Zakarya 8:13 - Bible en Guidar

¹³ Mə Yudeɗ dit mə Israyelɗe, kəssoŋguk va ɗiy məreygit a weleŋgit ɗiy-ɗarə, vaski nədawkõhgukum, wakəssoŋ ka ɗiy məzeɓti. Kəgeslne'eŋ ɓa, məsok zukum.

Zakarya 8:13 ပူးပေါင်းရင်းမြစ်များ

Va'Atəŋ 26:4

Wanuwan zeŋvuk va gərzleɗ na disiŋ, wanəpsin dəlveŋgəŋ pakə, səzani ɗiy naka dələv pak adawrahaŋ əzaɓa,

Gəlyaɗe 44:16

Pay pak in tat kiyu rohrohu, wil araw pa'ə,

Gəlyaɗe 72:17

Sləman dəgil hã faɗə, dəgilgən va paya, naway pak dəɓuh səngən ma sən ɗəf maɓɓan də iya nani, ɗiy naka dələv pak wanahaŋ na, azaɓka.

Gəlyaɗe 79:4

Məkkpaŋgək zəga na əra net meggeŋgiɗmə, ɗiy dəkaraŋ kiyəm tahəŋ ənəhaŋ wən azamə, tahəŋ əmasaŋ akamə.

Isaya 43:28

Ndəni nərnoket deyeɗe naddəv gəla Salala, nəppanək Yakob addəv əraya, gəm Israyel addəv əra.

Yeremiya 24:9

Wanəkkpeŋget ka zəga nawki geslne' metiŋgini, ka zəga na geslne' mbərayən viyit milyeŋge naka dələv pakə. Kawreti yi, kawyə siti gəlya, kawmasi aketi, əray wasan aket a təki məs nədeɓɓehit adak temtemi.

Yeremiya 25:18

nəpsəntək Yerusalem, walaŋgəlaɗe gugriɗ na Yuda dit məlyeŋge nani, ɗiy gugriɗ nani, kakkpaŋget va kiməskiya, kafyok aketi gəm nawsla kiva əraygən ɗəf dənɗaŋ va pay dəpaŋgənənka.

Yeremiya 26:6

asna wanəkkpaŋgan gəlaŋ va təki nakkaman Maŋgəlva na Silo, wanəkkpaŋgan walaŋgəla-metiŋginəŋ va zəga naɗɗa mefɗeke amet ɗiy naka dələv pakə.

Yeremiya 29:18

Wanəzbet də masalam, də mayã gəm də gəbaymərma, wanəkkpeŋget ka zəga nawgeslnegit milyeŋge naka dələv pakə, ɗiy naket dəlveŋge məs nəɓɓeh adak pak waŋglaŋ sitin əraya, tatwãha, waggətaŋ aketi gəm waretini.

Yeremiya 33:24

Kula an ɗiyəŋ adawpeleŋ dawnəh na: Zevit ɗiy sula Yawe aweli, yaŋ andole. Vaski əmpa adawtekin ɗiy naw dassoŋ va ɗiy abeti.

Yeremiya 42:18

Vi aŋki an Yawe Məzuɓappak Maŋgəlva na Israyel anahə: Va ədagədəv naw gəm makraw turõh turõh azlalbay aket ɗiy na Yerusalem vaski makraw turõh turõh adawzlalbay akokum an kəddoŋguk a Eziptə, wakəkkpaŋgaŋ va zəga na mefɗeke, kawmasi akokum, kawpeli əpel nawraya gəm zəga net wili də iya nokum; ya Kulanən na ɗa təkiyəŋ ɓa.

Yeremiya 44:12

Wanəgim en dəmbraŋ sə Yuda, məs dəɗinən heret nawbat aka dələv na Eziptə kassa adaka, wagrakaŋ pak aka dələv na Eziptə. Waskotoŋ ama masalam, sən mayã. Wagrakaŋ təŋ səka muzliya gap ɗəf metiŋgin, wamtaŋ ama masalam gəm sən mayã. Wakkpaŋgaŋ zəga na mahanay, məreygit tipi, ka zəgeɗ net mefɗeke gəm zəgeɗ na əra.

Yeremiya 44:22

Yawe dəɓap əɓəs daraw na wəza mbərayən nokum məs kəɗɗaŋ ɓa, aba zəga daryaw məs kəɗɗaŋgəŋ ɓa, ndəni dələv nokum akkpaŋ kiməskiya, hoŋhoŋ də mefɗeke məza ɗəf akan ɓa va pay dəpaŋkəŋka.

