

An məverin awlak far na, Maŋgəlva wakkpaŋget ɗiy-ɗar təstəs də ətafa. Anah sənək Alabara Nenek vanəs far sən Abraham na: Ɗiy pak warahaŋ əzaɓ ammboko.

Hənhən 15:4

Naway məs ageslne' suk na ɓa, agagdakan na iya nok ɓa di Daya? Vi istə salala kaka'ə, ɗiy-ɗar pak wazzoŋ əppu' aboko. Vi wətaw wən nok temtem arbəka.

Hənhən 21:24

Ɗiy naka dələv pak wadawaŋ ara təki babar nani, məlyeŋge naka dələv wakinən arya net adaka.