Zakarya 7:6 - Bible en Guidar

⁶ Ya pay kədawzəmaŋ də kədawsaŋ na, sən kiykum kədawzəmaŋ də kədawsaŋ ɓa sa?»

Zakarya 7:6 ပူးပေါင်းရင်းမြစ်များ

1Alabaraɗe Də Mabərkiziti 29:22

Azəmaŋka, asaŋgək aba Yawe dəpas də zit mamyãk mamyãkə. Masulani aɗiynən Salomoŋ wətən Davit aka məlyã, məpeslən də mẽl dəsangən ka daya aka wəza na Yawe, Sadok ka məsdəlva.

Isaya 43:23

Kəkisu time nawzaɓ-Maŋgəlva nok na əvəl nawzla kurmbuɗuk ɓa, kəgagdakaw də əzaɓ-Maŋgəlva mədan nok ɓa. Nəska wəlok nawkisu əvəl ɓa, ya nəyok də əttok tursan ɓa.

Isaya 58:3

Aɓɗaŋ na: Vi miyi mədaɗɗa meme an kuləm na ɓa di? Əɓegən ki zəm mi adawtər, an kəzək na sləma ɓa di? Ya naw nənah sukum na, vasna pay kədaɗɗaŋ meme, mənokum tat ərəh zukum, gəm əzəmgit sahã net məɗɗaŋ wəza nokum.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:4

Apesleŋ na mbazla sən Yawe ɓa, əzaɓ-Maŋgəlva net anneken na zən ɓa, wasan va way na gəlabay azeti, en dəzəmaŋ pak arnokoŋko, vi way net sən gidivti kaka'ə, atoŋ na addəv Gəla na Yawe ɓa.

Zakarya 7:5

Anah sit ɗiy naka dələv pakə, gəm məsdəlveŋge dawnəh na: «Gala kəɗɗaŋ meme, kəɓuhnən mokum aka təla masle'en də mabuhuloni, əzva kaklaw buhul kəɗɗaŋ meme, suwi kəɗɗaŋ meme van gesiŋ sa?

Zakarya 7:7

Aski əpel an Yawe anah də met məskəleŋɗe far pay Yerusalem asan fendeŋ, walaŋgəleɗe gugriɗ nan kiyən tərwəslə, Negev də dələv na Bagərəm məknihit dit ɗiy addəvit ɓa sa?

1Korintus 10:31

An əzəm kədawzəmaŋgə, an əsa kədawsaŋgə, zəga an kədaɗɗaŋ pak, məɗɗa vi gagdak na Maŋgəlva.

Əmsak aka Mahenziŋ 12:7

Kəzəmnəngən adak aba Yawe Maŋgəlva nokum, zukum dənnekgən də gəla nokum də zəga an kəɗɗaŋ pakə, vi Yawe Maŋgəlva nok azoɓokko.

Əmsak aka Mahenziŋ 14:26

Adaki kədalbah an mokrok aŋgəl pak dit koɓeɗi, wasliya, time awaniɓa hãwã, mbazla genegene, mbazla məhəsən, an məs mok asan akan pakə: adak kəlzəmən aba Yawe Maŋgəlva noko, kənnekgin dit ɗiy neŋgil anok da.

Kolosi 3:17

Məs kədawɓap əpeleŋgi awaniɓa an kədaɗɗaŋgə, məɗɗa də iya na Daya Yesu, də əmndan soko dəndən sən Maŋgəlva Afəni.

1Samiyel 16:7

Yawe aɓsən Samiyel na: «Nok kədawla gəɓa zən də əɓay nan ɓa, nəzganəka. Vi naw nawla aza an ɗiy adawlaŋ ɓa: Ɗiyi, an na ma heret adawlaŋgə ya Yawe nan makra ɗəf adawla.»