Zakarya 8:20 - Bible en Guidar

²⁰ Vaŋ an Yawe Məzuɓappak anahə: Ɗiy naket dəlveŋge temtem, dit en na walaŋgəleɗe gugriɗ wazzoŋ ɗakɗak əmpa.

Zakarya 8:20 ပူးပေါင်းရင်းမြစ်များ

1Milyeŋge 8:41

Molhõyõ dayday, məza ɗəf naret ɗiy nok na Israyel ɓa zlaŋ, an adek sə guw faraɗa vi iya noko

1Milyeŋge 8:43

nok apak sləmok sə təki kəsok sə disiŋ, agəɗ va an molhõyõ assõh pakə, vi ɗiy naka dələv pak dəsənnəngən iya noko, dəgeslne'eŋ sukungəni va ɗiy nok mə Israyelɗe gəm dəsənəngən na sən iya nok nərka gəlaŋka.

Gəlyaɗe 102:22

Kabbalan iya na Yawe a Siyon gəm wəɗi kiyən a Yerusalem,

Gəlyaɗe 22:27

Məvoŋgənən kiyit wazəmaŋ kpe'i; məzukayanən Yawe, waɗiynən kini. «Mokrokum, dənnek hã faɗə!»

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 89:9

Yawe Maŋgəlva Məzuɓappak! Naway gbogboŋ va is di, Yawe? Moggon noki dəkar kiyko.

Isaya 11:10

Dəpaska, slalwãy Yesse yi nawsan va gabaga nawsən ɗiy azani, ɗiy naka dələv temtem wakayanəni. Təki nassa nan wasan də gagdaka.

Isaya 45:14

Aŋki an Yawe anahə: ərah na wəza net məs Eziptiɗe, wəya na wəza na Etiyopi gəm net ɗiy na Seba, ɗiy məɓeyti, watoŋgoŋ anokumda, wassoŋ ka nokum! Wazbokuməni addəvit ngiyamɗe; Watoŋgoŋ wappu'oŋ abokum wakkamaŋ abokum də wənahaŋ na: Maŋgəlva, anokda yi kaka'ə tay akki maɓɓan ɓa.

Isaya 49:6

Anahək na: Əssa gawla naw ka kawslan zev Yakob gəm kawtər məs dəndəwəɗaŋ na Israyeləŋ agəska. Nəɗikuk əkeɗeɗe net ɗiy-ɗarə, vi əkõh naw dəgapgən a təki məs dələv abaymani.

Yeremiya 16:19

Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.

Hose'a 2:23

Yawe aɗiyman na: aka pay nan na, wanəzlan sən disiŋ aka wəray nani, disiŋ wazlan sən dəlvafuŋ aka wəray nani.

Amos 9:12

Ka dəmõhənəngən dələv na Edom an dəpələ gəm ɗiy-ɗar məs iya naw adawya aketi. Daya aɗiyman, naɗɗa as pakə.»

Mika 4:3

Wataw wən a walaŋgit ɗiy diyɗa, wasan məzətər net ɗiy en gbogboŋɗe na faraɗa. Dit masalamɗe neti, wavotoŋ gulekɗe, də tulhõ neti, wazaɓaŋ slogoyɗe. Dələv maɓɓan asil sən na maɓɓan ɓa, ayaganən na əgay əmpa ɓa.

Zakarya 2:11

Haya! Siyon, akõhgən kiyko, is məs kəsok də gəla a Babilon əŋka.

Malakiya 1:11

Vi təŋ səkki əgilye na paya hã gap akki məs adawbəta, iya naw gədaki aweleŋgit ɗiy-ɗarə. Aŋga pak tawkiyaŋ tursan aka iya nawa, vaska'e matuya məza heslepe azan ɓa, vi iya naw gədaki aweleŋgit ɗiy-ɗarə, Yawe Məzuɓappak anahə.

Matiye 8:11

In tat ənah sukum: Ɗiy diyɗa wazzoŋ səmmba pay nampum gəm səmmba pay na moskoyo, wazəmaŋ də Abraham, Isak gəm Yakob addəv məlĩ na disiŋ.

Wəza net Masləŋɗe 15:14

Simeyoŋ arbanək dafsən va Maŋgəlva azək sləma aket ɗiy-ɗar vi kawnda səret aka iya nani.

Wəza net Masləŋɗe 15:18

Məsənti far vaska.

Hənhən 11:15

Maslay mabuhulet affon gozloro nani: Yaŋ wəlet ɗiy diyɗa ade sə disiŋ dawnəh na: Əzəm məlĩ naka dəlvafuŋ na Daya nami gəm na Kristu nani kakaŋka; wazəm məlĩ hã faɗə.