Əɓuhma 4:15

Mərɓehit dawnah na: Məmndoŋgu, ɗiy mbəreyti! Məmndoŋgu, kəgapaŋ aŋ ɓa! Vi na ənzo adanzoŋgu məza dəsənnən təki adaddoŋ ɓa. Ɗiy ɗar tahəŋ ənahaŋ na: adassoŋ faɗ anamda ɓa.

Ezekiyel 34:26

Wanəki əzaɓ naw aket mossorgoɗe kiyən tərwəslə, wanəprikgən buwən də pay nani, buwən na əzaɓ adawsani.

Ezekiyel 37:11

Yaŋ aɓsu na: «Wətən ɗəfa, sleŋsleŋɗeŋki, mə Israyel dəwən netiŋgə. Yeŋ tay ənahaŋ na: “Sleŋsleŋɗe nam aklaŋka, zəga na əga nam azəka, pettepete mənani.”

Ezekiyel 5:15

Wasan suk va zəga net wili gəm zəga na əra azet dəlveŋge na guw en dəssoŋ kiyuk tərwəslə, wasəreteŋ wən azoko, wamasaŋ akoko, wasan sit va wəssak nawgeslne'et pay nədawtawwən akok də ədagədəv nawa, dit herɗe nawa gəm əzga' na herɗe. In Yawe tə nəpeli.

Daniyel 9:11

Mə Israyelɗe pak amzlahaŋgək səka mahenziŋ noko, aɓoŋgoŋko dəprəmən mok ɓa. Ndəni wəray məsway akan məverin addəv mahenziŋ na Moyis məgəɗ wəza nok is Maŋgəlva ade akamə vi məgəɗ sukuk mbərayən.

Mika 5:7

Ɗiy na Yakob dənduwəɗaŋ a weleŋgit ɗiy-ɗar diyɗa, wassoŋ va ɓoolu a weleŋgit zəgeɗ nawra, va wət ɓoolu a waleŋgit gilewi. Də təki atoŋ pak tay əŋgrofon gəm əbakan zəga ɗəf tay nawmõhun səman ɓa.

Sefanya 3:16

Pay nani, kawnah səni Yerusalem na: «Kəgeslne' ɓa Siyon, vok adaɗɗa ləɓayləɓay ɓa;

Sefanya 3:20

Pay nan na, wanəmilgukum, pay nədakkolokum wasani; sləmokum wabbalə, wanəɗi kiykum a weleŋgit ɗiy nammba dələv pakə; pay nədawziwgin wən nokum a mahorokum Yawe anahə.

Haggay 2:19

Zeŋve tay dəpəl a maha əmpa ɓa, vaski ɓa sa? Megezlembirke, sokoyo, tonzoku gəm hereme dayday duwaŋ ɓa. Ya təŋ dəpaŋka wanəɗɗa əzaɓa.»

Haggay 2:5

Va niynan a makraw nawgəɗ sukum gala əgilye nokum səka dələv na Eziptə, adan əmpəs naw tay a walaŋkum kədawgeslne'eŋ ɓa!

Zakarya 14:11

Wassoŋ də gəla addəvni, mefɗeke asan na akan əmpa ɓa, ɗiy wassoŋ a Yerusalem fendeŋgi.

Zakarya 8:15

Vasna, makraw affetke, addəv pay kakaŋ na, nərmak wən nan nawgəɗ sukum moggon a Yerusalem gəm sit ɗiy na Yuda. Kəgeslne'eŋ ɓa.

Zakarya 8:9

Vaŋ Yawe Məzuɓappak anahə: Məsok zukum, mənokum məzəprəmən əpel an məskəleŋɗe apeleŋ pay məɗi gabba Gəla na Yawe, gəm narkan Gəla na Maŋgəlva.

Zakarya 9:13

Nənslinək Yuda ka bəle nawa, Efrayim wasan herɗe. Siyon, wanəhheɗet kirtuk aket mə Yawanɗe; wanəɓlok va masalam ava məs makrani.

1Korintus 16:13

Məga, məmpa təlkum addəv ətafa, məssoŋ ɗiyi, məsɓan zukum.

Galatiyen 3:14

Agəɗ vasna vi əzaɓ na Abraham dəgapgən azet ɗiy-ɗar də Yesu Kristu, vi mərahgən Əmpəs də tive na ətafa, ndəni an miynani.

Əmsak aka Mahenziŋ 26:19

wakkpaŋgok daykiyit ɗiy pak də gagdaka, sləmok wagili gəm wawiɗguk daykiyit ɗiy azəməɗ pakə, wakəssoŋ ka ɗiy salala na Yawe Maŋgəlva nok va anah suko.

Əmsak aka Mahenziŋ 28:37

Wakəkkpaŋ va zəga nawgeslne səni, wawlukun va zəga na mamba, wamasaŋ akok a təki Yawe Maŋgəlva nok adawkuk adakəŋka.